Shëndet

Vitamina K duhet për zemrën e eshtrat, gjashtë shenjat që tregojnë mungesën e saj

Studime të fundit klinike kanë sugjeruar se marrja e vitaminës K2 mund të përmirësojë shëndetin kardiovaskular.

Published

3 years ago

on

Me siguri keni dëgjuar për vitaminat A, B, C, D dhe E. Më poshtë alfabetit është një tjetër lëndë ushqyese më pak e njohur që përmendet rrallë, por është shumë e rëndësishme për shëndetin – vitamina K.

Në fakt, studime të fundit klinike kanë sugjeruar se marrja e vitaminës K2 mund të përmirësojë shëndetin kardiovaskular dhe parandalojë humbjen e masës kockore tek femrat me kalimin e moshës. Megjithatë përfitimet e vitaminës K nuk mbarojnë këto. Vitamina K2 mund të parandalojë gjithashtu humbjen e elasticitetit në lëkurë dhe zhvillimin e venave varikoze, prandaj mund të cilësohet si suplementi më i mirë kundra plakjes që na ka falur natyra.

Çfarë është vitamina K?

Vitamina K është një vitaminë e tretshme në yndyra që është e mirë për mpiksjen e gjakut dhe mbron shëndetin e zemrës, kockat dhe sistemin imunitar.

Ja dy forma të ndryshme të kësaj vitamine: Vitamina K1, që gjendet tek perimet me gjethe jeshile si spinaqi, kale, brokoli dhe vitamina K2 e gjendur tek mishi, vezët, produktet e qumështit dhe ushqimet e fermentuara si djathi apo kosi.

Vitamina K2 aktivizon proteinat që ndihmojnë në kalimin e kalciumit në kocka, që është e nevojshme për forcimin e kockave, densitetin dhe sistemin e qarkullimit të gjakut nëpërmjet përthithjes së kalciumit. Kjo vitaminë transporton kalciumin në të gjithë trupin dhe ndihmon në depozitimin e tij në kocka dhe jo në arterie, pasi shkakton forcim të tyre.

Kush ka nevojë për vitaminë K?

Shumica prej nesh kanë mungesë të vitaminës K2. Madje një studim i fundit ka zbuluar se pamjaftueshmëria e vitaminës K është prezente pothuajse në 1 në 3 njerëz.

Mungesat janë më të larta tek të moshuarit dhe personat që vuajnë nga tensioni i lartë i gjakut, diabeti i tipit 2, sëmundjet kronike të veshkave dhe sëmundjet kardiovaskulare.

Nivelet e ulëta të vitaminës K mund të jenë edhe si pasojë e dietës së varfër, konsumimit të alkoolit, përdorimi i disa ilaçeve të caktuara ose thjesht nga plakja. Një studim ka treguar se njerëzit që përdorin statikë, një ilaç që rekomandohet zakonisht për mbajtjen nën kontroll të niveleve të kolesterolit, mund të kenë nivele të ulëta të vitaminës K2 në organizëm.

Problemet me tretjen gjithashtu mund ta përkeqësojnë këtë mungesë, duke qenë se bakteri i mirë në zorrë është i nevojshëm për konvertimin e vitaminës K1 në K2. Nivelet normale të vitaminës K2 janë gjithashtu të rëndësishme për absorbimin e vitaminës D.

Cilat janë shenjat e mungesës së vitaminës K?

Gjakrrjedhja dhe mavijosja lehtësisht e lëkurës mund të sinjalizojnë për mungesë të vitaminës K. Shenja të tjera janë prishja e dhëmbëve, shëndeti i dobët i mishrave të dhëmbëve, kocka të dobëta dhe probleme me zemrën.

Përdorimi i lartë i antibiotikëve mund të pengojë absorbimin e vitaminës K2 nga ushqimi duke qenë se ndryshon bakteret në stomak”.

Related Topics:
Continue Reading

Shëndet

Kafeina kundër migrenës, sa funksionon dhe çfarë duhet të dini?

Published

20 hours ago

on

November 19, 2025

By

Kafeina, e cila gjendet natyrshëm në kafe, çaj dhe disa medikamente, njihet gjerësisht për efektin e saj stimulues.

Megjithatë, pak njerëz e dinë se ajo mund të ndihmojë edhe në lehtësimin e dhimbjeve të kokës.

Studimet tregojnë se kafeina zvogëlon dhimbjen e kokës duke ngushtuar enët e gjakut në tru duke rritur efektin e analgjezikëve si paracetamoli dhe aspirina. Konsumimi i një sasie të moderuar, 100–150 mg, që i korrespondon një filxhani kafe mund të jetë i dobishëm veçanërisht në dhimbjet e tensionit ose në fazat e para të migrenës.

Kafeina duhet përdorur me kujdes. Marrja e tepërt shkakton dhimbje koke, sidomos si pasojë e varësisë ose e ndërprerjes së papritur.

Për këtë arsye, ekspertët këshillojnë personat që vuajnë nga migrena të vëzhgojnë reagimin e trupit të tyre ndaj kafeinës dhe ta përdorin atë në mënyrë të kontrolluar. Efekti i saj është më i fortë kur kombinohet me qetësues, por gjithmonë nën këshillimin e mjekut ose farmacistit.

Për të parandaluar dhimbjet e kokës, krahas konsumit të kujdesshëm të kafeinës, është e rëndësishme të ruani gjumin, hidratimin dhe një dietë të shëndetshme. Nëse dhimbjet janë të shpeshta, kërkoni patjetër ndihmë mjekësore për trajtim të duhur. /A.Z/UBT News/

 

 

Continue Reading

Shëndet

Çfarë e bën lëngun e shegës kaq të shëndetshëm?

Published

22 hours ago

on

November 19, 2025

By

Lëngu i freskët nuk ka pse të kufizohet vetëm te variantet jeshile apo të pasura me spinaq.

Shega është përdorur si ilaç natyral që nga lashtësia dhe edhe sot po studiohet për përfitimet e saj të shumta shëndetësore.

Ky frut mund të ndihmojë në parandalimin e kancerit dhe në forcimin e sistemit imunitar.

Më poshtë janë disa nga përfitimet kryesore të shegës:

Antioksidant i fuqishëm

Kokrrat e shegës marrin ngjyrën karakteristike të kuqe nga polifenolët, kimikale që veprojnë si antioksidantë shumë potentë. Lëngu i shegës përmban një sasi më të lartë antioksidantësh se shumica e lëngjeve të tjera të frutave, madje tre herë më shumë se vera e kuqe dhe çaji i gjelbër. Këta antioksidantë mbrojnë qelizat nga dëmtimet dhe reduktojnë inflamacionin.

I pasur me vitaminë C

Një gotë lëng shege siguron mbi 40% të sasisë ditore të rekomanduar të vitaminës C, duke e bërë atë një burim të shkëlqyer të kësaj vitamine të rëndësishme.

Mund të ndihmojë në parandalimin e kancerit

Lëngu mori vëmendje të madhe pasi një studim tregoi se ngadalëson rritjen e qelizave të kancerit të prostatës. Megjithatë, kërkimet shkencore për këtë përfitim vazhdojnë.

I dobishëm për shëndetin e zemrës

Shega konsiderohet si një nga lëngjet më të mira për zemrën, ndihmon në mbrojtjen e zemrës dhe arterieve, duke kontribuar në qarkullim më të shëndetshëm të gjakut.

Përfitime të tjera

Lëngu përmirëson memorien, i pasur me vitamina të ndryshme dhe ndihmon në uljen e shtypjes së lartë të gjakut. /A.Z/UBT News/

 

Continue Reading

Shëndet

Arsyet për të ngrënë vezë çdo mëngjes

Published

2 days ago

on

November 18, 2025

By

Shumë njerëz mendojnë se tërshëra dhe produkte të ngjashme janë zgjedhja më e mirë për mëngjes, por kjo nuk është gjithmonë e vërtetë.

Vezët janë një alternativë fantastike, jo vetëm të shijshme, por edhe shumë të dobishme për shëndetin. Ato përmbajnë proteina të larta që ndihmojnë në kontrollin e peshës dhe ju bëjnë të ndiheni të ngopur për më gjatë.

Përfitimet kryesore të vezëve:

1. Ju mbajnë të ngopur më gjatë

Proteina e yndyra që gjenden tek vezët ndihmojnë në ruajtjen e energjisë dhe frenimin e urisë, duke ju mbajtur të ngopur për më shumë orë.

2. Ndihmojnë në humbjen e peshës

Ata që konsumojnë vezë për mëngjes kanë më shumë gjasa të humbin peshë krahasuar me ata që hanë bukë ose ushqime të tjera.

3. Burim i shkëlqyer proteinash

Vezët përmbajnë të gjitha aminoacidet thelbësore, duke i bërë një nga burimet më të mira të proteinave në dietë. Rekomandohet të konsumoni të paktën një vezë në ditë për një regjimi ushqimor të ekuilibruar.

4. Çmimi i tyre i përballueshëm

Krahasuar me burime të tjera proteinash si mishi i kuq, vezët janë më të lira dhe lehtësisht të disponueshme.

5. Nuk dëmtojnë kolesterolin

Edhe pse përmbajnë kolesterol, studimet e fundit tregojnë se konsumi i vezëve nuk e rrit nivelin e kolesterolit në mënyrë të dëmshme.

6. Përmirësojnë funksionin e trurit dhe kujtesën

Vezët përmbajnë kolinë, lëndë ushqyese që mbështet zhvillimin dhe funksionin e trurit, duke përmirësuar kujtesën dhe vigjilencën.

7. Mbrojnë shikimin

Antioksidantët luteinë dhe zeaxanthin që gjenden tek vezët ndihmojnë në mbrojtjen e syve nga dëmtimet e shkaktuara nga rrezet UV dhe mund të ulin rrezikun e kataraktit në pleqëri. /A.Z/UBT News/

Continue Reading

Shëndet

Nga tërshëra te avokado, super-ushqimet që pastrojnë arteriet

Published

3 days ago

on

November 17, 2025

By

Tërshëra është e njohur për aftësinë e saj për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit.

Këto fibra reduktojnë përthithjen e kolesterolit nga trupi.

Ruajtja e niveleve të shëndetshme të kolesterolit është çelësi për një zemër të fortë. Nëse kolesteroli është më i lartë se normalja, mos u shqetësoni, është e rëndësishme të dini se mund të bëni ndryshime në dietë për ta kontrolluar atë.

Më poshtë kemi listuar 7 ushqimet që mund t’ju ndihmojnë të ulni kolesterolin dhe të përmirësoni shëndetin e zemrës.

Tërshërë

E njohur për aftësinë për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit. Këto fibra reduktojnë përthithjen e kolesterolit nga trupi.

Peshk i yndyror

Peshqit yndyrorë si salmoni, sardelet dhe skumbri janë të pasur me acide yndyrore omega-3, ato ulin trigliceridet dhe të ndihmojnë në rritjen e kolesterolit “të mirë” HDL.

Arra

Bajamet, arrat dhe kikirikët përmbajnë yndyrna të pangopura, që ndihmojnë në uljen e kolesterolit LDL, të pasura me fibra e antioksidantë.

Vaj ulliri

Veçanërisht vaji i ullirit ekstra i virgjër, është i njohur për aftësinë për të ulur kolesterolin LDL duke ruajtur ose rritur kolesterolin HDL. Gjithashtu përmban antioksidantë që mbrojnë zemrën.

Bishtajoret

Thjerrëzat, qiqrat dhe bishtajoret e tjera janë të pasura me fibra të tretshme që ulin kolesterolin LDL. Ato përmbajnë proteina dhe janë të ulëta në yndyrna të ngopura.

Ushqimet me soje

Të tilla si tou, qumështi i sojës, të pasura me proteina e të ulëta në yndyrna të ngopura. Proteina e sojës është treguar se ul kolesterolin LDL.

Avokado

Me yndyra të pangopura e fibra që ul kolesterolin LDL, përmban beta-sitosterol, që redukton përthithjen e kolesterolit. /A.Z/UBT News/

Continue Reading

Të kërkuara