Shëndeti

Vlerat shëndetësore të sardeles

Të freskëta dhe të plota në shije, sardelet janë ndër ushqimet më të shëndetshme për organizmin.

Published

4 years ago

June 9, 2021

Betim Gashi

Sardelet janë padyshim fantastike në vlera ushqyese ndërsa të mrekullojnë me shijen e tyre kur janë të gatuara.

Të freskëta dhe të plota në shije, sardelet janë ndër ushqimet më të shëndetshme për organizmin.

Të shoqëruara me sallata të freskëta të stinës apo perime të pjekura ato shndërrohen në një vakt të shkëlqyer dhe ideal dreke.

AgroWeb.org ju sugjeron më poshtë një recetë fantastike të përgatitjes së sardeleve të pjekura krejt lehtë në shtëpi.

Përgatitja e Sardeleve të Pjekura

(Përbërësit më poshtë janë për 4-5 persona)

1 kg sardele

¾ e një filxhani çaji me vaj ulliri

Kripë

Piper (sipas preferencës)

2 kokrra limon

Majdanoz i freskët

Spec djegës

Përgatitja

Sardelet pastrohet, u largohet koka dhe pjesët e brendshme. Lahen mirë me ujë të bollshëm dhe vendosen në një kullesë që t’u largohet uji.

Më pas, AgroWeb.org ju udhëzon që t’i radhisni në një tavë duke u hedhur kripë, piper dhe pak spec djegës.

Sipër spërkaten me gjysmën e sasisë së vajit të ullirit dhe futen të piqen në furrë të parangrohur në temperaturë maksimale përreth 20-30 minuta.

Ndërkohë, kur shërbehen u hidhet sipër një salcë e përgatitur me lëngun e dy kokrrave të limonit dhe gjysmën tjetër të vajit të ullirit.

AgroWeb.org ju sugjeron edhe një tjetër mënyrë të përgatitjes së sardeleve, atë të gatimit të tyre në tenxhere me presion.

Në këtë rast, sardelet kriposen dhe u hidhet piper, vendosen shtresa-shtresa në tenxhere me presion dhe vendosen në zjarr.

Kjo është mënyra më e shpejtë për t’i gatuar pasi sardelet lihen në zjarr vetëm 5 minuta nga momenti që tenxherja e presionit nis të marrë nxehtësinë duke lëshuar zhurmën e saj karakteristike.

Vlerat shëndetësore të sardeles

Sardelet janë të pasura me vlera të nevojshme për mbrojtjen e shëndetit të zemrës. Ato janë një burim i pasur me vitaminë B12.

Ato kanë kalcium, hekur dhe potasium.

Sardelet janë një burim i pasur me vitaminën D që njihet si një element i rëndësishëm për shëndetin e kockave, duke qenë se ndihmon në përthithjen e kalciumit.

Sipas të dhënave të AgroWeb.org, sardelet janë gjithashtu të pasura me fosfor, një mineral i rëndësishëm në fuqizimin e strukturës kockore dhe në luftimin e sëmundjes së osteoporozës, duke i bërë kockat më të shëndetshme.

Sardelet janë të pasura me proteina të cilat na japin amino acidet për të cilat kemi nevojë.

Trupi ynë i përdor amino acidet për të krijuar proteina të reja, që shërbejnë si bazë e rëndësishme për qelizat e trupit.

Proteinat formojnë edhe bazën e muskujve dhe indet lidhorë, antitrupa që mbajnë sistemin imunitar të fortë, dhe protein transportuese që shpërndajnë oksigjenin dhe elementë ushqyes në gjithë trupin./AgroWeb.org

Shëndeti

Ushqimet më të mira kundër fryrjes së stomakut

Published

23 hours ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

1 day ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

1 day ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

1 day ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!