Sport

Vendimet skandaloze në gjysmëfinalen famëkeqe mes Barcelonës e Chelseat, Ovrebo e pranon që duhet të kishte dhënë penallti

Ovrebo u shndërrua në njërin nga figurat më të urryera të tifozëve të Chelseat pas paraqitjes së tij në atë gjysmëfinale.

Published

on

Gjyqtari, Tom Henning Ovrebo, e ka pranuar se Chelsea e ka merituar një penallti në humbjen e pamerituar në gjysmëfinale të Ligës së Kampionëve kundër Barcelonës në vitin 2009.

Ovrebo u shndërrua në njërin nga figurat më të urryera të tifozëve të Chelseat pas paraqitjes së tij në atë gjysmëfinale, duke ia mohuar londinezëve penalltinë e cila do t’i dërgonte asokohe ata në finale.

Chelsea kishte epërsinë përmes golit të bukur të Michael Essien, por në ditët kur ekzistonte rregulli i golit të mysafirit, Barçës i nevojitej vetëm një gol për të kaluar në finale.

Ai gol erdhi nga këmbët magjike të Andres Iniestas në minutat e fundit të ndeshjes, ku më pas la tifozët e Chelseat të dëshpëruar me paraqitjen e gjyqtarit Ovrebo.

I tillë ishte zhgënjimi sa që për vendimet e asaj ndeshjeje flitet edhe pas 13 vitesh, dhe tani Ovrebo ka dhënë mendimin e tij i cili nuk do t’i pëlqej aspak tifozëve londinezë.

“Unë nuk mendoj që tifozët e Chelseat kanë të drejtë kur thonë se duhet të kishin katër penallti, por unë mendoj që çdokush që ka njohuri rreth futbollit dhe i di ligjet e lojës, e di që do të duhej të dhurohej një penallti”, tha Ovrebo.

“Ndonjëherë të humbet ndonjë penallti, ndonjë karton i kuq ose ndonjë vendim kryesorë. Dhe mendoj që çdokush që din rreth futbollit është i vetëdijshëm që duhet të kishte penallti”, shtoi Ovrebo.

Gjyqtari norvegjez tani e ka pranuar që kishte marrë vendime jo të mira gjatë asaj ndeshjeje, ku tregoi se njëra nga arsyet që kishte ndikuar ishe atmosfera e zjarrtë në stadium.

Continue Reading

Sport

Kosova me gjashtë xhudistë në Grand Slam-in e Parisit

Published

on

By

Gjashtë xhudistët e Kosovës do të marrin pjesë në Eventin e Madh të Parisit, që do të zhvillohet me datën 7 dhe 8 shkurt në Accor Arena të Parisit.

Kosova të garoj në pesë kategori.

Akil Gjakova (-73 kg), Laura Fazliu (-63 kg), Distria Krasniqi (-52 kg), Fatjona Kasapi (-52 kg), Flaka Loxha (-57 kg) dhe Erza Muminoviq (-48 kg), në krye me Driton Kukën dhe të artën Majlinda Kelmendin, do të synojnë që do të kthehen me medalje në Kosovë.

Ky event do të mbledhë 499 garues nga 80 shtete e 6 kontinente, garë e cila ndjeket nga mijëra shikues çdo vit. /KosovaPress/

Continue Reading

Sport

Sot nisin Lojërat Olimpike Dimërore Milano–Kortina 2026

Published

on

By

Sot kanë nisur zyrtarisht Lojërat Olimpike Dimërore Milano–Kortina 2026, të cilat do të zgjasin deri më 22 shkurt, duke rikthyer Olimpiadën Dimërore në Evropë me një program rekord dhe theks të veçantë te barazia gjinore dhe qëndrueshmëria.

Shqipëria përfaqësohet në këto Lojëra Olimpike nga katër sportistë: Lara Colturi, Denni Xhepa, Lisa Brunga dhe Semire Dauti. Në qendër të vëmendjes është skiatorja Lara Colturi, e renditur e pesta në botë, e cila konsiderohet si shpresa kryesore për një medalje olimpike për Shqipërinë. Garat kryesore të saj do të zhvillohen më 15 dhe 18 shkurt.

Olimpiada e 25-të Dimërore përfshin një rekord prej 116 eventesh medaljesh dhe shënon përparim të madh në barazinë gjinore, me gratë që garojnë në mbi 53 për qind të eventeve.  Këto Lojëra shënojnë gjithashtu një moment historik për barazinë gjinore, pasi për herë të parë drejtohen nga një presidente grua e Komitetit Olimpik Ndërkombëtar, Kirsty Coventry.

Shqipëria shpreson që pjesëmarrja në Milano–Kortina 2026 të përfaqësojë një hap të rëndësishëm për zhvillimin e sporteve dimërore në vend dhe, pse jo, të sjellë një sukses historik në arenën olimpike.

Continue Reading

Sport

FIBA ia beson përsëri Kosovës Evropianin e Femrave për Shtetet e Vogla

Published

on

Është hedhur shorti për FIBA Kampionati Evropian të Femrave për Shtetet e Vogla dhe grup moshat e reja, ku Kosova ka mësuar kundërshtarët e saj.

Dardanet do të jenë në Grupin B, së bashku me Andorrën dhe Armeninë. Ndërkohë, në Grupin A janë Malta, Gjeorgjia dhe Shqipëria.

Kjo do të jetë hera e dytë që FIBA Kampionati Evropian i Femrave për Shtetet e Vogla organizohet në Kosovë, pasi më 2024 ishte organizuar në Prishtinë.

Gjatë kësaj vere, Kosova do të organizojë edhe FIBA U18 Eurobasketi i Femrave, Divizioni C, kampionat që po ashtu do të organizohet në Pejë nga 21 deri më 26 korrik, ku marrin pjesë shtatë shtete.

Kosova është në Grupin B, së bashku me Armeninë, Gjeorgjinë dhe Gjibraltarin, kurse në Grupin A janë: Malta, Shqipëria dhe Qipro.

Kjo verë do të jetë shumë e ngjeshur me aktivitete, pasi në përgjithësi, Kosova do të garojë me pesë Përfaqësuese në arenën evropiane, U20 meshkujt, U18 meshkujt dhe femrat dhe U16 meshkujt dhe femrat.

Kosova U16 femrat do të jenë në Grupin A, së bashku me Maltën dhe Gjeorgjinë, në Divizionin C, që mbahet në Maltë nga 7 deri më 12 korrik.

Kosova U16 meshkujt do të jenë në Grupi A, ku bëjnë pjesë edhe Shqipëria, San Marino dhe Moldavia. Divizioni C do të mbahet në Armeni nga 4 deri më 12 korrik.

Kosova U18 meshkujt janë në Grupi A, ku do të garojnë edhe Armenia, Andorra dhe Gjibraltari. Gara e Divizionit C do të mbahet në Shkodër nga 21 deri më 26 korrik.

Kosova U20 meshkujt do të garojë në Divizionin B, ku edicionin e kaluar kishte hyrë në Top 8, njëherë suksesi më i madh te gjeneratat e reja. Dardanët e rinj janë në Grupin C, ku marrin pjesë edhe Islanda, Portugalia, Armenia, Bosnja dhe Hercegovina dhe Qipro. Ky kampionat mbahet nga 10 deri më 19 korrik në Sllovaki. /Kosova Press/

Foto: KosovaPress

 

Continue Reading

Sport

Agim Ademi në krye të FFK edhe për 4 vjet

Published

on

Agim Ademi fiton edhe një mandat në krye të futbollit kosovar. Në Kuvendin Zgjedhor të Federatës së Futbollit të Kosovës (FFK), të mbajtur sot, Ademi mori besimin e 52 delegatëve edhe për një mandat katërvjeçar.

Ademi, pasi mori për të tretën herë mandatin për të udhëhequr me Federatën e Futbollit të Kosovës, ka thënë se do të jetë në shërbim 24/7 për çështjen e futbollit. Po ashtu, ai theksoi se vota e dhënë ndaj tij, është besim për të dhe ekipin e tij.

Gjatë kuvendit u miratua edhe buxheti i FFK-së për vitin 2026, rreth 25 milionë euro.

Kryetari Ademi ka prezantuar fanellën e Dardanëve, teksa ka thënë se të gjitha ekipet nacionale do të vishen me “Adidas”.

“Ekipet tona nacionale nga ky vit do të vishen nga Adidas. Kjo është fanella e Kosovës dhe shpresoj që do të prezantohemi me të në SHBA”, ka thënë Ademi.

 

Continue Reading

Të kërkuara