

Lajmet
Virusin që po prek vetëm fëmijët e po përhapet me të madhe në Kosovë
Beiqi: Ky infeksion është bakteror dhe jo sezonal.
Published
3 years agoon
By
Betim GashiNjë virus ka filluar të përhapet më të madhe në mesin e fëmijëve në Kosovë. Bëhet fjalë për virusin Coxsacki, që njihet ndryshe edhe si sëmundja e gojës, duarve dhe këmbëve. Por, çfarë duhet të dini për këtë virus dhe cilat janë simptomat?
Infeksioni i gojës, duarve e këmbëve shkakton simptoma të lehta te fëmijët të cilat largohen edhe pa trajtim mjekësor. Megjithëse, këto infeksione vlerësohet se në raste të caktuara mund të çojnë edhe në infeksione më serioze.
Në shumë raste simptomat e këtij infeksioni janë si ato të gripit sezonal, megjithëse ky infeksion shkakton edhe flluksa të kuqe në duar, këmbë e rreth gojës.
Ky virus bënë pjesë në familjen e virusëve të quajtur enterovirusë dhe zakonisht gjendet në gojë, stomak, zorrë të hollë e të trash.
Rreth gjysma e fëmijëve që infektohen nuk kanë simptoma. Ndërsa pjesa tjetër, kanë dhimbje të fytit, të përziera, temperaturë, kokëdhimbje, flluska në duar, gojë e këmbë.
Ky virus përhapet përmes ajrit, kur një person pëson teshtinë, kollitet apo frynë hundët.
Fëmijët e vegjël mund ta marrin këtë virus edhe gjatë prekjes së lodrave të ndryshme.
Andaj rekomandohet që fëmijët të mbajnë distancë nga fëmijët tjerë, të lajnë duart shpesh e të mos prekin sytë, hundën e gojën.
Se ky virus është përhapur te fëmijët në vend e ka konfirmuar edhe pediatric Ramush Beiqi.
Ai për Express ka thënë se një numër i madh i fëmijëve me ndryshime në duar, gojë, fytyrë e pjesë të tjera të trupit kanë kërkuar trajtim mjekësor.
Ai ka treguar se numri më i madh i fëmijëve kanë qenë parashkollorë.
“Në kohët e fundit, në dy javët e fundit është lajmëruar një numër i madh i fëmijëve me këto ndryshime në duar, në shuplaka, përreth gojës, në fytyrë, në pjesën gjenitale dhe në gishtat e këmbëve. Më shumë kemi pasur fëmijë parashkollor deri në moshën 9-10 vjeç. Ai nuk përngjan shumë më infeksionin viral, është më shumë infeksion bakteror për shkak se shumica e ndryshimeve kanë edhe qelb që tregon që është infeksion bakteror i kontaminuar”, ka deklaruar ai.
Beiqi ka thënë se ky virus është shumë lehtë i transmetueshëm.
Sipas tij, fëmijët që infektohen me të duhet të izolohen për tre-katër ditë në mënyrë që mos të rrezikojnë edhe fëmijët tjerë.
“Mendoj që nuk duhet të bëhet panik, duhet që fëmijët prej qëndrimit kolektiv të izolohen, të mos vizitojnë qerdhet e shkollat tre-katër ditë derisa të shërohen. Trajtimi është shumë i lehtë për tre-katër ditë ato hiqen. Mendoj se nuk duhet të bëhet panik sepse është infeksion që shtrihet shpejtë ndërmjet fëmijëve, por me një trajtim tre-katër ditorë fëmija është i shëndoshë. Fëmijët që janë të prekur duhet të izolohen prej shkollës e prej qerdhes, e të trajtohen në mënyrë që fëmijët që janë të shëndoshë mos i ekspozohen infeksionit”, ka shtuar ai.
Tutje Beiqi ka thënë se ky infeksion është bakteror dhe jo sezonal./Gazeta
You may like
Lajmet
15 studentë të UBT-së pjesë e ekipit të Talent Bridge
Published
11 hours agoon
April 14, 2025
Emisioni “n’Ritëm” në Campus Radio me autore dhe moderatore Albina Zeneli pati të ftuar Qëndrim Shkodra nga Talent Bridge dhe Orges Murseli.
Ky i fundit është student i vitit të parë në drejtimin e Shkencave Kompjuterike në UBT.
Qëndrimi na tregoi për bashkëpunimin e ngushtë që e ka me UBT duke mundësuar praktikë dhe punësim të garantuar në këtë kompani.
“Me UBT kemi një bashkëpunim jashtëzakonisht të mirë dhe jemi të kënaqur me rezultatin që studentët japin prej fillimit të punësimit, e së fundmi kemi rekrutuar 15 studentë që fillimisht janë të aftë për gjuhë angleze e pastaj me shkathtësi për kompjuter’, tha mes tjerash Shkodra.
Në anën tjetër, Orges Murseli e planifikoi punësimin kur ta mbarojë fakultetin por thotë se rastësia është mbret i botës.
“Kisha dëshirë të punësohesha kur të mbaroja vitin e tretë, por ja që planet dolën ndryshe e jam i lumtur për këtë gjë që falë UBT-së po e bëj realitet ëndrrën realitet”, tha studenti Murseli.
Ju po ashtu mund ta dëgjoni intervistën në këtë link:
https://www.facebook.com/campusradio100.7/videos/993071683033109
/UBT News/
Lajmet
Kaja Kallas: Tensionet në Ballkanin Perëndimor po rriten, nevojitet zgjerimi i BE-së
Published
13 hours agoon
April 14, 2025By
UBTnews
Shefja e diplomacisë së Bashkimit Evropian, Kaja Kallas, ka theksuar se tensionet në Ballkanin Perëndimor janë në rritje dhe ka kërkuar që procesi i zgjerimit të BE-së të vazhdojë.
Kallas e bëri këtë deklaratë para takimit të Këshillit për Punë të Jashtme, që po mbahet në Luksemburg, duke theksuar se është e domosdoshme të ketë histori suksesi për të ruajtur stabilitetin në rajon.
“Ne shohim se po rriten tensionet dhe definitivisht duhet të lëvizim me procesin e zgjerimit. Kjo është diçka e prekshme dhe vërtetë na duhen histori suksesi,” tha Kallas, duke nënvizuar rëndësinë e përparimit të Ballkanit Perëndimor në rrugën drejt Bashkimit Evropian.
Ndërkohë, Kallas nuk përmendi shtetet konkrete ku tensionet po rriten, por e gjithë vëmendja është përqendruar në Bosnje e Hercegovinë, ku autoritetet e entitetit të Republikës Sërpska kanë ndërmarrë veprime që kanë rritur shqetësimet e bashkësisë ndërkombëtare për mundësinë e shkëputjes së këtij entiteti serb nga Bosnja.
Kajas Kallas theksoi se një natë më parë kishte pasur një “darkë shumë të mirë me miqtë tanë” nga Ballkani Perëndimor. Në këtë darkë, Kosova u përfaqësua nga ministrja në detyrë e Punëve të Jashtme dhe Diasporës, Donika Gërvalla. Pasi mori pjesë në darkë, Gërvalla zhvilloi gjithashtu një takim të veçantë me Kallasin.
Gërvalla theksoi se kërkoi nga Kallas që Kosova të trajtohet si “partnere e barabartë dhe e respektuar në të gjitha proceset integruese,” duke kërkuar një angazhim të mëtejshëm nga Bashkimi Evropian në procesin e integrimit të Kosovës.
Lajmet
Gërvalla takon Prévotin: Belgjika, mbështetëse e Kosovës në rrugën euroatlantike
Published
14 hours agoon
April 14, 2025By
UBTNews
Ministrja në detyrë e Punëve të Jashtme dhe Diasporës së Kosovës, Donika Gërvalla, është takuar me ministrin e Jashtëm të Belgjikës, Maxime Prévot.
“Takimi me Ministrin e Jashtëm të Belgjikës, z. Maxime Prévot, ofroi mundësinë ideale për të theksuar miqësinë e sinqertë dhe partneritetin e qëndrueshëm ndërmjet dy vendeve tona. E falënderova për mbështetjen e vazhdueshme të Belgjikës në procesin e shtetndërtimit të Kosovës dhe për rolin e saj të rëndësishëm në forcimin e pozitës ndërkombëtare të Republikës sonë. Diskutuam mundësitë konkrete të thellimit të bashkëpunimit në fusha kyçe si drejtësia, arsimi, kultura dhe ekonomia, si dhe përkrahjen e Belgjikës në avancimin e mëtejshëm të Kosovës në organizata ndërkombëtare, përfshirë procesin e anëtarësimit në Këshillin e Evropës”, shkroi ajo në Facebook.
Në këtë kontekst, ajo theksoi rëndësinë e trajtimit të barabartë të Kosovës në të gjitha forumet evropiane, si dhe domosdoshmërinë që mbështetja për Kosovën të shndërrohet në veprime konkrete që ndihmojnë integrimin tonë në familjen evropiane dhe përmbushjen e aspiratave tona euroatlantike.
“Belgjika ka qenë gjithmonë një zë i fuqishëm në favor të drejtësisë, stabilitetit dhe vlerave demokratike në Ballkanin Perëndimor. Një vlerë e veçantë në marrëdhëniet tona e ka diaspora jonë në Belgjikë, e cila ka dhënë kontribut të çmuar në forcimin e lidhjeve dypalëshe. Ka potencial të jashtëzakonshëm për ta shfrytëzuar këtë urë të fortë përmes projekteve të përbashkëta kulturore, arsimore dhe zhvillimore. Republika e Kosovës mbetet e palëkundur në përkushtimin e saj ndaj vlerave evropiane dhe euroatlantike, dhe Belgjika është dhe do të mbetet një aleate e çmuar në këtë rrugëtim të përbashkët”, tha ajo.
Lajmet
Ramadan Nishori: Jam burrë që kam mbijetuar dhunën, jo viktimë për keqardhje
Published
15 hours agoon
April 14, 2025By
UBTNews
Fundin e shtatorit të vitit 1998, Ramadan Nishori thotë se nuk do ta harrojë kurrë. Ai ka rrëfyer publikisht përjetimin e dhunimit seksual nga policët serbë gjatë kohës së luftës në shtator të atij viti.
Në Ditën Memoriale të të Mbijetuarve të Dhunës Seksuale gjatë luftës së fundit në Kosovë, të organizuar nga Qendra Kosovare për Rehabilitimin e të Mbijetuarve të Torturës (QKRMT), Nishori deklaroi se nuk kërkon mëshirë, por respekt si njeri. Ai dëshmoi për torturat që ka përjetuar në burgjet e Prishtinës, Lipjanit dhe Dubravës, duke theksuar se mbijetesa ishte një formë rezistence.
Nishori, tani një burrë me familje dhe tre fëmijë, tha se dëshiron të shihet si një njeri që ka kaluar shumë, por që nuk është dorëzuar. “Nuk dua të më shohin me keqardhje për atë që kam përjetuar. Dua të më shohin me respekt, si dikë që është rrëzuar, por është ngritur përsëri,” u shpreh ai.
Ai tregoi se përkundër përpjekjeve për një jetë normale, dhimbja dhe kujtimet e asaj kohe mbesin të pashlyeshme. “Jam këtu jo sepse kam harruar, por sepse dua të dëshmoj,” shtoi Nishori.
Duke kujtuar ngjarjet e 26 shtatorit 1998, Nishori rrëfeu se si ishte detyruar të largohej nga shtëpia bashkë me familjen për shkak të ofensivave serbe. Ai u ndalua nga forcat serbe, u keqtrajtua dhe më pas u dhunua seksualisht nga dy policë në një banjë, në një stacion policor.
“Kanë ardhur dy policë, më kanë ngre zvarrë dhe më kanë futur në një banjo dhe aty ndodhi më e keqja që mund t’i ndodh një njeriu. Njëri më dhunoi, duke u përgatitur i dyti. Nga bërtimat e mia një shqiptar më nxori nga aty. Më kanë marrë në pyetje ata policët civilë, filluan të më kërcënojnë që mos me tregojë se çka më ka ndodhur. Ai shqiptari më përcolli deri tek dera dhe u ulën në garazhin e stacionit” kujton ai.
Pas kësaj ngjarjeje tronditëse, Nishori u transferua në burgun e Prishtinës dhe më pas në atë të Lipjanit, ku, sipas tij, u përball me tortura çnjerëzore. “ Të nesërmen e kanë bërë një listë, na hypën në autobus dhe na sollën në burgun e Prishtinës. Kam qëndruar tre muaj e gjysmë, prej atij burgu me kanë transferuar në burgun e Lipjanit edhe aty kam pasur maltretime që nuk mund ta merr mendja e njeriut. Gjatë kohës së bombardimeve kanë ardhur gardianë dhe na kanë thënë se kush ka dhënë gjak do t’u japim më shumë bukë, por nuk na dhanë as një thërmi bukë,” tha ai.
Ai përfundoi në burgun e Dubravës, ku përjetoi edhe një prej masakrave më të rënda të luftës. “Në atë kohë, vdekja më dukej si paqe,” tha ai.
Në përfundim të rrëfimit, Nishori tha se pavarësisht gjithçkaje, ai ka zgjedhur të jetojë me dinjitet dhe të mos heshtë më. Ai kërkon që shoqëria të njohë të mbijetuarit si njerëz të fortë që kanë rezistuar dhe vazhdojnë të mbijetojnë, e jo thjesht si viktima./UBTnews/

Ulni tensionin e lartë me këto metoda natyrale

Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës

Konfirmohet data e lansimit të Realme GT7, zbulohen disa detaje

Delegacioni i UBT-së realizon vizitë në TÜBAT, në kuadër të Kongresit të 15-të Kombëtar të Studentëve të Mjekësisë

15 studentë të UBT-së pjesë e ekipit të Talent Bridge

Franca do të ndalojë telefonat në shkollat e mesme

Stafi i UBT-së përfundon me sukses javën e mobilitetit në Bratislavë

Aktori zbulon arsyen pse nuk do t’i japë kurrë nënës së tij asnjë cent nga pasuria

Chelsea ka gati ofertën mbi 100 milionë euro për yllin e Realit
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë