Lajmet

Vitia dhe kryetarët e komunave diskutojnë sot për masat antiCOVID

Published

on

Ministri i Shëndetësisë, Arben Vitia do të mbajë sot një takim me kryetarët e komunave të Kosovës.

Në këtë takim virtual që do të mbahet mes Vitisë dhe kryetarëve të komunave do të diskutohet lidhur me masat antiCOVID-19 të vendosura për parandalimin e përhapjes së virusit korona.

Takimi virtual do të fillojë në ora 10:00. Këtë e ka konfirmuar për KosovaPress, kryetari i Asociacionit të Komunave të Kosovës, Sazan Ibrahimi.

“Po, nga ora 10:00 do të kemi takimin me kryetarët dhe me ministrin Vitia”, tregoi Ibrahimi.

Ndërkohë që kohë më parë Qeveria e Kosovës, në krye me Albin Kurtin kanë vendosur masat kundër COVID-19, përmes të cilave ndalohet puna e gastronomëve dhe qarkullimi i qytetarëve nga ora 22:30 deri në ora 05:00.

Lirim të masave po kërkojnë edhe gastronomët, të cilët të martën edhe protestuan para Qeverisë së Kosovës nën moton “Me një vaksinë nuk çel vera”.

Në këtë protestë morën pjesë pronarët e këtij biznesi nga e gjithë Kosova për të shprehur pakënaqësinë për masat antiCOVID- dhe duke kërkuar largimin e tyre, përfshirë edhe orën policore.

Ndërsa javët e fundit ka pasur rënie të numri të të vdekurve, por edhe të rasteve pozitive me COVID-19. Instituti Kombëtar i Shëndetësisë Publike të Kosovës (IKShPK) ka njoftuar për se aktualisht janë 3 mijë e 303 raste aktive me COVID-19.

Numri total i rasteve pozitive është 107 mijë e 269 raste nga 597 mijë e 19 persona të dyshimtë në virusin SARS-CoV-2 dhe 2 mijë e 241 raste të vdekjes.

Gjatë 24 orëve të fundit, janë shëruar 258 pacientë derisa numri i përgjithshëm i të shëruarve deri më sot është gjithsej 101 mijë e 725.

Lajmet

Gatishmëria për emergjenca, AME hap javën e aktiviteteve

Published

on

By

Agjencia e Menaxhimit Emergjent ka hapur javën e aktiviteteve, ku janë ekspozuar pajisjet e zjarrfikësve, ekipit të barrierave dhe ekipit për shuarjen e zjarreve malore nga toka.

Drejtori i AME-së, Genc Metaj tha se misioni i tyre është udhëheqja dhe koordinimi i përpjekjeve shtetërore në parandalim, gatishmëri, reagim dhe rimëkëmbje në rastet e emergjencave.

Qëllimi ynë është që të ndikojmë në vetëdijesim dhe ndërgjegjësim, që të jemi afër qytetarëve, të promovojmë rolin dhe rëndësinë e agjencisë, të njësive profesioanle të zjarrfikjes dhe shpëtimit, strukturave të mbrojtjes, shpëtimit dhe ndihmës, si dhe masat që duhet të ndërmerren në rast të fatkeqësive, e veçanërisht të fokusohemi në parandalimin e tyre”, deklaroi ai.

Continue Reading

Lajmet

KDI: Kosova ka bërë përparim të moderuar në zbatimin e obligimeve të Procesit të Berlinit

Published

on

By

Kosova ka bërë përparim të moderuar në zbatimin e Planit të Veprimit për Tregun e Përbashkët Rajonal të Procesit të Berlinit.

Kështu thuhet në raportin e Institutit Demokratik të Kosovës (KDI), i cili u publikua të martën.

Hulumtuesja në KDI, Violeta Haxholli, tha se fokusi i raportit është në fushën e digjitalizimit dhe agjendës së gjelbër.

Sipas saj, në kuadër të agjendës së reformave evropiane, Kosova ka bërë përparim në zhvillimin e rrjetit 5G si pjesë e agjendës digjitale 2030, mirëpo shtoi se duhet angazhim më i madh në kuadër të agjendës së gjelbër.

Si mangësi ajo përmendi mungesën e aftësive digjitale, sidomos në sektorin e arsimit.

Në anën tjetër, ajo tha se Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind.

Te pjesa e digjitalizimit mund të them se ka pasur progres në përmirësimin e infrastrukturës dhe konektivitetit. Kosova ka arritur një shtrirje të internetit 100 për qind që e tejkalon edhe mesataren e BE-së. Ky është zhvillimi më pozitiv nga pjesa e digjitalizimit, ndërkaq pjesa e siç kemi marrë obligime dhe që kërkohet nga BE-ja që Kosova  të bëjë përpjekje për të zbatuar edhe teknologjinë 5G që është duke zhvilluar por duhet edhe tutje. Hap tjetër pozitiv është miratimi i Strategjisë së Agjendës Digjitale i cili ngërthen shumë aspekte të zhvillimit digjital dhe objektivave që Kosova ia ka vendosur vetës për të arritur tutje në avancim drejt zhvillimit digjital të vendit… Kosova ka vendosur objektivat për energjinë dhe klimën deri në vitin 2030, ku përfshinë rritjen e pjesës së energjisë së ripërtërishme deri  32 për qind dhe reduktimin e gazrave serë deri në 16.3 për qind. Ka miratuar edhe ligje që duhet të vijnë në Kuvend dhe të miratohen sa më parë, po ashtu janë edhe marrëveshje që duhet të ratifikohen në Kuvend”, tha ajo.

Continue Reading

Lajmet

Rikthehet në operim njësia A-4, e Termocentralit “Kosova A”

Published

on

By

Korporata Energjetike e Kosovës (KEK) ka paralajmëruar se pas një pune intensive dhe të pandërprerë nga ekipet përkatëse të “TC Kosova A”, njësia A-4 është rikthyer sërish në operim të rregullt.

Kjo njësi kishte dalë nga prodhimi më 14.04.2025, rreth orës 08:11, për shkak të paraqitjes së një rrjedhjeje në kaldajë. Gjatë ndërprerjes, janë eliminuar me sukses të gjitha mangësitë teknike, përfshirë edhe ato në kullën ftohëse dhe në pjesë të tjera të pajisjeve teknologjike të domosdoshme për rritjen e sigurisë së operimit të kësaj njësie’’, thuhet në njoftimin e lëshuar nga KEK.

Sipas KEK-ut njësia A-4 kishte operuar pandërprerë për 68 ditë rresht, duke dëshmuar stabilitet të lartë dhe efikasitet në prodhim.

Sipas planifikimit,  përgatitjet për startimin e njësisë kanë filluar mbrëmë me dt: 21.04.2025 rreth orës 18:55, ndërsa sinkronizimi me rrjetin është realizuar në orë 23:30. Aktualisht, njësia ndodhet në gjendje stabile dhe funksionon në parametra të rregullt operimi. KEK, përmes angazhimit dhe përkushtimit të vazhdueshëm, po dëshmon se mbetet një faktor kyç i stabilitetit të sektorit energjetik në vend”, përfundon njoftimi.

Continue Reading

Lajmet

Vdes në QKUK personi që ishte aksidentuar një javë më parë

Published

on

By

Një person ka vdekur në Qendrën Klinike Universitare të Kosovës (QKUK), ku po trajtohej pasi ishte aksidentuar më 13 prill.

Në raportin 24 orësh të Policisë, thuhet se trupi i pajetë i viktimës u është liruar familjarëve, raporton “Betimi për Drejtësi“.

Prishtinë / 13.04.2025 – 13:55. Lidhur me rastin, raportohet se më 21.04.2025 në QKUK, ka ndërruar jetë viktima mashkull kosovar që ishte duke u trajtuar pasi ishte aksidentuar më 13.04.2025. Me vendim të prokurorit, trupi i pajetë u është liruar familjarëve, ndërsa rasti shkon në procedurë të rregullt”, thuhet në njoftim.

Continue Reading

Të kërkuara