Lajmet

Vetëm 6 shtretër të lirë në Klinikën e Pulmologjisë, Hoxha: Jemi të përgatitur për çfarë do vale të re

Nga 66 shtretër, vetëm gjashtë prej tyre janë të lirë.

Published

on

Ndonëse aktualisht situata me COVID-19 është e qetë, megjithatë edhe Kosova po rrezikon që të përballet me valën e katër me koronavirus.

Për një valë të re me COVID-19 është e përgatitur edhe Klinika e Pulmologjisë në Qendrën Klinike Universitare të Kosovës(QKUK). Kështu ka thënë në një intervistë për KosovaPress ushtruesi i detyrës së drejtorit të Klinikës së Pulmologjisë, Musa Hoxha.

Nga 66 shtretër, vetëm gjashtë prej tyre janë të lirë. Hoxha tregon se 60 pacientë janë të shtruar aty e që po marrin trajtim, 27 prej tyre po trajtohen si post-COVID, e që gjendja e tyre është stabile, kurse 33 pacientë të tjerë janë me patologji të tjera.

“Në Klinikën e Pulmologjisë nga 66 shtretër sa i ka kapacitet klinika jonë, i kemi 60 të shtruar. Nga këta 60-të, i kemi 27 pacientë që po trajtohen si post-Covid, kurse pjesa tjetër janë me patologji tjera respiratorë[…] Këta pacient janë pacientë që zakonisht kanë nevojë për oksigjeno-terapi ndjehen të lodhur, rraskapitur dhe janë pacientë që po ashtu janë edhe me sëmundje tjera shoqëruese dhe vërehet të këta pacientë që i sundon edhe ankthi, frika, depresioni dhe problemet tjera”, ka thënë ai.

Ndërkaq sa i përket moshës së personave të shtruar në klinikë mbizotëron mosha mbi 60 vjeç. Nga të shtruarit që janë në këtë klinikë 50% prej tyre janë të vaksinuar kundër Covid-19.

Derisa tha se pritet një valë e re, Hoxha nënvizoi se kjo valë nuk do të jetë aq e theksuar ajo e gushtit e shtatorit.

“Sa i përket pandemisë institucionet shëndetësore përgjithësi kanë bërë edhe një përvoje në veçanti klinika jonë e Pulmologjisë dhe kështu që jemi gjithmonë të përgatitur për çfarë do vale të re edhe pse pritet vale tjetër, por mendojmë që jo e përmasave çfarë ka qenë tash vala e fundit, vala e gushtit dhe shtatorit. Kurse sa i përket gatishmërisë normalisht që gjithë gatishmëria është në nivelin më të lartë të mundshëm për çdo rast”, ka thënë Hoxha.

Ndërsa të mërkurën Ministria e Shëndetësisë ka njoftuar se nga 70 mostra pozitive të COVID-19, të dërguara për analizë në Gjermani, 12 raste kanë rezultuar të kenë qenë të variantit Delta Plus.

Bota

Scholz: Nuk mund ta imagjinojë Netanyahun të arrestohet në Gjermani

Published

on

Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.

Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”

Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.

Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Continue Reading

Bota

Çmimi i naftës bie pas tarifave të Trump

Published

on

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.

Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.

Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.

Continue Reading

Lajmet

Policia gjobit shoferin që drejtoi veturën në anën e kundërt në autostradë

Published

on

Policia e Kosovës ka gjobitur një shofer me 500 euro pasi ai drejtoi veturën e tij në anën e kundërt të autostradës. Incidenti ka ndodhur në Autostradën “Dr. Ibrahim Rugova” dhe është bërë publik më 3 prill 2025 përmes një video-incizimi që u shpërnda në rrjetet sociale.

Shoferi ka marrë gjithashtu pesë pikë negative dhe i është ndaluar drejtimi i automjetit për një periudhë prej dymbëdhjetë muajsh. Mjeti është larguar nga trafiku përmes një kompanie të autorizuar për tërheqje. Policia, përmes një njoftimi, ka bërë të ditur se njësia për Kontroll të Autostradave në bashkëpunim me njësinë kufitare ka identifikuar dhe ndaluar shoferin që kryente shkeljen e rrezikshme në autostradë.

Continue Reading

Lajmet

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Published

on

Zëdhënësit e Gjykatës Speciale, Michael Doyle dhe Angela Griep, kanë zhvilluar një konferencë për media, ku kanë sqaruar disa çështje lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK). Gjatë konferencës, ata theksuan se Gjykata është e themeluar në përputhje me Kushtetutën e Kosovës dhe se përgjigjet për legjitimitetin e saj mund të gjenden aty. Ata nënvizuan se qëllimi i Gjykatës është të sigurojë gjykime të drejta, të pavarura dhe të paanshme për individët që ndiqen penalisht nga Prokuroria Speciale, si dhe për të mbrojtur dëshmitarët dhe për të siguruar dinjitetin e viktimave.

Zëdhënësit theksuan se Gjykata Speciale merret vetëm me përgjegjësi penale individuale dhe mbajnë përgjegjësi vetëm individët për krimet që u janë ngarkuar në aktakuzë. Ata gjithashtu sqaruan se Gjykata nuk merret me grupe etnike, organizata apo komunitete, por fokusohet tek përgjegjësia individuale.

Gjatë konferencës, ata përmendën edhe ankesën e mbrojtjes së Hashim Thaçit për pyetjet e bëra nga gjyqtarët ndaj dëshmitarëve, duke sqaruar se gjyqtarët kanë të drejtën dhe detyrën të bëjnë pyetje për të përcaktuar të vërtetën. Ata theksuan se kufizimi i mundësisë së gjyqtarëve për të bërë pyetje mund të cenonte rolin e tyre si gjetës të fakteve.

Continue Reading

Të kërkuara