Lajmet

Vihet në pikëpyetje vazhdimi i dialogut

Published

5 years ago

April 28, 2021

Betim Gashi

Kryeministri i Kosovës, Albin Kurti deklaroi të mërkurën, më 28 prill, se nuk do të marrë pjesë në takimin e paralajmëruar për 11 maj nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.

Më herët, nga Zyra e Kryeministrit të Kosovës deklaruan se ende nuk kanë marrë një ftesë dhe as njoftim zyrtar nga Bashkimi Evropian për një takim ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq.

Përfaqësuesi i Lartë për Politikë të Jashtme dhe Siguri i Bashkimit Evropian, Josep Borrell, më 26 prill ka deklaruar se dialogu ndërmjet Kosovës dhe Serbisë, pritet të vazhdojë më 11 maj.

Njohësit e zhvillimeve politike, në Prishtinë dhe në Beograd, Jehona Lushaku-Sadriu dhe Dushan Janjiq, kanë pikëpamje të ndryshme lidhur me vazhdimin eventual të dialogut dhe nëse do të ketë qasje serioze të të gjitha palëve dhe faktorëve të përfshirë në këtë proces.

Përparim Kryeziu, zëdhënës i Qeverisë së Kosovës, ka thënë për Radion Evropa e Lirë se pavarësisht deklaratave nga zyrtarë të Bashkimit Evropian se më 11 maj do të vazhdojë dialogu Kosovë-Serbi, Zyra e kryeministrit të Kosovës nuk ka marrë një ftesë dhe as njoftim zyrtar për një takim të tillë.

Sipas tij, datat, vendet dhe agjendat e takimeve “kanë kuptim vetëm kur merren vesh të gjitha palët dhe jo kur ato imponohen njëanshëm”.

Kërkesat për dialog dhe dy “non-paper” të hedhur poshtë

Më 20 prill, presidenti i Shteteve të Bashkuara të Amerikës, Joe Biden, në letrën që i ka dërguar presidentes së Kosovës, Vjosa Osmani, ka shprehur mbështetjen për arritjen e një marrëveshjeje gjithëpërfshirëse, e cila “do të përqendrohej në njohjen reciproke”, por që “për arritjen e këtij qëllimi, kërkohet fleksibilitet dhe kompromise të vështira”.

Edhe ministri i Jashtëm gjerman, Heiko Maas, i cili më 22 prill ka vizituar Prishtinën, ndërkaq një ditë më vonë edhe Beogradin, ka theksuar që Gjermania ofron mbështetje për dialogun Kosovë-Serbi dhe se një nga elementet e marrëveshjes do të jetë njohja e shtetësisë së Kosovës. Megjithatë, ai ka kërkuar që “të ketë gatishmëri nga të dyja palët që të gjejnë rrugë për kompromise”.

Që nga mesi i muajit prill e deri më tash, në media janë publikuar dy të ashtuquajtur “non-paper”, si dokumente të pretenduara, në të cilat flitet për qasje të ndryshme për zgjidhjen e kontestit Kosovë-Serbi. “Non-paperi” i parë, i publikuar më 15 prill, pretendohet të jetë i kryeministrit të Sllovenisë, Janez Jansha, i dërguar për Këshillin e Evropës. Ai përmban propozimin e supozuar për ricaktimin e kufijve në Ballkanin Perëndimor, si një mënyrë për të zgjidhur problemin kronik ndërmjet gjashtë vendeve në rajon.

Lajmet

Hagë: Shtyhet afati për shpalljen e aktgjykimit ndaj ish-krerëve të UÇK-së

Published

4 minutes ago

May 6, 2026

UBTNews

Dhomat e Specializuara në Hagë kanë konfirmuar zgjatjen e afatit për shpalljen e vendimit përfundimtar ndaj ish-krerëve të Ushtrisë Çlirimtare të Kosovës: Hashim Thaçit, Kadri Veselit, Jakup Krasniqit dhe Rexhep Selimit.

Përmes një njoftimi zyrtar, Gjykata bëri të ditur se për shkak të kompleksitetit të lartë të çështjes, Paneli Gjyqësor ka vendosur ta shtyjë afatin edhe për 60 ditë të tjera.

Sipas vendimit të ri, afati i fundit për shpalljen e aktgjykimit është caktuar data 20 korrik 2026. Gjykata sqaroi se kjo datë nuk shënon domosdoshmërisht ditën e shpalljes së vendimit, por përfaqëson kufirin e ri kohor brenda të cilit pritet të jepet verdikti. Paneli Gjyqësor la të hapur mundësinë për një tjetër shtyrje, nëse kjo vlerësohet si “absolutisht e nevojshme” në të ardhmen.

Ky proces gjyqësor, i cili nisi zyrtarisht më 3 prill 2023, ka hyrë në fazën finale pasi palët dhanë fjalët e tyre përfundimtare më 18 shkurt. Katër ish-krerët e UÇK-së, të cilët po mbahen në paraburgim prej vitit 2020, janë deklaruar sërish të pafajshëm për të gjitha pikat e aktakuzës, duke mohuar çdo pretendim të Prokurorisë. Tashmë, sytë e opinionit publik janë kthyer nga Haga, në pritje të një vendimi që do të vulosë njërën prej çështjeve më të rëndësishme gjyqësore të pasluftës në Kosovë.

Lajmet

Sekuestrohet mall në vlerë mbi 50 mijë euro në Ferizaj

Published

27 minutes ago

May 6, 2026

UBTNews

Njësia e Task Forcës nga Drejtoria Rajonale e Policisë Kufitare (DRK Jug) ka realizuar një operacion të suksesshëm kundër krimit ekonomik, duke sekuestruar një sasi të konsiderueshme mallrash të kontrabanduara në qytetin e Ferizajt. Operacioni u ndërmor pas mbledhjes së informacioneve në teren për ekzistencën e një depoje ku fshiheshin produkte të paligjshme.

Sipas njoftimit të Policisë, hetimet e para tregojnë se një person i dyshuar i kishte futur këto mallra në Republikën e Kosovës përmes rrugëve ilegale nga Maqedonia e Veriut. Gjatë kontrollit në depo, policia gjeti dhe sekuestroi:

Mbi 800 kg duhan të përpunuar dhe makineritë përkatëse për përpunimin e tij.
Një sasi prej 94 kg mjaltë.
Pajisje ambalazhimi (plastikë dhe letër) dhe vegla ndihmëse për spërkatjen e duhanit.

Vlera e tregut e këtyre mallrave llogaritet të jetë rreth 16,500 euro, por dëmi real i shkaktuar buxhetit të shtetit është shumë më i lartë. Shmangia nga akciza dhe taksat doganore llogaritet të arrijë vlerën e rreth 34,000 eurove.

Pas përfundimit të procedurave policore, i gjithë malli i konfiskuar i është dorëzuar Doganës së Kosovës për trajtim të mëtutjeshëm ligjor. Ky aksion vjen si vazhdimësi e përpjekjeve të Ministrisë së Punëve të Brendshme dhe Policisë së Kosovës për të luftuar ekonominë informale dhe për të mbrojtur kufijtë nga aktivitetet kriminale.

Lajmet

Gjeneral Bashkim Jashari në “SAHA Expo 2026”: FSK drejt modernizimit dhe forcimit të kapaciteteve ushtarake

Published

33 minutes ago

May 6, 2026

UBTNews

Komandanti i Forcës së Sigurisë së Kosovës, Gjenerallejtënant Bashkim Jashari, po qëndron për një vizitë zyrtare në Stamboll, ku së bashku me një delegacion të lartë të FSK-së po merr pjesë në panairin prestigjioz të industrisë së mbrojtjes, “SAHA Expo 2026”.

Pas ceremonisë hapëse, Gjeneral Jashari zhvilloi takime kyçe me drejtuesit e lartë të Mbrojtjes dhe Forcave të Armatosura të Turqisë. Gjatë këtyre diskutimeve, ai shpalosi objektivat strategjikë për zhvillimin e mëtutjeshëm të FSK-së, duke u fokusuar në koordinimin e planeve dypalëshe për trajnime, stërvitje të përbashkëta dhe furnizimin me pajisje moderne ushtarake.

Pjesëmarrja në këtë panair, që konsiderohet si një nga platformat më të rëndësishme teknologjike në botë, i ka mundësuar delegacionit të FSK-së të shohë nga afër inovacionet e fundit në fushën e mbrojtjes.

Gjeneral Jashari dhe ekipi i tij zhvilluan takime me prodhues të ndryshëm ndërkombëtarë, me synim konkret forcimin e kapaciteteve operacionale dhe modernizimin e ushtrisë në përputhje me misionin e saj kushtetues.

Ky angazhim në SAHA EXPO 2026 rikonfirmon përkushtimin e FSK-së për të ndërtuar një forcë moderne dhe të ndërveprueshme me partnerët, e gatshme për t’u ballafaquar me sfidat bashkëkohore të sigurisë globale.