Lajmet

Vetëm për dy muaj mbi 240 raste të divorceve në Kosovë, cilat janë shkaqet?

Psikologu Imri Zabeli tregon se cilat janë arsyet që çojnë drejt divorceve.

Published

on

Sipas statistikave të fundit, vetëm gjatë dy muajve të parë (janar dhe shkurt) të këtij viti në Kosovë janë regjistruar 241 raste të divorceve. Psikologu Imri Zabeli në një intervistë dhënë për UBTNews shpjegon se shkaqet e divorceve janë të shumta dhe variojnë nga kontekstet sociale në të cilat jetojnë çiftet. Sipas tij, ndër arsyet më të shpeshta janë mungesa e mirëkuptimit mes çifteve, rolet gjinore që iu atribuohen burrave dhe grave dhe natyrisht edhe dhuna qoftë fizike apo psikike.

Psikologu Zabeli thotë se shkaktarë të tjerë që çojnë drejt divorceve janë përdorimi i lëndëve narkotike, pastaj alkooli, të cilat rrjedhimisht prodhojnë sjellje devijante. Ai vlerëson se në rastet kur nuk ka mundësi që situata të zgjidhet përmes kompromisit, divorci është zgjidhje e shëndetshme. Tutje ai shpjegoi gjerësisht se cilat janë efektet e divorcit te çiftet dhe te fëmijët e tyre.

“Efektet e divorcit te çiftet, nëse divorci ka ndodhur shpejt pa u shfrytëzuar mundësitë për ta ruajtur lidhjen, natyrisht që sjell vuajtje dhe depresion. Te fëmijët, pas divorcit të prindërve nëse realcionet mes prindërve vazhdojnë të jenë toksike dhe dekurajuese sjellin shumë pasoja negative, si pasiguri, frustrim, keqzhvillim emocional, dhe reagime sociale keqpërshtatëse”, deklaroi ai.

Zabeli vlerëson se nëse çiftet arrijnë ta pranojnë divorcin si opsion të shëndetshëm e kanë më të lehtë ta tejkalojnë periudhën pas ndarjes./UBTNews/

Donjeta Maliqi, studente në Shkenca Politike në UBT

Continue Reading

Lajmet

Murati: Ka deputetë të opozitës që do të votonin për, qëndrimet partiake s’i lejojnë

Published

on

By

Ministri në detyrë i Financave, Hekuran Murati, tha se ka deputetë nga ana e opozitës që dëshirojnë që të votojnë pro Albulena Haxhiut për kryeparlamentare, por që kjo, sipas tij, nuk po iu lejohet nga partitë e tyre.

Siç e patë kemi një përsëritje të seancave të kaluara. Kjo vjen si rezulatat për shkak se një pjesë e deputetëve refuzon që të votojë për Albulena Haxhiun. Konsideroj që një situatë e tillë po vjen për shkak të atyre që nuk po votojnë për dhe të njëjtit po ankohen që po ka bllokadë. Ka akuza që po kërkohet që të votohet me zor. Ne kemi dëgjuar se deputetë individualë kanë shprehur dëshirë që të votojnë për, por jam qëndrimet partiake që nuk po i lejojnë”, tha Murati.

Continue Reading

Lajmet

Limaj: Nuk ka lëvizje që të presim diçka ndryshe, qëndrimi ynë është i njëjtë

Published

on

By

Deputeti i Nismës, Fatmir Limaj ka deklaruar se nuk sheh ndonjë ndryshim në zhvillimet politike krahasuar me seancat e kaluara dhe se situata mbetet e njëjtë.

Ai theksoi se partia e tij do të japë kontributin maksimal për të shmangur zgjedhjet, por nuk i përjashtoi ato si opsion të fundit në mungesë të një zgjidhjeje tjetër.

Unë nuk kam parë ndonjë lëvizje që të na bëjë të presim diçka ndryshe nga seancat e mëparshme. Siç duket, gjithçka do të zhvillohet njësoj si herën e kaluar. Edhe qëndrimi ynë është i njëjtë si më parë. Nisma do të japë kontributin e saj maksimal për të shmangur procesin e zgjedhjeve, por jo me çdo kusht. Çdo proces e ka përfundimin e vet, dhe nëse nuk ka zgjidhje tjetër, zgjedhjet janë të pashmangshme”, theksoi Limaj.

Continue Reading

Lajmet

Krasniqi: Demokracia funksionon me shumicë dhe jo me imponim

Published

on

By

Kryetari i PDK-së Memli Krasniqi, tha se demokracia funksionon me shumicë dhe jo me imponim. Deklaratën e bëri pas dështimit të përpjekjes së tetë për zgjedhjen e kryetarit të Kuvendit të Kosovës.  

Shpreh keqardhje për këtë tallje që po bëhet nga ana e partisë së parë, e cila për të tetën herë na mbledh në Kuvend dhe sillet me mentalitetin e njëjtë. Demokracia funksionon me shumicë e jo me imponim. Institucionet janë të popullit dhe jo të një partie politike. Duhet të kuptohet se ka shkuar koha e udheheqjes së një partie. Shpreh keqardhje”, tha Krasniqi.

Continue Reading

Lajmet

Dështoi edhe përpjekja e tetë për konstituimin e Kuvendit

Published

on

By

As në vazhdimin e sotëm të seancës së filluar qysh më 15 prill nuk u konstitua Kuvendi i Kosovës. Ishte përpjekja e tetë me radhë për konstituimin e këtij institucioni ligjvënës.

Edhe kësaj radhe dështoi propozimi i Lëvizjes Vetëvendosje për zgjedhjen e Albulena Haxhiut për kryetare të Kuvendit.

Ajo, për herë të gjashtë, i mori 54 vota, nga të paktën 61 vota të nevojshme për t’u zgjedhur. Kundër votuan 44 deputetë, ndërsa tre abstenuan.

Vetëvendosje nuk po heq dorë nga kandidimi i Haxhiut për kryeparlamentare. Nga ana tjetër, opozita po e quan atë figurë përçarëse.

Seanca konstituive do të vazhdojë, më 1 maj, në orën 10:00, bëri të ditur kryesuesi i kësaj seance, Avni Dehari.

Seanca konstituive është obligim të mbahet çdo 48 orë pas ndërprerjes.

Continue Reading

Të kërkuara