Një grua kosovare është sjellë pa shenja jete në Qendrën Kryesore të Mjekësisë Familjare në Rahovec.

Sipas Policisë së Kosovës, rasti është raportuar më 26 korrik 2026, ndërsa vdekja e viktimës është konstatuar nga mjeku kujdestar.

Sipas dëshmitarit, viktima është gjetur e shtrirë në shtëpinë e saj. Në vendin e ngjarjes kanë dalë njësitet përkatëse, ndërsa me vendim të prokurorit trupi i pajetë është dërguar në Institutin e Mjekësisë Ligjore për ekzaminim./A.K/

Një rast i rëndë ka ndodhur në Podujevë, ku pas një përleshjeje fizike mes disa personave, dyshohet se njëri nga ta ka shtënë me armë zjarri.

Sipas Policisë së Kosovës, ngjarja ka ndodhur më 26 korrik rreth orës 18:50, ku si pasojë e të shtënave janë plagosur dy meshkuj kosovarë, të cilët janë dërguar për trajtim në QKUK.

Në vendin e ngjarjes janë sekuestruar dy gëzhoja dhe tri automjete.

Me vendim të prokurorit, gjashtë të dyshuar janë arrestuar dhe pas intervistimit janë dërguar në mbajtje, ndërsa personi i dyshuar për të shtënat me armë zjarri ndodhet ende në kërkim nga policia./A.K/

Profesori i Inxhinierisë së Ndërtimit dhe Infrasktrukturës në UBT, Prof. Dr. Hazir S. Çadraku, në bashkëpunim me Prof. Dr. Arjan Beqiraj nga Polytechnic University of Tirana – Faculty of Geology and Mining, Department of Earth Sciences, ka publikuar punimin shkencor me titull “Application of Water Quality Index Methods for the Assessment of Water Quality in Kosovo, Review” në revistën ndërkombëtare Italian Journal of Engineering Geology and Environment.

Punimi paraqet një analizë gjithëpërfshirëse të metodave të përdorura për vlerësimin e cilësisë së ujërave sipërfaqësore në Kosovë, duke u bazuar në konceptin e Water Quality Index (WQI), një nga metodat më të përdorura në nivel botëror për monitorimin dhe klasifikimin e cilësisë së ujit.

Studimi ofron një përmbledhje sistematike të literaturës shkencore dhe analizon aplikimin e metodave të ndryshme të WQI-së në rrjetin hidrografik të Kosovës. Rezultatet tregojnë se faktorët natyrorë dhe aktivitetet njerëzore kanë ndikim të drejtpërdrejtë në cilësinë e ujërave sipërfaqësore, ndërsa vlerësimet e realizuara evidentojnë se ujërat me cilësinë më të ulët gjenden në pellgun e lumit Lepenc, ndërsa cilësia më e mirë është regjistruar në pellgun e lumit Ibër.

Punimi thekson gjithashtu rëndësinë e zbatimit të metodave të standardizuara për monitorimin e cilësisë së ujërave, në përputhje me kërkesat e Direktivës Evropiane për Ujërat (Water Framework Directive 2000/60/EC), duke ofruar një bazë të rëndësishme shkencore për menaxhimin e qëndrueshëm të burimeve ujore dhe mbrojtjen e mjedisit.

Ky publikim përfaqëson një kontribut të vlefshëm në fushën e inxhinierisë mjedisore, hidrologjisë dhe menaxhimit të burimeve ujore, duke dëshmuar angazhimin e vazhdueshëm të studiuesve të UBT-së në kërkimin shkencor me ndikim ndërkombëtar dhe në zhvillimin e zgjidhjeve që kontribuojnë në mbrojtjen e mjedisit dhe zhvillimin e qëndrueshëm.

Punimi është publikuar në numrin e parë të vitit 2026 të revistës Italian Journal of Engineering Geology and Environment dhe është i qasshëm në linkun: PUNIMI

Një person është arrestuar në Prishtinë nën dyshimin për blerje, posedim, shpërndarje dhe shitje të paautorizuar të narkotikëve.

Sipas Policisë së Kosovës, rasti ka ndodhur më 26 korrik, rreth orës 18:50, në rrugën “Dëshmorët e Kombit”, ku është ndaluar një automjet me ngasës mashkull kosovar.

Gjatë kontrollit në automjet është gjetur dhe konfiskuar një sasi marihuane me peshë 526.9 gramë. Ndërsa gjatë kontrollit të shtëpisë së të dyshuarit janë gjetur edhe 152 gramë marihuanë, 1.42 gramë kokainë, 23.59 gramë hashash si dhe 1 mijë e 650 euro.

I dyshuari është arrestuar dhe me vendim të prokurorit është dërguar në mbajtje./A.K/