Lajmet

Vizita e Lajçakut vlerësohet joproduktive, pesimizëm për zhbllokim të dialogut

Sipas njohësve të procesit të dialogut Kosovë-Serbi, ky proces ka hyrë në një ngërç të ri dhe se s’ka asnjë indicie që situata po shkon drejt zgjidhjes.

Published

12 months ago

March 6, 2024

Betim Gashi

Pavarësisht vizitës së djeshme të emisarit special të BE-së për dialogun, Miroslav Lajçak në Kosovë dhe paralajmërimeve për takim të radhës të kryengociatorëve në Bruksel, pritjet për rezultate në dialog janë minimale, madje edhe për gjetjen e një zgjidhje për Rregulloren e BQK-së, ku ndalohet përdorimi i dinarit serb në Kosovë. Sipas njohësve të procesit të dialogut Kosovë-Serbi, ky proces ka hyrë në një ngërç të ri dhe se s’ka asnjë indicie që situata po shkon drejt zgjidhjes, veçmas kur brenda pak muajsh do të mbahen zgjedhjet e reja në Bashkimin Evropian.

Drejtori ekzekutivi i Lëvizjes Çohu, Arton Demhasaj, thotë se për aq kohë sa nuk jepet një zgjidhje për çështjen e dinarit, s’do të ketë diskutim për zbatimin në tërësi të marrëveshjes së Brukselit dhe Ohrit.

Sipas tij, qeveritarët kanë gabuar që nuk kanë dëgjuar këshillat e amerikanëve për shtyrje të këtij vendimi, derisa tash për këtë temë pritet të diskutojnë në Bruksel në nivel të kryenegociatorëve.

“Rregullorja e re e BQK-së për dinarin në një mënyrë e ka bllokuar procesin e dialogut. Krejt energjia e emisarëve, njëkohësisht edhe palëve në dialog është orientuar kah çështja e dinarit. Për aq kohë sa nuk ka me u jep një zgjidhje për çështjen e dinarit mendoj se s’ka me pas dialog dhe as diskutim për zbatim të marrëveshjes bazë. Takimi i djeshëm temë kryesore ka qenë çështja e dinarit, me shumë gjasë edhe takimi i ardhshëm që pritet të organizohet në Bruksel mes dy kryesuesve të dy delegacioneve do të jetë temë e diskutimit dinari. Kur t’i jepet zgjidhje problemit të dinarit, atëherë mendoj se presioni do të kthehet prapë te marrëveshja bazë, zbatimi i saj që lidhet me kryerjen e obligimeve nga dy palët”, thotë Demhasaj.

Në anën tjetër, politologu, Albinot Maloku, thotë se vizita e Lajçak në Prishtinë është më shumë në vazhdën e përpjekjeve të tij për zbatimin e marrëveshjeve të Brukselit dhe Ohrit. Mirëpo, ai shton se pa një sekuencim të qartë dhe të balancuar për zbatimin e marrëveshjes nuk pret që të ndodh një gjë e tillë.

“Ai me siguri që do të provojë maksimalisht të shtyjë përpara çështjen e të ashtuquajturës marrëveshje bazike, apo pajtimit të ndodhur në Bruksel dhe Ohër, që faktikisht Kosova e ka dhënë Po-në e vet, pavarësisht faktit se nuk ka nënshkrim. Nga lehtësuesi i dialogut dhe faktori tjetër ndërkombëtar po na thuhet se nuk është e nevojshme të kemi nënshkrimin, për pasojë palët janë të obliguara të jetësojnë pajtimin e ndodhur në Bruksel dhe Ohër. Kosova e ka pjesën e saj, tash a ka përparim në drejtim të shtyllave thelbësore për të jetësuar nuk ka. Kemi një letër të kryeministres serbe që theksojnë se nuk do të jetësojnë pjesë të kësaj marrëveshje, ndërsa në anën tjetër, qeveria e Kosovës zvarrit dhe gjen metoda nga më të ndershme që mos të jetësojnë marrëveshjen. Lajcak e ka pjesë e vet të mandatit të mbetur dhe do të insistojë në jetësimin e pajtimit të ndodhur në Bruksel dhe Ohër”, deklaron ai.

Ndërkaq Demhasaj konsideron se pavarësisht vizitës së Lajçakut në Kosovë, s’ka asnjë indicie se situata po shkon drejt zgjidhjes sa i përket ndalimit të përdorimit të dinarit serb.

“Momentalisht s’ka indicie që situata po shkon drejt zgjidhjes. Në njërën anë qeveria po këmbëngul që çështja e rregullores është në kompetencë të BQK-së si organ i pavarur, ndërsa në anën tjetër presioni ndërkombëtar është që kjo rregullore duhet të shtyhet dhe t’i jepet kohë zbatimit të marrëveshjes. Kështu që momentalisht s’ka apo nuk po duket se ka një zgjidhje”, thekson Demhasaj.

Lajçak të martën ka qëndruar në Kosovë, ku është takuar me zëvendëskryeministrin, Besnik Bislimi. Pas takimit, ai ka thënë se do të dëshironin të shohin përparim më të madh në zbatimin e marrëveshjes së Brukselit dhe të Ohrit.

Sipas tij, kjo marrëveshje, e cila ditë më parë ka bërë 1 vit nga nënshkrimi është ujdia më e mirë që Kosova dhe Serbia mund të arrijnë. Krahas kësaj, ai ka bëri të ditur se kanë diskutuar edhe për çështjen e dinarit serb, ndërkaq paralajmëroi se shumë shpejtë do të ketë takim të kryenegociatorëve në Bruksel. Ndërkaq sipas komunikatës qeveritare, zëvendëskryeministri Besnik Bislimi, në takim me Lajçak ka potencuar se Rregullorja e BQK-së nuk është pjesë e dialogut me Serbinë, derisa ka theksuar nevojën e zbatimit të marrëveshjes bazike Kosovë-Serbi.

Related Topics:dialogu Lajcakut Miroslav Lajçak zgjedhje

Up Next

Suedia anëtarësohet zyrtarisht në NATO më 11 mars

Don't Miss

Naftëtarët kundër vendimit të MINT-it për marzhën e fitimit

Bota

Ish-udhëheqësi i Hezbollah do të varroset të dielën

Published

1 day ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

1 day ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

1 day ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.