Lajmet

Vitia: Në shkurt pritet të arrijë pajisja për diagnostikimin e kancerit

Vitia theksoi se për shkak të zhvillimit të teknologjisë, plani i veprimit në shëndetësi është ndarë në tri pjesë.

Published

2 years ago

January 24, 2024

Betim Gashi

Ministri i Shëndetësisë, Arben Vitia ka deklaruar se për vitin 2024 do të investohen shtatë milionë euro në Sistemin Informativ Shëndetësor.

Gjatë konferencës për media pas mbledhjes së qeverisë, Vitia theksoi se për shkak të zhvillimit të teknologjisë, plani i veprimit në shëndetësi është ndarë në tri pjesë. Sipas tij projekti i parë do të nisë me këto shtatë milionë euro. Ai tha se nisur nga viti 2028 deri në vitin 2031 ekziston potenciali edhe për investime në inteligjencën artificiale.

“Shtatë milionëshi për SISh-in është pjesë dhe ka dal si produkt i studimit fizibilitetit në vitin e kaluar për Sistemin Informativ Shëndetësor i cili është një studim që natyrshëm është bërë një plan i veprimit dhe në strategji e implementimit të sistemit informativ shëndetësor, e cila ndahet në tre pjesë dhe pjesë e parë që është viti 2024 janë këto shtatë milionët e para në të cilat janë disa pjesë harduerike që duhen patjetër në implementimin e Sistemit Informativ shëndetësor, zgjerimit të rrjetit qeveritarë deri te ambulantë e fundit në secilin cep të Kosovës, janë edhe disa produkte që vendosin bazën për sistemin informativ shëndetësor e cila do të jetë e mjaftueshme për të kaluar në krijimin e sistemit.34:03 Për korrektësi duhet treguar që ky si projekt kushton shumë dhe parashihet që në fazën finale nga viti 2027/2028 deri në vitin 2031 për shkak të zhvillimit të teknologjisë të kenë potencial të investimeve deri në inteligjencë artificiale.34:32 Kjo faza e parë nga shtatë milionë është implementimi i Sistemit Informativ Shëndetësor që do të fillojë në vitin 2024”, tha Vitia.

Tutje Vitia ka përmendur edhe tre vendimet të cilat janë marrë në mbledhjen e qeverisë. Ai tha se do të përkrahen me subvencione 375 specializantë me vetëfinancim si dhe nuk do të ketë dallime në ndarjen e subvencioneve edhe për specializantët nga Lugina, Medvegja dhe Bujanoci.

“Pas shumë mundi në Republikën e Kosovës në kalendarin e rregullt të vaksinimit janë tre vaksina të reja, të rëndësishme për shëndetin e qytetarëve tonë. Siç është vaksina e Pneomokokut, vaksina Human Papillomavirusi, që njohët si vaksina parandaluese e kancerit të qafës së mitrës dhe vaksina kundër Rota virusit. Kurse dy vendimet tjera që sot u morën, në kuadër të mbledhjes së qeveris për MP, janë dy vendime që përkrahen grupi i specializantëve me vetëfinancim, fillimisht 375 specializant me vetëfinancim nga Republika e Kosovës ku sot në qeveri do të përkrahen me subvencione edhe këtë vit ashtu siç kemi premtuar. Në vendim tjerët sot u morë vendimi që mos te këtë dallime nga specializantë nga bashkëkombësit tonë që vijnë nga Lugina, Presheva, Medvegja dhe Bujanoci, po ashtu edhe nga Mali zi, të cilët njësoj do të subvencionohen nga qeveria e Republikës së Kosovës”, theksoi Vitia.

Vitia tregoi se Kosova do të furnizohet edhe me pajisjen Pet Scan, pajisje kjo e cila do të vijë në shkurt dhe do të përdoret për diagnostikimin e sëmundjeve të kancerit dhe të tjera. Ai tha se mjekët në Kosovë do të trajnohen për përdorimin e kësaj pajisje.

“Pet Scan vjen në shkurt, nuk mund të them datën e saktë një herë sepse Presidenca dhe Emiratet e Bashkuara Arabe janë donatorë të këtij donacioni, por atë që mund të them që në javën e parë të shkurtit përfundojnë të gjitha përgatitjet teknike për vendosjen e Pet Scan brenda klinikave. Trajnimi është duke vazhduar edhe pse mjekët kanë qenë të trajnuar edhe më herët por trajnimi do të vazhdojë. Kjo e bën Kosovën në Ballkanin perëndimor në mos gaboj vendin e parë në sistemin publik që ka Pet Scan dhe ky është një lajm i mirë që qytetarët kanë shpenzuar edhe shumë mjete por edhe kohë në udhëtime për diagnostikim”, tha Vitia.

Në fund, ministri Vitia ka treguar edhe për gjendjen e personave të cilat janë lënduar pas shpërthimit të bombolës në veri të Mitrovicës. Ai tha se gjendja e tyre është stabile falë punës së jashtëzakonshme të mjekëve.

Vendi

Kuvendi shqyrton Bordin e Paqes, opozita kundërshton Projektligjin për Byronë

Published

7 minutes ago

April 24, 2026

UBTNews

Kuvendi i Kosovës sot pritet të shqyrtoje edhe Projektligjin për anëtarësimin e Kosovës në Bordin e Paqes. Kjo pasi propozimi i partisë në pushtet për futjen në rend dite u përkrah edhe nga opozita.

Ndërkohë që opozita nuk është pajtuar që në rend dite të futen disa projektligjeve të tjera, përfshirë atë për Byronë shtetërore për verifikimin dhe konfiskimin e pasurisë së pajustifikueshme, duke thënë se nuk kanë kaluar në Komisione në lexim të dytë.

“Ne jemi që marrëveshja e Bordit të paqes të futet si pikë e rendit të ditës. Ndërsa për të tjerat jemi kundër. Nuk mund ta trajtojmë byronë këtu pa kaluar në lexim të dytë në Komisionin për Legjislacion”, ka theksuar deputeti i PDK-së Përparim Gruda.

Njëjt është deklaruar edhe deputetja e LDK-së Jehona Lushaku.

“Në përkrahim pikën për Bordin e Paqes ndërkohë që nuk përkrahim futjen e projektligjeve të tjera sidomos, atyre që nuk kanë kaluar në lexim të dytë në komisione”, ka theksuar ajo.

Partia në pushtet e ka arsyetuar urgjencën më situatën në të cilën gjendet Kuvendi, i cili do të shpërndahet automatikisht, nëse presidenti nuk zgjidhet deri më 28 prill.

“Sa i përket Projektligjit për Byronë ne jemi njoftuar që dëgjimi publik është finalizuar, ndërkohë urgjenca për këtë është pasur parasysh rrethanat që ndodhemi si Kuvend. Ndërkaq dy projektligjet për energjinë, tashmë si Kuvend kemi pranuar edhe një shkresë nga Sekretariati i Komitetit të Energjisë, janë pjesë e planit të rritjes”, ka thënë shefja e Grupit Parlamentar të Vetëvendosjes, Arbërie Nagavci.

Lajmet

Profesorët e UBT-së publikojnë studim ndërkombëtar për cilësinë e ujërave nëntokësore në Kosovë

Published

31 minutes ago

April 24, 2026

ubtnews

Profesorët e UBT-së, Hazir S. Çadraku, Pajtim Bytyqi dhe Osman Fetoshi, në bashkëpunim me studiues nga universitete vendore dhe ndërkombëtare, kanë publikuar një artikull shkencor në revistën ndërkombëtare Limnological Review scientific journal.

Studimi, i titulluar “Assessment of Groundwater Quality in Some Regions of Kosovo Based on Physico-Chemical and Microbiological Parameters”, analizon cilësinë e ujërave nëntokësore në disa rajone të Kosovës përmes parametrave fiziko-kimikë dhe mikrobiologjikë.

Rezultatet tregojnë se, megjithëse shumica e parametrave fiziko-kimikë janë brenda kufijve të lejuar, në shumë zona është evidentuar ndotje mikrobiologjike, përfshirë praninë e bakterit Escherichia coli, duke e bërë ujin të papërshtatshëm për konsum pa trajtim.

Studimi thekson ndikimin e faktorëve si aktivitetet bujqësore dhe mungesa e trajtimit të ujërave të zeza, si dhe nënvizon nevojën për masa urgjente në menaxhimin dhe trajtimin e burimeve ujore.

Ky publikim përfaqëson një kontribut të rëndësishëm shkencor dhe dëshmon angazhimin e UBT-së në kërkime me ndikim në nivel vendor dhe ndërkombëtar.

Vendi

Nderohet kontributi i ish-kongresmenit Engel në shtetndërtimin e Kosovës

Published

1 hour ago

April 24, 2026

UBTNews

Udhëheqësit e institucioneve kanë shprehur vlerësim të madh për rolin dhe kontributin e ish-kongresmenit amerikan, Eliot Engel, në historinë dhe procesin e shtetndërtimit të Kosovës.

Gjatë seancës së Kuvendit të mbajtur në nder të Engel, i cili ndërroi jetë më 10 prill, ushtruesja e detyrës së presidentes, Albulena Haxhiu, u shpreh se ai ka lënë gjurmë të thella në historinë e vendit.

“Në ditët më të vështira të historisë sonë të re, bëshkë edhe me shumë kongresistë e senatorë amerikanë, ngriti zërin fuqishëm kundër shkeljes së të drejtave tona, represionit, dhe persekutimit nga regjimi serbo-jugosllav”, ka theksuar Haxhiu, në seancë që ka nisur më një minutë heshtje në nderim të Engel.

Ajo ka shtuar se gjatë gjithë karrierës së tij, Engel nuk u ndal së kërkuari drejtësi për popullin e Kosovës.

“Në vitet e errëta kur shqiptarët e Kosovës po vuanin nën regjimin e Millosheviqit dhe bota ende hezitonte të vepronte, Eliot Emgel ngriti zërin”, ka theksuar Haxhiu.

Lajmet

Kuvendi mban sot seancë solemne për Eliot Engel dhe seancë të rregullt plenare

Published

3 hours ago

April 24, 2026

UBTNews

Kuvendi i Kosovës mban sot dy seanca plenare, duke nisur në orën 10:00 me një seancë solemne në nderim të ish-kongresmenit amerikan Eliot Engel, i cili vdiq më 10 prill.

Pas saj, në orën 11:00, do të vijojë seanca e rregullt me këtë rend dite:

Miratimi i procesverbalit nga seanca e mëparshme.
Deklarimet jashtë rendit të ditës.
Pyetjet parlamentare.
Shqyrtimi i Projektligjit për Ratifikimin e Amendamentit Nr. 2 të Marrëveshjes Financiare Kosovë-BE për Programin IPA 2020.
Shqyrtimi i Projektligjit për Ratifikimin e Amendamentit Nr. 1 të Marrëveshjes Financiare Kosovë-BE për programin IPA 2019 (pjesa e dytë, objektivi 1).
Zgjedhja e anëtarëve të Këshillit Gjyqësor të Kosovës.
Zgjedhja e anëtarëve të Bordit të Radiotelevizionit të Kosovës.
Zgjedhja e anëtarëve në Komisionin e Pavarur të Mediave.
Shqyrtimi i Propozim-rezolutës për avancimin e përkujdesjes institucionale ndaj komunitetit shqiptar në Preshevë, Medvegjë e Bujanoc.
Propozimi i Grupit parlamentar “Multietnik” për zëvendësimin e deputetëve në komisione parlamentare.