Shëndet

Vitamina B6 – Rastet kur dëmtoni shëndetin dhe nuk duhet ta merrni!

Vitamina B6 gjendet në shumë ushqime si peshku, patatet, bananet dhe drithërat.

Published

4 years ago

on

Vitamina B6 ndihmon në zhvillimin normal të trurit dhe mban sistemin nervor dhe imunitar të shëndetshëm.

Të rriturit kanë nevojë për 1.2 deri 2.0 miligramë në ditë, në varësi të moshës dhe gjinisë. Ndërsa sasia më e lartë rekomandohet për gratë shtatzëna ose ato që ushqejnë me gji.

Mungesa e vitaminës B6 ka më shumë gjasa të ndodhë tek njerëzit me probleme të veshkave, sëmundje autoimune, tek njerëzit që kanë probleme me përthithithjen e lëndëve ushqyesve ose tek ata që kanë varësi nga alkooli.

Sipas ekspertëve të shëndetit, vitamina B6, e promovuar gjerësisht, duhet të mbajë gjithashtu një etiketë paralajmëruese për problemet që mund të shkaktojë. Po ashtu dozat mbi 10 miligramë duhet të jepen me recetë.

Zbuloni se çfarë tregojnë të dhënat e mbledhura nga AgroWeb.org, për këtë shqetësim.

Çfarë tregojnë raportimet nga individë të ndryshëm?

Në një peticion të kryer nga ekspertë të ndryshëm, renditen raste të ndryshme ku simptomat e përbashkëta përfshinin ndjeshmëri ndaj nxehtësisë, ndjesi shpimi në duar e këmbë dhe mpirje.

Gjithashtu disa individë raportuan etje ekstreme, skuqje të fytyrës dhe urinim të shpeshtë.

Mjekët bënë teste të shumta, duke përfshirë kontrollin për sëmundjeve si diabeti i tipit 2 dhe skleroza e shumëfishtë.

Ata zbuluan se çdo gjë ishtë në paramerta normale, përveç nivelit të vitaminës B6, i cili ishte 5 herë më i lartë se niveli mesatar normal.

U vu re se edhe pas ndërprerjes së suplementit, simptomat vazhduan për një muaj, pastaj ato u pakësuan por nuk u zhdukën për një kohë të gjatë.

Çfarë tregojnë studimet e fundit?

Studimet e fundit tregojnë se vitamina B6, e promovuar dikur për të parandaluar sëmundjet e zemrës dhe enëve të gjakut, nuk duket se i zvogëlon ato rreziqe.

Ajo mund të ndihmojë në trajtimin e disa poroblemeve gjatë shtatëzanisë, aneminë dhe ndoshta sindromën premenstruale (PMS).

Megjithatë shumica e dëshmive në lidhje me toksicitetin, janë nga raportet e rasteve.

Në një raport të vitit 2017 për një revistë toksikologjie, studiuesit thanë se më shumë se 50 raste të dhimbjes së nervit ndijor ishte për shkak të shtesave të vitaminës B6.

Doza më e ulët e raportuar që shkakton efekte negative është 50 mg, thuhet në peticion./AgroWeb.org

Related Topics:
Continue Reading

Shëndet

Si të ulni nepsin për ëmbëlsira? Këto ushqime ju vijnë në ndihmë

Published

17 hours ago

on

December 12, 2025

By

Frenimi i nepsit është një nga sfidat më të mëdha si gjatë dietës, ashtu edhe në përditshmëri.

Dëshira për të konsumuar të ëmbla, karbohidrate a ushqime të yndyrshme shfaqet si mënyrë për të shtuar energjinë, edhe kur e dimë që ato nuk janë zgjedhja më e shëndetshme.

Megjithatë, ka alternativa të thjeshta që mund t’ju ndihmojnë ta kontrolloni këtë dëshirë.

Avokado

E pasur me minerale, vitaminë E dhe yndyrna të shëndetshme, avokado është një ushqim ideal për t’ju mbajtur të ngopur më gjatë. Mund ta konsumoni të thjeshtë me pak kripë e piper ose ta shtoni në sallata.

Vaji i kokosit

Përdorimi në vend të sheqerit në disa receta ndihmon në uljen e dëshirës për ushqime të përpunuara. Ai përmban yndyrna të shëndetshme që kontribuojnë në një ndjesi më të qëndrueshme ngopjeje.

Arra dhe arrorë të tjerë

Janë të pasura me yndyrna e proteina, mund të reduktojnë nepsin për të ëmbla apo karbohidrate. Zgjidhni versione natyrale, pa kripë dhe pa shtesa të tjera.

Karrotat dhe selinoja

Janë të pasura me fibra, ju ngopin natyrshëm e ju ndihmojnë të shmangni ushqimet e panevojshme. Mund t’i konsumoni si snack, në sallata ose bashkë me një çaj të ngrohtë.

Pini mjaftueshëm ujë

Trupi ngatërron etjen me uri. Duke pirë rregullisht ujë gjatë ditës, mund të zvogëloni nepsin dhe të përmirësoni hidratimin. Këto zgjedhje mund t’ju ndihmojnë të kontrolloni dëshirat e papritura për ushqime jo të shëndetshme dhe të mbani një rutinë ushqimore më të balancuar. /A.Z/UBT News/

Continue Reading

Shëndet

Sekreti i çokollatës së zezë për një trup më të ri

Published

2 days ago

on

December 11, 2025

By

Një studim i ri ka gjetur një lidhje mes teobrominës, një përbërësi natyral i çokollatës së zezë, dhe ngadalësimit të plakjes biologjike.

Studiuesit analizuan mbi 1,600 persona në Britani dhe Gjermani dhe vunë re se ata me nivele më të larta teobromine kishin një moshë biologjike më të ulët se mosha reale.

Mosha biologjike mat gjendjen reale të trupit duke u bazuar në qelizat, indet dhe organet, dhe lidhet me faktorë si stili i jetesës, mjedisi dhe gjenetika.

Studiuesit përdorën ndryshimet në ADN dhe gjatësinë e telomereve për këtë matje.

Ekspertët theksojnë se nevojiten më shumë studime për të kuptuar ndikimin e teobrominës dhe paralajmërojnë që sheqeri dhe yndyra në çokollatë mund të ulin përfitimet.

Shija e çokollatës mund të shijohet në sasi të vogla dhe rrallë. /A.Z/UBT News/

Continue Reading

Shëndet

Varianti K: Mutacioni më infektues që po përhapet shpejt në botë

Published

3 days ago

on

December 10, 2025

By

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Continue Reading

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

3 days ago

on

December 10, 2025

By

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

 

Continue Reading

Të kërkuara