Lajmet

Vjena shpallet sërish qyteti më i mirë në botë për të jetuar

Qyteti i dytë është Cyrihu dhe vendi i tretë Auckland.

Published

on

Qyteti i Vjenës u rendit sërish në vendin e parë në renditjen globale si vendi më i mirë për të jetuar. Është hera e njëmbëdhjetë që Vjena zyrtarisht mund ta quajë veten qyteti më i jetueshëm në botë.

Të paktën sipas renditjes globale të firmës konsulente Mercer. “Anketa e Cilësisë së Jetesës 2023” krahason cilësinë e jetës në 241 qytete në mbarë botën – dhe Vjena doli sërish fituese.

“Vjena është e njohur për historinë e saj të pasur, arkitekturën mbresëlënëse dhe skenën e gjallë kulturore dhe u ofron banorëve të saj një standard të lartë jetese në shumë mënyra”, thuhet në faqen zyrtare të Mercer.

Vjena ia detyron vendin e saj në krye të botës infrastrukturës së saj me një rrjet të mirëzhvilluar dhe të besueshëm të transportit publik, ujin dhe kujdesin shëndetësor, dhe një game të gjerë ofertash arsimore. Për renditjen janë përdorur kritere të ndryshme, duke përfshirë standardet shëndetësore, stabilitetin politik, situatën ekonomike, sistemin arsimor, tregun e banesave dhe ruajtjen e natyrës. Studimi bazohet në të dhëna nga institute dhe autoritete të pavarura, të cilat vlerësohen nga Mercer dhe plotësohen nga një anketë e emigrantëve – punëtorëve të dërguar jashtë vendit.

Kryetari i Bashkisë së Vjenës, Michael Ludwig, është i kënaqur me renditjen e lartë: “Ne po punojmë gjatë gjithë kohës me përkushtim të plotë për t’u ofruar njerëzve të Vjenës jetën më të mirë të mundshme. Sigurisht, është mirë të shohësh që këto përpjekje njihen edhe në renditjet ndërkombëtare. Shqetësimi ynë kryesor është të vazhdojmë të punojmë për popullin e Vjenës dhe të zhvillojmë vazhdimisht qytetin tonë”.

Sipas Mercer, vendi i dytë shkon në Cyrih dhe vendi i tretë në Auckland.

Lajmet

Ishte në mision vullnetar – vdes në Sumy tenori ukrainas, Vladislav Gorai

Published

on

Tenori Vladislav Gorai, anëtar i Operës Kombëtare të Odesës në Ukrainë, vdiq të dielën gjatë kohës kur ishte i angazhuar në një mision vullnetar në rajonin verior Sumy, që kufizohet me Rusinë, thanë zyrtarët e operës.

Më shumë se tri vjet që nga fillimi i luftës kundër Ukrainës, forcat ruse iu afruan qytetit Sumy javën e kaluar, duke e vënë në rrezik kryeqytetin rajonal përmes një avancimi të dyfishtë me luftime të ashpra në vijën e frontit si dhe me sulme të pamëshirshme me raketa e dronë, raporton agjencia e lajmeve “Reuters”.

“E tërë bota e njohu zërin e Vladislav Vikentiiovych-it, por zemra e tij i përkiste Ukrainës. As në kohërat më të errëta, ai nuk qëndroi anash – ai ndihmoi, bëri punë vullnetare, përkrahu” – thuhet në një deklaratë të operës të dielën.

Continue Reading

Lajmet

Gërvalla: Bllokada e Kuvendit e pakuptimtë, opozita të marrë përgjegjësi

Published

on

By

Deputetja e Lëvizjes Vetëvendosje, Donika Gërvalla, ka reaguar pas dështimit të radhës për konstituimin e Kuvendit të Kosovës, duke e cilësuar situatën si përsëritje të një bllokade të pakuptimtë.

Gjatë deklaratës së saj, Gërvalla u bëri thirrje partive opozitare që të heqin dorë nga ajo që e quajti “strategji destruktive” dhe të marrin pjesë në procesin e votimit.

“Ishit dëshmitarë të një përsëritjeje të pakuptimtë të një bllokade, e cila tashmë e ka humbur kuptimin e vet. Bllokada do të thotë mosvotim dhe pamundëson konstituimin e Kuvendit”, tha Gërvalla.

Ajo theksoi se Kuvendi duhet të konstituohet për të përmbushur pritjet e qytetarëve dhe për të garantuar funksionimin demokratik të institucioneve.

“Ne kemi nevojë për unitet për shtet, jo për pushtet. Ky unitet shprehet përmes funksionimit të Kuvendit, jo përmes bllokadës”, përfundoi ajo.

Continue Reading

Lajmet

Haxhiu: Konstituimi i Kuvendit nuk është vetëm përgjegjësi e Vetëvendosjes

Published

on

By

Kandidatja e Lëvizjes Vetëvendosje për kryetare të Kuvendit, Albulena Haxhiu, ka reaguar pas dështimit të seancës konstituive të mbajtur më 29 qershor. Ajo tha se përgjegjësia për konstituimin e Kuvendit i takon të gjithë spektrit politik dhe jo vetëm VV-së.

“Ka pasur gjashtë përpjekje për votim të hapur, por asnjë nuk ka rezultuar me sukses. Nuk i përket vetëm VV-së të kontribuojë në këtë proces. Ne kemi marrë përsipër të japim kontributin tonë, por nuk është përgjegjësi vetëm e jona”, u shpreh Haxhiu.

Ajo theksoi se Vetëvendosje, si subjekti i parë në zgjedhje, gëzon të drejtën kushtetuese për të propozuar kryeparlamentarin dhe se kjo e drejtë nuk mund të vihet në pikëpyetje.

“Të drejtën për të propozuar e ka VV-ja. Askush nuk mund të ndërhyjë në këtë të drejtë, pasi është e garantuar me Kushtetutë dhe nuk varet nga preferencat individuale”, tha Haxhiu.

Continue Reading

Lajmet

Mustafa: Përsëritja e zgjedhjeve, gjëja e fundit që i duhet Kosovës

Published

on

By

Deputeti i Lidhjes Demokratike të Kosovës (LDK), Besian Mustafa, ka paralajmëruar se vazhdimi i bllokadës institucionale mund të rezultojë me zgjedhje të parakohshme. Ai tha se situata aktuale nuk i shërben vendit dhe theksoi nevojën për një zgjidhje politike gjithëpërfshirëse.

“Bllokada 48-orëshe do ta çojë vendin në zgjedhje të parakohshme të reja”, deklaroi Mustafa, pas dështimit të 29-të për konstituimin e Kuvendit të Kosovës.

Sipas tij, përsëritja e zgjedhjeve nuk është në interes të Kosovës. “Përsëritja e zgjedhjeve është gjëja e fundit që i duhet Kosovës”, shtoi ai.

Continue Reading

Të kërkuara