Lajmet

Von Cramon: BE qëndron me Kosovën duke e përkrahur në rrugën drejt integrimit

Ajo ka thënë se nga Kosova dhe Serbia presin zbatim të marrëveshjeve.

Published

2 years ago

May 10, 2023

UBT news

Pas miratimit të raportit nga Parlamenti Evropian, i cili theks të veçantë i vendosë dialogut të Brukselit, raportuesja për Kosovën, Viola von Cramon, ka thënë se nga Kosova dhe Serbia presin zbatim të marrëveshjeve.

Në një konferencë për media ajo ka thënë se miratimi i raportit për Kosovën është sinjal i qartë se ky shtet është partner i vlefshëm për bashkësinë ndërkombëtare.

“Do të doja të falënderoj popullin e Kosovës për një përparim substancial në vitet e fundit, për përkushtimin për vlerat demokratike, luftën kundër krimit të organizuar dhe përafrimin me politikat e bashkësisë evropiane, është cila gjë përshëndetet nga Parlamenti Evropian. Sidoqoftë, është me rëndësi të njihet fakti që ende ka sfida të shumta para nesh. Raporti i Parlamentit Evropian thekson fushat në të cilat duhet fokus, siç është lufta kundër korrupsionit, mbrojtja e lirisë së mediave dhe konsolidimi i rendit dhe ligjit”, ka thënë ajo.

Ajo ka thënë se bashkësia ndërkombëtare qëndron fuqishëm me Kosovën duke e përkrahur atë në rrugën e saj të integrimit.

“Presim zbatimin e marrëveshjeve si të Brukselit ashtu edhe të Ohrit, nga dy vendet, miratimi i këtij raporti vjetor nuk është vetëm gjest simbolik, me vetëm mban implikime të shumta për të ardhmen e Kosovës dhe për aspiratat e saj në integrimin evropian, përfaqëson një mundësi që përparimi që është bërë të jetë përkushtim për të përkrahur rrugën e Kosovës drejt BE-së. Të jem shumë e qartë, bashkësia evropiane qëndron fuqimisht me Kosovën duke i përkrahur aspiratat e saj dhe duke ofruar ndihmën dhe ekspertizën e duhur për t’i tejkaluar pengesat në rrugën e saj drejt integrimit evropian. Miratimi i këtij raporti nga Parlamenti Evropian është një sinjal i qartë se Kosovë është një partner i vlefshëm dhe bashkësia evropiane mbetët e përkushtuar për zhvillimin dhe prosperitetin e saj”, ka thënë ajo.

Megjithatë, Von Cramon ka theksuar se ka pasur pritshmëri më të mëdha sa i përket procesit të normalizimit të raporteve në mes të Kosovës dhe Serbisë.

“Unë personalisht kam shpresuar se do të ketë më shumë përparim, sidomos në marrëdhëniet me Serbinë dhe në procesin e normalizimit, kam menduar që Marrëveshja e Ohrit kish me qenë një bazë e shkëlqyeshme për këtë, po ashtu ne kemi shtyrë që të shkojnë nga ajo që gjërat të implementohen më shpejtë, t’i përmbahemi orareve, diçka mbi të cilën janë pajtuar por e shohim që është një procedurë e vështirë”, ka shtuar ajo.

Ndërsa raportuesi për Serbinë, Vladimir Bilcík ka thënë se dialogu është e vetmja mënyrë për normalizim të marrëdhënieve.

“Besoj se kemi parë një përparim të prekshëm sa i përket angazhimit të të dy palëve. Albin Kurti dhe Aleksandar Vuçiq po flasin me njëri tjetrin, këto bisedime po sjellin rezultate, ndoshta jo gjithmonë jemi aq të kënaqur me rezultatet sa do të donim të ishim, por shpresoj se miqtë dhe aleatët tanë amerikan do ta përkrahin dhe do ta lehtësojnë dialogun sepse kjo është në interesin e të gjithëve. Jemi në një udhëkryq të rëndësishëm sepse i kemi dokumentet bazike që janë miratuar nga të gjitha palët, dhe ky është një sinjal i rëndësishëm politik, dhe tani është me rendësi të punohet në zbatimin e tyre, dhe vetëm ky zbatim mund të sjell më shumë besueshmëri. Kjo është pjesa më e vështirë, këtu na duhet përkrahje e fuqishme dhe inkurajim nga të gjitha institucionet”, ka thënë ai.

Parlamenti Evropian miratoi dy rezoluta vjetore për Kosovën dhe Serbinë, “përmes së cilave u bëhet ftesë të dyja vendeve që të jenë konstruktive në dialogun për normalizimin e raporteve dhe ky normalizim duhet të përfshijë edhe njohjen e ndërsjellë”.

Lajmet

Bayern-Chelsea, rikthehet klasikja e Ligës së Kampionëve

Published

3 hours ago

September 17, 2025

UBT News

Bayern Munich dhe Chelsea përballen sot në Allianz Arena në ndeshjen hapëse të fazës së ligës në Champions League, një duel që rikthen kujtimet e finales së vitit 2012, të fituar nga londinezët.

Bavarezët nën drejtimin e Vincent Kompany, e kanë nisur sezonin në formë të shkëlqyer duke shënuar mesatarisht gati katër gola për ndeshje.

Ata do të zbresin në fushë pa Alphonso Davies, Jamal Musiala, Raphaël Guerreiro dhe Hiroki Ito, por me Harry Kane si pikë referimi në sulm.

Chelsea, i rikthyer në garën më të madhe evropiane pas një sezoni mungese, synon surprizën në Mynih. Trajneri Enzo Maresca ka përforcuar skuadrën gjatë verës, por e di se shorti i vështirë e bën misionin të komplikuar.

Në pesë përballjet e fundit direkte, Bayern ka fituar katër herë, ndërsa Chelsea vetëm një dhe ndeshja nis në orën 21:00 në Mynih.

Këto janë formacionet e mundshme:

Bayern: (4-2-3-1): Neuer; Laimer, Upamecano, Tah, Stanišić; Kimmich, Pavlović; Olise, Gnabry, Díaz; Kane.

Chelsea: (4-2-3-1): Sánchez; James, Chalobah, Adarabioyo, Cucurella; Caicedo, Fernández; Estêvão, Palmer, Neto; Pedro./S.K/KP/

Aktualitet

UBT hap thirrjen për abstrakte në Konferencën Ndërkombëtare të Stomatologjisë

Published

4 hours ago

September 17, 2025

Driton Iseni

UBT ka shpallur hapjen zyrtare të thirrjes për dorëzimin e abstrakteve për Konferencën Ndërkombëtare për Stomatologji (IC-DS 2025), e cila do të zhvillohet në kuadër të aktiviteteve të edicionit të 14-të të Konferencës Ndërkombëtare të UBT-të.

Kjo konferencë synon të bashkojë studiues, profesionistë dhe praktikues të fushës së stomatologjisë nga vende të ndryshme të botës, për të ndarë njohuri, përvoja dhe rezultatet më të fundit kërkimore në këtë fushë gjithnjë në zhvillim.

Fokusimi tematik

IC-DS 2025 mbulon një spektër të gjerë temash nga fusha e shkencave dentare dhe disiplinave të ndërlidhura, përfshirë:

Stomatologji e Përgjithshme
Mjekësi Orale
Kërkime në Stomatologji
Inovacione dhe Avancime në Stomatologji
Stomatologji me Laser
Nano-Stomatologji
Stomatologji Kozmetike
Kirurgji Orale dhe Maksilofaciale
Stomatologji Pediatrike
Shëndeti Publik Dentar
Stomatologji Restauruese
Anesteziologji Dentare
Higjiena Dentare
Pedodontikë dhe Stomatologji Preventive
Ortodontikë dhe Ortopedi Dentofaciale

Datat e rëndësishme për aplikuesit:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Regjistrimi i hershëm: deri më 17 tetor 2025

Regjistrimi i vonuar: deri më 20 tetor 2025

Dorëzimi i punimeve të plota: deri më 14 nëntor 2025

Dorëzimi i punimeve

Punimet që do të prezantohen në konferencë duhet të jenë origjinale, të papublikuara më parë dhe të mos jenë në shqyrtim në ndonjë konferencë apo revistë tjetër. Gjatësia maksimale e punimit është 6 faqe.

Të gjitha punimet që nuk përputhen me formatin e kërkuar do të refuzohen automatikisht. Për udhëzime më të detajuara rreth formatimit dhe dorëzimit, pjesëmarrësit inkurajohen të vizitojnë faqen zyrtare të konferencës në faqen e UBT-së.

UBT ka kënaqësinë t’i ftojë të gjithë të interesuarit – akademikë, profesionistë të shëndetit, studiues dhe studentë – të marrin pjesë në IC-DS 2025 dhe të kontribuojnë me punimet e tyre në këtë ngjarje me karakter ndërkombëtar dhe me rëndësi të veçantë për zhvillimin e shkencave dentare në rajon dhe më gjerë.

Për më shumë informacione, vizitoni faqen zyrtare të konferencës në UBT: KONFERENCA E UBT-së

Aktualitet

Goditje e rëndë për Real Madridin, ylli i ekipit mungon dy muaj

Published

5 hours ago

September 17, 2025

UBT News

Real Madridi ka marrë një lajm të keq pas ndeshjes së djeshme kundër Marsejës në Ligën e Kampionëve. Mbrojtësi anglez Trent Alexander-Arnold u detyrua të largohej nga fusha që në minutat e para për shkak të një dëmtimi.

Testet mjekësore të kryera kanë zbuluar një këputje muskulore në bicepsin femoris të këmbës së majtë.

Sipas raportimeve nga klubi madrilen, kohëzgjatja e rikuperimit pritet të jetë rreth dy muaj, çka nënkupton se lojtari do të humbasë disa ndeshje tepër të rëndësishme.

Alexander-Arnold nuk do të jetë i gatshëm për derbin e Madridit kundër Atlético Madridit, për El Clásicon ndaj Barcelonës në La Liga, si dhe për ndeshjen e fazës së grupeve në Ligën e Kampionëve kundër Juventusit më 22 tetor.

Ky është një problem serioz për trajnerin Carlo Ancelotti, i cili duhet të gjejë zgjidhje alternative për repartin defensiv në një periudhë të ngjeshur dhe vendimtare të sezonit./S.K/KP/

Lajmet

Galliani mohon rikthimin te Milani

Published

6 hours ago

September 17, 2025

UBT News

Ish-drejtori ekzekutiv i Milanit, Adriano Galliani, ka mohuar zërat për një rikthim te kuqezinjtë.

I pranishëm në San Siro për ndeshjen Milan-Bologna, 81-vjeçari sqaroi për AGI se kjo nuk qëndron.

“Nuk është e vërtetë. Unë jam thjesht tifoz i Milanit. Kam kaluar 31 vite aty, por me Berlusconin e shitëm klubin në vitin 2017. Shkoj në stadium vetëm për të mbështetur ekipin që dua.”, tha ai.

Galliani, aktualisht drejtor ekzekutiv i Monzës, u pa pranë Giorgio Furlanit, duke shkaktuar spekulime për një rikthim në rolin e këshilltarit të pronarit Gerry Cardinale.

Megjithatë, ai theksoi se nuk do të ketë një periudhë të dytë në drejtimin e Milanit./S.K/KP/