Kronikë e zezë

Vetëm gjatë gushtit, Policia shqiptoi gati 7 mijë gjoba trafiku në rajonin e Gjilanit

Published

4 years ago

on

Drejtoria Rajonale e Policisë në Gjilan, Njësia Rajonale e Komunikacionit Rrugor dhe Stacionet Policore të DRP Gjilan, gjatë muajit gusht 2022, në vazhdën e implementim i Planeve Operative “Sezoni Veror’”, “Siguria në trafikun rrugor” dhe projektit “Patrullimi inteligjent” kanë realizuar aktivitete në zonën e përgjegjësisë që mbulon shtatë komuna.

Gjatë kësaj periudhe janë shqiptuar gjashtë mijë e tetë qind e dy (6802) gjoba për kundërvajtje të ndryshme në trafik si: mos respektimi i shpejtësisë, tejkalim në vijë të plotë, drejtimi nën ndikimin e alkoolit, drejtimi i mjetit pa patentë shofer, mos mbajtja e distancës, gjendja jo e rregullt teknike e automjetit, skadimi i afatit të regjistrimit, përdorimi i telefonave mobil, mos përdorim i brezit të sigurisë etj.

Po ashtu në kuadër të këtyre planeve janë ndërmarr aktivitete edhe në:

• Hetim i njëqind e njëzet e nëntë (129) aksidenteve të komunikacionit me dëme materiale,

• Hetim i shtatëdhjetë e një (71) aksidente të komunikacionit me të lënduar,

• Konfiskimi i njëqind e dyzet e tre (143) patentë shofer,

• Shqiptim i pesëdhjetë e tetë (58) kundërvajtjeve për vozitës të motoçikletave,

• Konfiskim i shtatë (7) motoçikletave.

Njësia Rajonale e Komunikacionit Rrugor dhe Stacionet Policore të DRP Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.

Drejtoria Rajonale e Policisë në Gjilan ka inkurajuar mediat dhe qytetarët që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 03850807001.

Related Topics:
Continue Reading

Lajmet

Vendoset mjet shpërthyes dhe letër kërcënuese në derën e një shtëpie në Pejë

Published

1 day ago

on

June 26, 2026

By

Një mjet shpërthyes dhe një letër me përmbajtje kërcënuese janë gjetur të vendosura në derën e një objekti banimi në Pejë.

Sipas Policisë së Kosovës, rasti ka ndodhur më 25 qershor 2026, rreth orës 23:43. Menjëherë pas raportimit, policia ka siguruar vendin e ngjarjes, ndërsa njësia për deminim ka bërë largimin e mjetit shpërthyes.

Rasti është duke u hetuar./A.K/

Continue Reading

Kronikë e zezë

Gjashtë raste të dhunës në familje brenda një dite në Kosovë

Published

1 day ago

on

June 26, 2026

By

Policia e Kosovës ka njoftuar se gjatë ditës së djeshme janë regjistruar gjashtë raste të ndryshme të dhunës në familje në disa qytete të vendit.

Në Graçanicë, pas një mosmarrëveshjeje familjare, tre burra janë përleshur mes vete. Ata janë intervistuar dhe me vendim të prokurorit janë liruar në procedurë të rregullt.

Në Prishtinë, është arrestuar një grua pasi ka sulmuar fizikisht një grua tjetër. Viktima ka marrë tretman mjekësor, ndërsa e dyshuara është dërguar në mbajtje.

Në Viti, një grua ka raportuar se pas një fjalosjeje është sulmuar fizikisht nga një burrë. Viktima ka marrë ndihmë mjekësore, ndërsa i dyshuari është arrestuar dhe dërguar në mbajtje.

Në Mitrovicë, është arrestuar një burrë pasi ka sulmuar fizikisht një grua. Viktima ka pranuar tretman mjekësor, ndërsa i dyshuari është dërguar në mbajtje.

Në Pejë, një grua ka raportuar se një burrë ka ushtruar në vazhdimësi dhunë fizike dhe psikike ndaj saj, si dhe e ka kërcënuar përmes telefonit. Pas intervistimit, palët janë liruar në procedurë të rregullt.

Në Deçan, është arrestuar një burrë pasi ka sulmuar fizikisht një burrë tjetër. Viktima ka pranuar tretman mjekësor, ndërsa i dyshuari është dërguar në mbajtje. /E.A/

Continue Reading

Lajmet

Një grua gjendet pa shenja jete në Lipjan, trupi dërgohet për obduksion

Published

1 day ago

on

June 26, 2026

By

Një grua ka humbur jetën në rrethana ende të panjohura në Lipjan.

Sipas Policisë së Kosovës, rasti është raportuar më 25 qershor, rreth orës 09:55, nga një dëshmitare, e cila ka njoftuar se viktima kishte rënë papritur në tokë.

Në vendin e ngjarjes kanë dalë ekipet e emergjencës, të cilat kanë konstatuar vdekjen e viktimës.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti po hetohet si “Hetim mbi vdekjen”./A.K/

Continue Reading

Kronikë e zezë

Përleshje fizike në Mazgit të Obiliqit, tre persona mbeten të lënduar

Published

1 day ago

on

June 26, 2026

By

Një incident ka ndodhur në orët e para të mëngjesit të së enjtes në fshatin Mazgit të Obiliqit, ku pas një mosmarrëveshjeje çasti, tre persona kanë pësuar lëndime të rënda trupore si pasojë e një sulmi fizik.

Sipas raportit zyrtar të Policisë së Kosovës, ngjarja ka ndodhur saktësisht rreth orës 02:25 pas mesnate. Tre viktimat, të gjithë burra dyshohet se janë sulmuar fizikisht nga tre të dyshuar të tjerë.

Përveç dhunës fizike të ushtruar ndaj viktimave, të dyshuarit u kanë dëmtuar atyre edhe veturën private përpara se të largoheshin nga vendi i ngjarjes.

Si pasojë e sulmit, të tre viktimat kanë pësuar lëndime dhe kanë pranuar menjëherë tretmanin e nevojshëm mjekësor në institucionet shëndetësore.

Ndërkohë, Policia e Kosovës ka bërë të ditur se tre personat e dyshuar tashmë gjenden në kërkim policor.

Rasti zyrtarisht është iniciuar dhe po hutohet nën cilësimin si “Lëndim i rëndë trupor” dhe dëmtim i pronës, ndërsa njësitet përkatëse po punojnë për lokalizimin dhe arrestimin e të dyshuarve. /E.A/

Continue Reading

Të kërkuara