

Lajmet
Vitamina A potenciale të trajtojë ndryshimet e nuhatjes pas infektimit me Covid
Eksperimenti po mundohet të provojë efektin e vitaminës A në përmirësimin e nuhatjes.
Published
4 years agoon
By
UBT newsPikat e hundës të vitaminës A mund të jenë në gjendje të trajtojnë humbjen ose ndryshimin e nuhatjes tek disa njerëz që kanë pasur Covid, thonë studiuesit në Mbretërinë e Bashkuar, transmeton UBT News.
Universiteti i Anglisë Lindore po zhvillon një provë 12-javore. Vetëm disa nga pacientët vullnetarë do të marrin trajtimin, por të gjithëve do t’u kërkohet të nuhasin erëra të fuqishme siç janë vezët dhe trëndafilat e kalbur.
Pas kësaj skanimet e trurit do të kontrollojnë nëse vitamina ka riparuar rrugët e dëmtuara të nuhatjes.
Humbja ose ndryshimi i nuhatjes është një simptomë e zakonshme e Covid, edhe pse shumë viruse të tjerë, siç është gripi, gjithashtu mund ta shkaktojnë atë.
Megjithatë shumica e njerëzve e rifitojnë atë natyrshëm brenda disa javësh, shumë prej tyre kanë mbetur me çrregullime të vazhdueshme të nuhatjes.
Lina Alnadit, 29 vjeçare nga Londra, iu rrit parosmia pas infektimit me Covid, që do të thotë se era e shumë gjërave të zakonshme ka ndryshuar tek ajo. Uji i rubinetit, për shembull, ka erë të tmerrshme tani për të.
Dhe vezët që janë një nga ushqimet e preferuara të saj, tani mbajnë erë si gome e djegur!
“Humbja [e nuhatjes] ishte shkatërruese. Ajo ndikoi në dietën time në mënyrë dramatike. Kishte shumë ushqime që thjesht nuk mund t’i përballoja duke ngrënë. Ishte vërtet shqetësuese”.
Por situata është përmirësuar gradualisht dhe Lina ka gjetur disa truqe që ndihmojnë. Shtimi i lëngut të limonit e bëri atë të ndihej shumë më mirë, dhe gjithashtu ushqimet e djegësta.
Studiuesi kryesor Prof Carl Philpott, tha: “Ne duam të zbulojmë nëse ka një rritje në madhësinë dhe aktivitetin e rrugëve të nuhatjes së dëmtuar në trurin e pacientëve kur trajtohen me pika hundore të vitaminës A”.
“Ne do të kërkojmë ndryshime në madhësinë e llambës së nuhatjes – një zonë mbi hundë ku nervat e erës bashkohen dhe lidhen me trurin. Ne gjithashtu do të shikojmë aktivitetin në zonat e trurit të lidhura me njohjen e aromave”, shtoi ai.
Vitamina A, ose retinol, ndihmon në ruajtjen e:
-sistemit imunitar – mbrojtja e trupit kundër sëmundjeve dhe infeksioneve
-shikimit, veçanërisht shikimin në dritë të zbehtë
-lëkurën
Shumë ushqime të qumështit, si dhe disa perime, përmbajnë këtë vitaminë të tretshme në yndyrë. Por njerëzit që marrin suplemente të vitaminës A duhet të jenë të vetëdijshëm se konsumi i tepruar mund të jetë i dëmshëm./UBTNews
Aktualitet
UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport
Published
12 hours agoon
August 5, 2025By
Driton Iseni
Kryetari i Federatës së Futbollit të Kosovës (FFK), Agim Ademi, ka zhvilluar sot një vizitë zyrtare në UBT, ku është mirëpritur nga Presidenti dhe Themeluesi, Rektori, Prof. Dr. Edmond Hajrizi, në ambientet e Parkut Shkencor, Inovativ dhe Teknologjik të UBT-së në Lipjan.
Gjatë kësaj vizite, Ademi pati mundësinë të njihet nga afër me kapacitetet infrastrukturore, laboratorët e avancuar, si dhe projektet ndërdisiplinore që po zhvillohen në UBT.
Rektori Hajrizi dhe Kryetari Ademi diskutuan për mundësitë e bashkëpunimit ndërmjet UBT-së dhe FFK-së, me qëllim të ndërlidhjes së teknologjisë, inovacionit dhe sportit në funksion të zhvillimit të qëndrueshëm të të rinjve dhe shoqërisë në përgjithësi.
Gjatë vizitës së tij në UBT, Kryetari Ademi, vlerësoi rolin udhëheqës të këtij institucioni në fushën e arsimit, teknologjisë dhe inovacionit. Ai u shpreh i impresionuar nga projektet dhe potenciali që UBT ofron për zhvillimin e të rinjve dhe për krijimin e bashkëpunimeve konkrete ndërmjet sportit dhe edukimit.
“Sot pata kënaqësinë të vizitoj UBT-në në Prishtinë, një qendër jo vetëm e dijes dhe inovacionit, por që me të drejtë mund të quhet edhe një ‘smart city’ brenda kryeqytetit tonë. Ishte impresionuese të shihja nga afër një institucion që jo vetëm e ndjek hapin e zhvillimit teknologjik, por edhe kontribuon në të, me një program të sofistikuar që përfshin gjithçka – nga bazat deri te formimi i shkencëtarëve në profile të ndryshme”, u shpreh Ademi.
Rektori Hajrizi theksoi se përmes programeve bashkëkohore dhe investimeve në infrastrukturë moderne, UBT jo vetëm që udhëheq në fushën akademike, por gjithashtu kontribuon drejtpërdrejt në përgatitjen e sportistëve dhe trajnerëve të rinj, duke i dhënë vendit një bazë të fortë për afirmim në arenën ndërkombëtare.
“UBT është shndërruar në një qendër unike arsimore e inovative, ku talentet e reja jo vetëm edukohen, por edhe fuqizohen për të qenë kampionë në sport, shkencë dhe jetë. Kemi krijuar një ekosistem që i tejkalon kufijtë e edukimit tradicional – duke integruar teknologjinë, lidershipin dhe përgatitjen praktike me standarde ndërkombëtare, për të formuar gjenerata të gatshme të konkurrojnë në çdo arenë”, theksoi Rektori Hajrizi.
Vizita e Kryetarit të FFK-së në UBT hap perspektiva të reja për bashkëpunim në fusha të ndryshme si teknologjia sportive, edukimi i trajnerëve përmes platformave digjitale, organizimi i ngjarjeve të përbashkëta dhe mbështetja e inovacionit në sport.
UBT, si institucion lider në arsimin e lartë në rajon, vazhdon të dëshmojë se është një partner i besueshëm për bashkëpunime strategjike me institucionet vendore dhe ndërkombëtare.
Në këtë kontekst, UBT veçon edhe Fakultetin e Shkencave të Sportit dhe të Lëvizjes, përmes të cilit synon të kontribuojë në zhvillimin e sportit në vend duke nxjerrë kuadro të rinj profesionalë dhe talente të reja, të cilat do të mund të afirmohen në skenën ndërkombëtare përmes përgatitjes me standarde të larta dhe inspirimit nga kampionët botërorë.
Lajmet
Edicioni i ri në Serie-A vjen me risi në ndarjen e drejtësisë
Published
13 hours agoon
August 5, 2025By
UBT News
Sezonin e ardhshëm, futbolli italian do të sjellë një risi të rëndësishme në komunikimin me publikun. Gjyqtarët do të shpjegojnë vendimet e marra pas ndërhyrjes së VAR-it drejtpërdrejt në stadium dhe në transmetim televiziv.
Lajmi u konfirmua nga Gianluca Rocchi, përzgjedhësi i gjyqtarëve të Serie A dhe Serie B, gjatë takimit parasezonal të mbajtur në Cascia.
“Ky është një hap i madh përpara në drejtim të transparencës, një vlerë që e kemi ruajtur prej vitesh”, tha Rocchi. “Tani shpjegimet do të jepen në kohë reale, përpara të gjithëve”.
Ai shtoi se për këtë risi po përgatitet një grup i posaçëm gjyqtarësh, me synim unifikimin e gjuhës dhe përmbajtjes së komunikimit, për t’u bërë sa më të qartë për publikun.
Sipas Rocchit, nuk do të vendoset një kohë maksimale për këto njoftime, pasi secili gjyqtar ka stilin dhe ritmin e vet. “Do të përqendrohemi tek cilësia e komunikimit, më shumë se tek kufijtë e ngurtë kohorë”, përfundoi ai.
Lajmet
Kriza në Barcelonë, përplasje e hapur mes klubit dhe Ter Stegen
Published
14 hours agoon
August 5, 2025By
UBT News
Te Barcelona ka shpërthyer një konflikt i plotë mes klubit dhe portierit gjerman, Marc-André ter Stegen, i cili është edhe kapiten i skuadrës. Shkak është bërë refuzimi i tij për të nënshkruar formularin e pëlqimit të informuar, që do t’i lejonte mjekëve të klubit të merrnin raportin e detajuar të operacionit që ai kreu në pjesën e poshtme të shpinës.
Klubi katalanas, i cili sapo ishte kthyer të martën nga turneu në Azi, kishte planifikuar një takim me portierin për të diskutuar raportin mjekësor. Dokumenti duhet t’i dërgohet La Ligës për të përcaktuar kohëzgjatjen e mungesës së tij. Nëse ajo do të ishte katër muaj ose më shumë, Barcelona do të përfitonte mundësinë të afronte lojtarë të rinj, përfshirë Joan Garcian, i cili është siguruar si zëvendësues i tij.
Refuzimi i Ter Stegen për të dhënë pëlqimin ka habitur drejtuesit e klubit dhe ka përshkallëzuar tensionet. Përplasja nisi pas lajmit për afrimin e Garcias, çka u interpretua si sinjal se gjermani mund të largohej. Situata u rëndua edhe më shumë kur Ter Stegen njoftoi i vetëm – dhe jo bashkë me klubin – vendimin për t’iu nënshtruar operacionit, duke parashikuar një rikuperim prej tre muajsh, më pak se koha e nevojshme që Barcelona të regjistronte portierin e ri.
Reagimi i klubit ishte i menjëhershëm: Ter Stegen nuk do të mbajë më shiritin e kapitenit. Ndërkohë, Barcelona ka paralajmëruar hapjen e procedurave disiplinore ndaj tij.
Lajmet
United paraqet megaofertë për sulmuesin slloven
Published
15 hours agoon
August 5, 2025By
UBT News
Manchester United ka bërë një ofertë për sulmuesin e RB Leipzig, Benjamin Sesko, mund të arrijë në 85 milionë euro.
Oferta përfshin një pagesë të garantuar prej 75 milionë eurosh të menjëhershme.
United ende nuk ka marrë një përgjigje, por beson se është një vlerësim i përshtatshëm për 22-vjeçarin slloven dhe se lojtari është i etur të përfundojë një transferim në “Old Trafford”.
Newcastle gjithashtu e dëshiron Sesko-n dhe ka bërë një ofertë për sulmuesin, e cila nuk është pranuar.

NASA: Katër astronautë ulen në ISS

Sot është Dita Ndërkombëtare e Motrave

Sharon Stone tregon për debatin e ashpër me Michael Douglas

UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport

Edicioni i ri në Serie-A vjen me risi në ndarjen e drejtësisë

Kriza në Barcelonë, përplasje e hapur mes klubit dhe Ter Stegen

United paraqet megaofertë për sulmuesin slloven

Meta do t’i ndalojë reklamat politike në BE nga tetori

Pesë suplemente që nuk kombinohen mirë me kafenë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit