Kuriozitete

Vendet turistike më të rrezikshme në botë, ku kanë humbur jetën shumë turistë!

Publikuar

Me siguri shumë prej jush e mbajnë veten për aventurierë të mëdhenj dhe nuk do ta kishin problem të shkonin dhe eksploronin shumë vende që janë edhe të rrezikshme. Mirëpo kjo ndodh me siguri deri kur nuk e dini ende ekzistencën e këtyre vendeve.

Pavarësisht se planeti Tokë është shtëpia e shumë maleve të bukura, vullkaneve, liqeneve, shkretëtirave të pafundme, janë shumë vende që janë të rrezikshme për t’u vizituar.

1. Lugina e Vdekjes, SHBA. Kjo shkretëtirë mban rekord për temperaturat më të larta që janë regjistruar në planet, rreth 56,7 celsius. Pavarësisht se sa i fortë jeni, rrezet e forta të diellit dhe i nxehti i Luginës së Vdekjes do t’ju lodhin shumë shpejt. Pa ujë, në këtë vend mund të jetoni vetëm 14 orë.

Lugina e Vdekjes, SHBA

2. Shkretëtira Danakil, Ertirea. Temperatura sa të furrës që zakonisht arrijnë 50 gradë celsius, vullkane të shumta aktive, gropa që nxjerrin gazra toksike… Këto janë karakteristikat e këtij vendi, të cilin shumë njerëz e quajnë “Ferri në Tokë”.

.Shkretëtira Danakil, Ertirea

3. Mali Uashington, SHBA. Ky mal mban rekordin botëror për erërat më të shpejta në sipërfaqen e Tokës. Shpejtësia më e madhe e regjistruar këtu është 203 milje për orë (327 km / h). Erërat e forta nuk janë shqetësimi i vetëm në këtë zonë. Temperaturat e ngrirjes që mund të bien deri në -40 gradë dhe dëbora e vazhdueshme e bëjnë malin Uashington një vend shumë të rrezikshëm.

Mali Uashington, SHBA

4. Ishujt Marshall. Ky ishull në pamje të parë duket si parajsë, por ka qenë shtëpia e shumë testimeve nukleare që e kanë kthyer këtë ishull të bukur në tokë radioaktive. Banorët e tij janë detyruar të braktisin shtëpitë pasi vendi është i rrezikshëm për organizmat për shkak të nivelit të lartë të rrezatimit që mund të shkaktojë kancerin.

Ishujt Marshall

5. Ishulli da Queimada Grande (Ishulli i gjarpërinjve), Brazil. I fshehur diku jashtë brigjeve të Brazilit, ky ishull njihet si vendi më i rrezikshëm në planet. Arsyeja është e thjeshtë, ky vend është plot me gjarpërinjtë më helmues në botë, Bothrops. Studiuesit vlerësojnë se rreth pesë gjarpërinj për metër katror jetojnë në këtë ishull. Ka shumë turistë që kanë udhëtuar në ishull dhe kanë humbur jetën nga gjarpërinjtë. Një nga këto histori na kujton një portier futbolli që u sulmua nga gjarpërinjtë dhe vdiq.

Ishulli da Queimada Grande

6. Parku Madidi, Bolivi. Në pamje të parë mund të duket si vend i përshtatshëm për të realizuar fotografi të bukura, por në fakt ky vend është shumë i rrezikshëm. Kjo ndodh sepse është shtëpia e bimëve dhe kafshëve më agresive dhe helmuese në planet. Kontakti me çdo bimë në këtë park mund të shkaktojë irritime, marramendje. Ndërsa, çdo prerje apo plagë e vogël mund të infektohet nga parazitët tropikalë.

Parku Madidi, Bolivi

7. Lugina e Vdekjes, Kamçatka, Rusi. Gadishulli Kamçatka, në Lindjen e Largët Ruse, gjithashtu ka Luginën e Vdekjes. Është e vendosur jo shumë larg luginës së famshme të Geysers. Përqendrimet e larta të gazrave toksike që gjenden në këtë zonë përbëjnë një kërcënim serioz për çdo gjë të gjallë: bimët dhe kafshët vdesin shpejt, ndërsa njerëzit fillojnë shpejt të ndihen të sëmurë, kanë ethe, marramendje dhe dridhje.

8.Mbretëria e krokodilëve në Chonburi, Tajlandë. Në këtë vend ku është një fermë krokodilësh, pronari jep një hapësirë të vogël gjysmë të mbyllur për turistët që vijnë për vizitë. Varka në formën e trapit vendoset mbi një fuçi plastike. Njerëzit hyjnë brenda saj dhe mbajnë ushqim për krokodilët si peshqit apo mish viçi. Zvarraniket pastaj hidhen nga uji për të kapur mishin dhe ushqimin e tyre. Ka edhe turistë të cilët e ngacmojnë krokodilin duke nxjerrë trupin para tyre dhe pastaj e tërheqin ndërsa kafshët e uritura zgjaten për t’i kapur./K.C/dritare.net

Kuriozitete

Si ndodhi klonimi i qengjit Dolly?

Shkenca e paraqiti Dollyn si arritjen të vitit.

Publikuar

nga

Shkencëtarët skocezë më 22 shkurt të vitit 1997, njoftuan klonimin e suksesshëm të një qengji, Dolly, me kontributin e tre deleve nëna, një me vezë , tjetra me ADN-në, dhe e treta kishte mbajtur në fetus embrionin e klonuar.

Shkenca e paraqiti Dollyn si arritjen të vitit. Dolly jetoi në Institutin Roslin në Edinburg, Skoci, madje lindi edhe gjashtë qengja.

Dolly u prek nga artriti dhe më 14 shkurt 2003 u vu në gjumë për vdekje për shkak të sëmundjes progresive të mushkërive. Klonimi i gjitarëve (grupim qeniesh ku bën pjesë edhe njeriu) është provuar tejet joefikas. Dolly ishte e vetmja mes 277 përpjekjeve që mbijetoi dhe arriti deri në atë moshë 6 vjeç, edhe pse në vitin 2014 shkencëtarët kinezë raportuan sukses në klonimin e derrave.

Shkencëtarët që klonuan Dollyn, shpallën në vitin 2007 se teknika e përdorur në rastin e Dollyt nuk mund të jetë e efektshme për klonimin e njeriut.

Vazhdo të lexosh

Kuriozitete

Pesë fakte interesante rreth Diellit

Dielli ka një moshë mesatare, astronomët besojnë të jetë formuar 4.59 miliardë vjet më parë. Në pesë miliardë vjet do të hyjë në fazën e Gjigantit të Kuq.

Publikuar

nga

Dielli është afro 25 mijë vite dritë larg nga qendra e galaktikës tonë “Udha e Qumështit”.

Dielli ka një moshë mesatare, astronomët besojnë të jetë formuar 4.59 miliardë vjet më parë. Në pesë miliardë vjet do të hyjë në fazën e Gjigantit të Kuq.

Dielli prodhon një sasi enorme të energjisë për të nxehur sistemin tonë diellor. Çdo sekondë rreth 700 milionë ton të Hidrogjenit shndërrohen në Helium, me procesin kimik të Fusionit Nuklear.

Dielli përbëhet nga 72% hidrogjen dhe 26% helium, dhe disa elemente të tjera në gjurmë. Kjo masë e dendur përbën rreth 99% të tërë masës në sistemin tonë diellor.

Nëse dielli do të shuhej, brenda një jave temperatura e tokës do të bëhej -18  ̊C. Për një vjet do të bëhej -73  ̊C, ndërsa brenda disa milionë viteve do të stabilizohej në -240  ̊C./UBTNews/

 

Vazhdo të lexosh

Kuriozitete

Një nga fenomenet më të mahnitshme të natyrës

Shkaku i kësaj shfaqje të pabesueshme është një proces kimik që ndodhë në ujë.

Publikuar

nga

“Vala luminoze” në Maldive është një nga fenomenet më të mahnitshme të natyrës. Oqeani shndritë me një hije të pastër kaltër dhe gjelbër. Ky fenomen i mahnitshëm njihet si “vala luminoze”.

Shkaku i kësaj shfaqje të pabesueshme është një proces kimik që ndodhë në ujë. Organizmat mikroskopikë, si planktoni dhe bakteret, shkaktojnë një reaksion kimik kur lëvizin në ujë. Këto organizma shkaktojnë një efekt bioluminescent, duke shkaktuar dritë në ujë kur janë të shqetësuar ose të përzier me ujin.

Për vizitorët që kanë fatin të shohin këtë shfaqje të mrekullueshme, ajo ofron një përvojë të pazakontë dhe të mahnitshme. Në këtë spektakël të natyrës, oqeani bëhet si një qiell me yje, duke e bërë atë një destinacion të veçantë për të eksploruar bukuritë dhe misteret e botës nën ujë./UBTNews/

Vazhdo të lexosh

Kuriozitete

Sahara – shkretëtira më e madhe dhe e nxehtë në botë

Studimet thonë se është e vjetër mbi 4 milionë e 600 mijë vjet.

Publikuar

nga

Sahara një shkretëtirë unike në botë, si për nga madhësia e saj ashtu edhe për ekosistemin që është krijuar në të. Ajo llogaritet të jetë 9 milionë e 200 mijë kilometra katrorë, që nënkupton përafërsisht sa sipërfaqja e Kinës.

Shtrihet në dhjetë shtete Algjeri, Çadi, Egjipt, Libi, Mali, Mauritani, Marok, Nigeri, Sudan dhe Tunizi. Studimet thonë se është e vjetër mbi 4 milionë e 600 mijë vjet. Temperaturat shkojnë mbi 55  ̊c, madje në raste edhe më shumë.

Sahara është nje nga shkretëtirat më të thata në botë dhe ka një numër të ulët të rreshjeve vjetore. Rreshjet në këtë shkretëtirë gjithashtu janë të parregullta. Në disa pjesë të shkretëtires dhe kryesisht në pjesën e Libisë,Egjiptit dhe Sudanit ka dekada qe nuk jane parë me rreshje të shumta shiu dhe këto vende mbajnë rekord kryesor për sasinë më të ulët shiu në botë rreth 10 mm shi. Disa herë dhe për shkak të nxehtësise së madhe në shkretëtirë shiu avullon dhe para se të bjeri. Mesatarisht bie shi rreth 10 ose 15 ditë në vite por ka edhe vende në të cilat bie vetëm 5 ditë në vit./UBTNews/

Vazhdo të lexosh

Të kërkuara