Ndoshta do të zgjidhnit rërën e bardhë të një plazhi tropikal. Ndoshta është joshja e qyteteve ikonike kulturore si Parisi, Venecia apo Stambolli. Kudo që të shkoni, disa vende janë thjesht magjepsëse.
Këtu po ua sjellim disa vende ku peizazhet dhe arkitektura janë të përjetshme, pamjet me të drejtë të famshme – dhe romanca për ditën e Shën Valentinit ose çdo kohë të vitit është e garantuar.
Maldivet
Ky është gjithmonë opsioni i parë kur kërkoni për vende romantike. Vizitorët mund të zgjedhin më shumë se 100 resorte. Një nga resortet më të njohura, Soneva Jani ka vila mbi ujë në ishullin e pabanuar të Medhufaru.
Një vend interesant që ia vlen për t’u eksploruar është edhe Patina Maldives. Ka gjithsej 90 vila bashkëkohore dhe 20 studio nga arkitekti i njohur brazilian, Marcio Kogan.
Kebek – Kanada
Është franceze. Është historike. Ka një ambient spektakolar përgjatë dhe mbi lumin madhështor Lawrence. Me fjalë të tjera, Kebek është i rrethuar me dashuri.
Shëtisni në qytetet e njohura dhe zhyteni në hijeshinë e stilit evropian. Në restorantet e shumta ka ushqime që nuk do t’i gjeni as në Francë.
Toskana – Itali
Një vend tjetër romantik është edhe Toskana në Itali. Ka gjëra më romantike sesa veç të ikni në kodrat e Toskanës, por kjo bëhet edhe më tërheqëse kur e shoqëroni me verë të prodhuar në shtëpitë tuaja.
Castello di Ama është në Chianti, që do të thotë se vreshtat e tyre ofrojnë verëra që renditen ndër më të mirat në botë.
Vizitorët mund të zgjedhin një nga pesë suitat luksoze në Villa Ricucci të shekullit të 18-të.
Havai
Havai tashmë njihet si një nga destinacionet më të preferuara për muajin e mjaltit. Peizazhet e jashtëzakonshme, ujëvarat, malet, do t’ju magjepsin. Mësimet e sërfit për çifte ofrohen në një sërë pikash, por pak destinacione janë po aq ikonë sa plazhi Waikiki në Honolulu.
Çarlstoni – Karolinë e Jugut
Çarlston është po ashtu një vend tjetër romantik. Rrugët e çuditshme me kalldrëm, darkat buzë detit dhe shëtitjet me karroca nëpër qendrën historike i mbajnë vizitorët të lidhur me qytetin.
Për adhuruesit e luleve, plantacioni i afërt Magnolia është shtëpia e kopshteve më të vjetra publike të Shteteve të Bashkuara.
Paris – Francë
Parisi qysh moti njihet si një nga vendet më romantike. Padyshim që ka pamje dhe monumente ikonike, sikurse Kulla e Eiffel-it, rrugët e mbushura me artistë të Montmartrit ose galeritë e Luvrit.
Por ia vlen t’i eksploroni edhe vendet më pak të njohura. Musée de la Vie Romantique është një muze që iu dedikua romantikëve të artit, muzikës dhe letërsisë. Ky muze është i pasuruar edhe me një kopsht sekret.
Stamboll – Turqi
Ambienti i bukur i Stambollit të sotëm ka tërhequr njerëzit për shekuj – në fund të fundit, ishte aq tërheqës sa perandori Kostandini i Madh e zhvendosi kryeqytetin e Perandorisë Romake atje në vitin 330 pas Krishtit. Dhe historia dhe romanca kanë vazhduar që atëherë.
Ju mund të eksploroni pazarin e madh fantastik dhe pamjet mahnitëse si Xhamia Blu, Hagia Sophia dhe Pallati Topkapi. Bosfori fantastik, që lidh Evropën me Azinë, është thjesht mahnitës.
Venecia – Itali
Duke udhëtuar nëpër Italinë veriore, Venecia është një qytet mbi ujë që dallohet nga pjesa tjetër e rajonit. Venecia nuk ka kaluar ende nën ujë dhe konsiderohet qyteti më romantik në Itali. Eleganca dhe sharmi i përjetshëm janë me bollëk në një atmosferë magjepsëse./UBTNews
Nga Parisi në Nju Jork: Muze të jashtëzakonshëm që nuk duhen humbur
Pa karbohidrate, pa stres! Ushqimet që ju ndihmojnë të bini në peshë
Ahmeti reagon pas bllokadës në Trafikun Urban
Rusia sulmon me dronë në banesat e Kievit, vritet një person
Rahovec: Vajza e mitur largohet nga shtëpia, raportohet e zhdukur në polici
Leposaviq: Arrestohet një person pasi sulmoi babanë e tij nën ndikim të alkoolit
Dhjetë raste të dhunës në familje raportohen brenda një dite, viktimë gratë
S’ka autobusë – edhe sot qytetarët e Prishtinës përballen me mungesën e transportit publik
Të maskuar, tentimi i dy personave të armatosur për të grabitur automjetin për bartjen e parave
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Lajmet3 months agoProfesori i UBT-së fiton grant prestigjioz kërkimor në Universitetin Çarls të Pragës