Sport

Vlahovic premton gjëra të mëdha me Juventusin

Ai mbetet i lumtur që u transferua te Juventusi, ku tani ka treguar se ka ende vend për përmirësime.

Published

3 years ago

on

Dusan Vlahovic u zotua të përmirësohet në gjysmë-sezonin e tij të parë me Juventusin, ku premton të bëhet kampion, ndërsa “Zonja e Vjetër” përgatitet të përfundojë sezonin e saj në Serie A kundër ish-klubit të tij Fiorentinas.

Vlahovic iu bashkua skuadrës së Massimiliano Allegrit në një transferim prej 70 milionë eurosh në janar pasi shënoi 17 gola në 21 paraqitje në Serie A për Fiorentinan, ku shtoi edhe shtatë të tjera në 14 paraqitjet e ligës për Juventusin që nga kalimi në Torino.

Megjithatë, Vlahovic ka dështuar ta vazhdojë formën e tij të Fiorentinës gjatë fundit të këtij sezoni te Juventusi.

Pavarësisht kësaj, Vlahovic mbetet i lumtur që u transferua te Juventusi, ku tani ka treguar se ka ende vend për përmirësime.

“Do të thosha që nuk më pëlqen të flas për vetën si një kampion i vërtetë. Ka ende rrugë të gjatë për ta arritur atë gjë. Do të jap çdo gjë nga vetja dhe unë shpresoj që do të bëhem kampionë”, tha Vlahovic.

“Më pëlqen ADN e Juventusit, dëshira për të luftuar dhe për tu mos dorëzuar, të kaloj limitet deri në fund. Edhe unë jam ashtu, më pëlqen të punojë, dhe mbi të gjitha nëse ndaloj së luajturi nuk dua të ndjej keqardhje, dua të jap çdo gjë nga vetja, nuk dua të pendohem për asgjë”, shtoi më tej sulmuesi serb.

Që prej kalimit nga Fiorentina te Juventusi, Vlahovic ka arritur të bëjë 20 paraqitje në të gjitha garat, duke regjistruar nëntë gola dhe dy asistime mbi emrin e tij.

Related Topics:
Continue Reading

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

4 days ago

on

May 17, 2025

By

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

7 days ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

1 week ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

1 week ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Të kërkuara