Sport

Vettel flet për të ardhmen e tij dhe spekulimet që e lidhin me Red Bullin

Aston Martini është i vetmi ekip që nuk ka arritur të arkëtojë asnjë pikë pas tre garave këtë vit.

Published

3 years ago

April 22, 2022

Betim Gashi

Sebastian Vettel ka folur për të ardhmen e tij, pas një fillimi të vështirë të ekipit të tij në sezonin 2022 të Formula 1.

Aston Martini është i vetmi ekip që nuk ka arritur të arkëtojë asnjë pikë pas tre garave këtë vit, ndërsa Vettel mungoi në dy Gran Prix-at pasi që kishte testuar pozitiv me COVID-19.

Kur u rikthye në Australi, Vettel kishte shumë incidente dhe aksidente, ndër to edhe dalja nga pista ku edhe u aksidentua gjatë garës.

Synimet e Aston Martinit për vitin 2022 duket se janë të vogla, ndërsa Vettel u pyet për të ardhmen e tij para Emilia Romagna Grand Prix, ku po ashtu u pyet edhe nëse ka biseduar me ish-shefin e tij Christian Horner për një rikthim të mundshëm te Red Bulli, pasi që kontrata e tij aktuale me Sergino Perez do të skadojë në fund të këtij sezoni.

“Nuk kam biseduar me Christian për shumë kohë. Nuk është e vërtetë”, tha Vettel për një rikthim të mundshëm te Red Bulli.

“Nuk e di, koha do të tregojë. Momentalisht, unë mendoj që fokusi është në të tashmen dhe në malin para nesh në të cilin ne do të mundohemi të ngjitemi. Nuk do të ngjitemi në një ditë, nuk do të ngjitemi në një muaj, por ne do ta zgjedhim rrugën të cilën do ta përshkojmë, e cila do të vendos për tre deri në katër vitet e ardhshme”, tha Vettel për synimet e Aston Martin.

“Një ditë, do të jetë një ditë për të gjithë kur kjo aventurë do të përfundojë dhe një aventurë tjetër do të fillojë, çfarëdo çoftë ajo”, tha Vettel për të ardhmen e tij.

Vettel e pranoi që në të ardhmen do të vijë koha për tu larguar nga Aston Martini, por gjatë intervistës së tij ylli i Formula 1 nuk dha ndonjë informacion më konkret mbi të ardhmen e tij.

Related Topics:Red Bull Sebastian Vettel

Up Next

Pas humbjes ndaj Arsenalit flet Rangnick: Gjasat e United për Ligë të Kampionëve janë shuar

Don't Miss

Çdo gjë që duhet të dini rreth meçit mes Furyt dhe Whyte

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

2 days ago

June 5, 2025

Albina Zeneli

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

2 days ago

June 5, 2025

UBTnews

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Sport

Ardian Ismajli mund t’i bashkohet Rashicës te Besiktasi?

Published

2 days ago

June 5, 2025

Albina Zeneli

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

Sport

Zyrtare: Inzaghi firmosi me Al-Hilalin

Published

2 days ago

June 5, 2025

Albina Zeneli

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.