CEO i Tesla-s, Elon Musk tha se dizajni unik i Cybertruck e ka bërë sfidë rritjen e prodhimit.

Cybertruck është përballur me vonesa dhe sfida të shumta prodhimi që kur u shpall në vitin 2019.

Elon Musk tha se Tesla “gërmoi varrin e vet” me Cybertruck, pasi ai paralajmëroi se do të duheshin vite që kompania të rrisë prodhimin e saj.

“Ne gërmuam varrin tonë me Cybertruck”, tha Musk.

Është “një nga ato produktet speciale që vijnë vetëm një herë në një kohë të gjatë. Dhe produkte të veçanta që vijnë herë pas here janë thjesht tepër të vështira për t’u sjellë në treg për të arritur vëllim, për të qenë të begatë”, shtoi ai.

Musk tha se ai donte të “zbusë pritshmëritë” për lansimin e kamionit elektrik, të cilin Tesla njoftoi se do të ishte më 30 nëntor./UBTNews/

Bashkimi Evropian tha se kishte “prova të mjaftueshme” të subvencioneve të paligjshme kineze të makinave elektrike, ndërsa nisi zyrtarisht një hetim që ka zemëruar Pekinin.

Presidentja e Komisionit Evropian, Ursula von der Leyen nxiti zemërim në Kinë kur njoftoi muajin e kaluar se Brukseli do të fillonte një hetim kundër subvencioneve.

Disa kanë frikë se veprimi i BE-së mund të çojë në një luftë tregtare pasi Pekini paralajmëroi se hetimi do të dëmtonte marrëdhëniet tregtare midis dy palëve.

Njoftimi përfshinte detaje se si komisioni gjeti prova të kredive me norma të favorshme, përjashtime tatimore dhe komponentë të blerë shumë lirë./UBTNews/

Komisioni amerikan për Mundësi të Barabarta të Punësimit dorëzoi padi të enjten ndaj kompanisë Tesla, duke e akuzuar atë për përfshirje në diskriminim racor.

Padia e cila u dorëzua në Gjykatën e qarkut të SHBA-së për Distriktin Verior të Kalifornisë, vjen pas një hetimi të Komisionit mbi trajtimin e punonjësve me ngjyrë.

Sipas padisë, që nga të paktën 29 maji i vitit 2015, Tesla ka shkelur nenin VII të Aktit të të Drejtave Civile të vitit 1964, duke i nënshtruar punonjësit me ngjyrë në kompani në Fremont të Kalifornisë. Siç thuhet mes tjerash ata u përballën me abuzim racor, stereotipe si dhe u ofenduan në baza racore.

Padia pretendon se Tesla ka shkelur ligjin federal duke “toleruar ngacmimet e përhapura dhe të vazhdueshme racore të punonjësve të saj me ngjyrë dhe duke i nënshtruar disa prej këtyre punëtorëve në hakmarrje për kundërshtim të ngacmimeve”./UBTNews/

Rregullat e reja tregtare të Brexit që mbulojnë veturat elektrike mund t’u kushtojnë prodhuesve evropianë 3.75 miliardë funta gjatë tri viteve të ardhshme, ka thënë një organ i industrisë.

Përmes këtyre rregullave synojnë të sigurojnë që makinat elektrike të prodhuara në Bashkimin Evropian janë bërë kryesisht nga pjesë me burim lokal. Por prodhuesit në të dy anët e Kanalit thonë se nuk janë gati.

Gjithashtu Shoqata Evropiane e Prodhuesve të Automobilave paralajmëroi se masat mund të reduktojnë prodhimin nga fabrikat e BE-së me 480 mijë automjete.

Problemi kryesor qëndron në të ashtuquajturat “rregulla të origjinës” që hyjnë në fuqi gjatë muajit janar. Ato zbatohen për dërgesat e veturave nëpër Kanal sipas kushteve të marrëveshjes së Brexit, Marrëveshjes së Tregtisë dhe Bashkëpunimit MB-BE./UBTNews/