Magazinë

Victoria Beckham: Një grua duhet të jetë budallaqe e vërtetë për të mos u marrë vesh me mua

Published

on

tilistja e njohur e modës dhe ish-ylli i muzikës pop, Victoria Beckham, ka bërë së fundmi një deklaratë që ka tërhequr vëmendjen e mediave.

Në një intervistë për radion “Sirius XM”, ajo u shpreh se një grua duhet të jetë “budallaqe e vërtetë” nëse nuk është në marrëdhënie të mira me të.

“Unë jam një grua që mbështet vajzat. Dua të them, duhet të jesh një budallaqe e plotë për të mos u marrë vesh me mua nëse je grua. I dua gratë dhe kjo është një nga arsyet pse bëj atë që bëj në fushën e modës dhe bukurisë. Dua t’i fuqizoj gratë, të ndaj me to këshillat dhe sekretet e mia,” – tha Victoria.

Këto deklarata vijnë në një moment kur mediat po raportojnë gjithnjë e më shumë për tensionet e supozuara midis saj, djalit të saj Brooklyn Beckham dhe nuses së tij Nicola Peltz.

Sipas raportimeve, marrëdhëniet brenda familjes Beckham janë ftohur prej katër vitesh, që nga koha kur Brooklyn (26 vjeç) dhe Nicola (30 vjeçe) po përgatiteshin për martesën e tyre në vitin 2022. Shkak i përplasjes thuhet të ketë qenë fakti që nusja refuzoi të vishte një fustan të dizajnuar nga Victoria.

Që prej asaj kohe, Brooklyn nuk është parë në disa nga festat familjare – përfshirë edhe ditëlindjet e babait të tij, David Beckham – dhe çifti i ri nuk ka marrë pjesë në sfilatat e modës të Victorias, ndryshe nga pjesa tjetër e familjes që i ndjek rregullisht. /A.Z/UBT News/

Lajmet

Çifti ngjitet në majën e Empire State Building, shpalos banderolë për paqen dhe përfundon në pranga

Published

on

Dy persona u ngjitën në majën e ndërtesës ikonike Empire State Building në Nju Jork, ku shpalosën një banderolë me mesazhin: “Kur fuqia e dashurisë mposht dashurinë për pushtetin, bota njeh paqen.”

Sipas Reuters, bëhet fjalë për rusët Angela Nikolau dhe Ivan Kuznetsov, i njohur edhe si Vanya Beerkus, të cilët njihen për ngjitjet e tyre në rrokaqiej dhe struktura të larta në vende të ndryshme të botës. Historia e tyre është dokumentuar edhe në filmin e Netflix “Skywalkers: A Love Story”, i publikuar në vitin 2024.

Pas zbritjes nga maja e ndërtesës, çifti u arrestua nga Policia e Nju Jorkut dhe përballet me disa akuza, përfshirë hyrje të paligjshme, rrezikim të jetës dhe shkelje të masave të sigurisë.

Menaxhmenti i Empire State Building e cilësoi incidentin si një hyrje të paautorizuar, duke theksuar se ngjarja nuk ka rrezikuar vizitorët apo stafin e ndërtesës.

Sipas raportimeve, para se të nisnin zbritjen, Ivan Kuznetsov i propozoi martesë partneres së tij, Angela Nikolau, e cila pranoi, duke e kthyer aksionin simbolik në një moment personal që mori vëmendje të madhe në rrjetet sociale.

Autoritetet amerikane kanë nisur hetimet për të zbuluar se si çifti arriti të anashkalonte masat e sigurisë dhe të ngjitej në majën e kullës 443 metra të lartë, një prej monumenteve më të njohura të Nju Jorkut./A.K/

Continue Reading

Magazinë

Chris Brown urdhërohet të paguajë 12.9 milionë dollarë pasi u shpall përgjegjës për sulmin e qenit ndaj pastrueses

Published

on

Këngëtari amerikan Chris Brown është shpallur përgjegjës nga një gjykatë në Los Angeles për një sulm të rëndë të qenit ndaj pastrueses së shtëpisë së tij në vitin 2020 dhe është urdhëruar të paguajë 12.9 milionë dollarë dëmshpërblim.

Vendimi u mor pas një gjykimi dyjavor, ku juria vendosi në favor të Maria Avila, e cila u sulmua nga një qen i racës Caucasian Shepherd, me peshë rreth 90 kilogramë, teksa po nxirrte mbeturinat në rezidencën e Brown në Tarzana të Kalifornisë.

Sipas padisë, sulmi i qenit i shkaktoi Avilas lëndime të rënda, duke i shqyer pjesë të mëdha të lëkurës dhe duke i lënë plagë të përhershme në fytyrë, dëmtime në shikim, dëmtime nervore dhe shenja të rënda në trup.

Gjatë procesit gjyqësor u tha se, në vend që të thërriste shërbimet e emergjencës ose t’i ofronte ndihmë të plagosurës, Brown ishte larguar nga vendi i ngjarjes me këshillën e menaxherit të tij, nga frika se prania e tij do të shkaktonte një “cirk mediatik”.

Vetë këngëtari pranoi se mbante një pjesë të përgjegjësisë, por kundërshtoi shkallën e lëndimeve të Avilas dhe argumentoi se ajo mbante një pjesë të fajit për incidentin. Ai deklaroi se qeni përdorej për arsye sigurie dhe nuk ishte kafsha e tij personale, ndërsa pretendoi se i kishte paralajmëruar punonjëset të mos afroheshin pranë qenve pa praninë e rojeve të sigurisë.

Megjithatë, Maria Avila dhe motra e saj e mohuan se kishin marrë një paralajmërim të tillë, duke theksuar se një bisedë e tillë do të kishte qenë e vështirë edhe për shkak të barrierës gjuhësore.

Si rezultat i vendimit, Chris Brown dhe kompania e tij Black Pyramid LLC do të duhet t’i paguajnë Avilas 12.9 milionë dollarë dëmshpërblim për neglizhencë./BBC//A.K/

Continue Reading

Magazinë

Sharon Stone rikthehet në pasarelë pas më shumë se 30 vitesh

Published

on

Aktorja e njohur amerikane Sharon Stone është rikthyer në pasarelë pas më shumë se tri dekadash, duke marrë vëmendjen kryesore në Paris Fashion Week.

68-vjeçarja parakaloi në sfilatën e koleksionit pranverë/verë 2027 të Vetements, e veshur me një stil elegant dhe modern, që përfshinte xhaketë të bardhë, këmishë të zezë me kravatë dhe çizme të gjata prej lateksi.

Me një paraqitje të sigurt dhe stil të veçantë, Stone rikujtoi rikthimin e saj të parë në pasarelë që nga viti 1993, kur kishte mbyllur një sfilatë të Valentino Garavani në Paris.

Rikthimi i saj është pritur me interes të madh në botën e modës, duke e vendosur sërish në qendër të vëmendjes si një ikonë e stilit dhe kinemasë./A.K/

Continue Reading

Magazinë

Bebe Rexha arrin sukses të ri me albumin “Dirty Blonde”, dominon Billboard

Published

on

Këngëtarja shqiptare me famë ndërkombëtare, Bebe Rexha, po vazhdon të shënojë suksese të reja në karrierën e saj muzikore me albumin më të fundit “Dirty Blonde”.

Vetëm pak ditë pas publikimit, albumi ka arritur të ngjitet në vendin e parë të klasifikimit Billboard Top Dance Albums, duke u bërë më i dëgjuari aktual në këtë zhanër në Shtetet e Bashkuara.

Suksesi i projektit është reflektuar edhe në klasifikime të tjera të rëndësishme të Billboard, ku albumi ka hyrë në vendin e gjashtë në Independent Albums, vendin e gjashtë në Top Album Sales dhe në pozitën e 43-të në Billboard 200.

Billboard i ka dedikuar një postim të veçantë artistes shqiptare në rrjetet sociale, të cilin ajo e ka shpërndarë më pas në profilin e saj zyrtar, duke e cilësuar këtë arritje si një moment historik në karrierën e saj.

“Dirty Blonde” shënon albumin e parë të Bebe Rexhës që arrin në krye të listës Dance të Billboard, duke e konsoliduar edhe më shumë pozitën e saj në skenën muzikore ndërkombëtare./A.K/

Continue Reading

Të kërkuara