Kronikë e zezë

Vdiq personi që ra nga lartësia në Obiliq

Në njoftimin e Policisë së Kosovës bëhet e ditur se viktima nuk ka arritur t’iu bëjë ballë plagëve të marra.

Published

3 years ago

February 6, 2023

Betim Gashi

Ka vdekur një person i cili para 10 ditësh ra nga një lartësi në Shkabaj të Obiliqit.

Në njoftimin e Policisë së Kosovës bëhet e ditur se viktima nuk ka arritur t’iu bëjë ballë plagëve të marra.

“Me datën 28.12.2022, në stacionin policor të Obiliqit, është iniciuar një rast vdekje e dyshimtë. Rasti ka ndodhur në fshatin Shkabaj, ku një person dyshohet se ka rënë nga një lartësi dhe ka pësuar lëndime. Viktima mashkull, nuk ka arritur të përballojë plagët dhe i njëjti ka ndërruar jetë. Vdekjen e viktimës e ka konstatuar ekipi mjekësor në vendngjarje”, thuhet në njoftim.

Bëhet e ditur se rasti po hetohet nga njësitet kompetente në koordinim me prokurorinë dhe Inspektoratin e Punës

Related Topics:Policia e Kosoves Obiliq Shkabaj

Up Next

Dy raste të dhunës në familje u shënuan në Gjakovë

Don't Miss

Obiliq, një burrë arrestohet për ngacmim

Lajmet

Accident tragjik në Vragoli: Humb jetën këmbësori, lëndohen dy të tjerë

Published

10 hours ago

July 24, 2026

UBTNews

Një person ka humbur jetën dhe dy të tjerë kanë mbetur të lënduar si pasojë e një aksidenti të rëndë trafiku që ka ndodhur në orët e para të mëngjesit të sotëm në rrugën nacionale Prishtinë–Pejë, përkatësisht në fshatin Vragoli.

Siç raporton Ekonomia Online, ngjarja ka ndodhur rreth orës 03:00, kur një veturë ka goditur për morto një këmbësor.

Rastin e ka konfirmuar zëdhënësja e Policisë së Kosovës, Luljeta Mehmeti, e cila bëri të ditur se në vendngjarje kanë dalë menjëherë njësitë relevante dhe ekipe mjekësore, të cilat kanë konfirmuar vdekjen e viktimës.

“Si pasojë e aksidentit, lëndime po ashtu kanë marrë i dyshuari, vozitësi i veturës, si dhe një pasagjer”, ka deklaruar Mehmeti.

Lidhur me rastin është njoftuar prokurori kompetent, me urdhër të të cilit trupi i pajetë i viktimës është dërguar në Institutin e Mjekësisë Ligjore për obduksion. Ndërkohë, njësitet policore kanë nisur hetimet për zbardhjen e plotë të rrethanave të këtij aksidenti tragjik. /Ekonomia online/

Lajmet

Raporti i Policisë për vetaksidentin me motoçikletë në Malishevë

Published

12 hours ago

July 24, 2026

UBTNews

Një aksident me pasojë fatale ka ndodhur pasditën e së enjtes në Malishevë, ku ka humbur jetën një person.

Sipas raportit 24-orësh të Policisë së Kosovës, ngjarja ka ndodhur më 23 korrik 2026, rreth orës 15:40.

Drejtuesi i motoçikletës, burrë, dyshohet se nga pakujdesia ka shkaktuar vetaksident.

Si pasojë e lëndimeve të rënda të marra në aksident, ai ka ndërruar jetë.

Me vendim të prokurorit kujdestar, trupi i pajetë i viktimës është dërguar në Institutin e Mjekësisë Ligjore (IML) për t’iu nënshtruar obduksionit. Policia po vazhdon hetimet për zbardhjen e plotë të rrethanave të ngjarjes. /E.A/

Lajmet

Plagosje me armë pas një mosmarrëveshjeje në Vushtrri, pesë të arrestuar

Published

12 hours ago

July 24, 2026

UBTNews

Një person është plagosur me armë zjarri, ndërsa një tjetër ka pësuar lëndime trupore gjatë një mosmarrëveshjeje mes disa personave në Vushtrri.

Sipas Policisë së Kosovës, në incident dyshohet se janë përfshirë gjashtë persona. Viktimat janë dërguar për trajtim mjekësor, ndërsa në vendin e ngjarjes policia ka sekuestruar tri gëzhoja.

Gjatë veprimeve hetimore është sekuestruar edhe një pistoletë me katër fishekë. Policia ka arrestuar pesë të dyshuar, ndërsa një tjetër ndodhet në kërkim.

Me vendim të prokurorit, pas intervistimit, katër të dyshuar janë liruar në procedurë të rregullt, ndërsa njëri është dërguar në mbajtje.

D.L

Lajmet

Katër raste të dhunës në familje brenda një dite në Kosovë

Published

12 hours ago

July 24, 2026

UBTNews

Policia e Kosovës ka raportuar katër raste të dhunës në familje të regjistruara gjatë 23 korrikut në Prishtinë, Pejë dhe Mitrovicën e Jugut.

Në Prishtinë janë evidentuar dy raste. Në rastin e parë, një burrë u shoqërua në stacionin policor nën dyshimin se kishte sulmuar fizikisht një grua dhe kishte dëmtuar disa gjësende në një lokal. Ndërsa në rastin e dytë, dy burra u arrestuan pasi dyshohet se ishin përfshirë në një përleshje fizike me njëri-tjetrin. Në të dyja rastet, pas intervistimit dhe me vendim të prokurorit, palët janë liruar, ndërsa rastet janë proceduar në procedurë të rregullt.

Në Pejë, policia arrestoi një grua të dyshuar se kishte ushtruar dhunë fizike ndaj një gruaje tjetër. Viktimës i është ofruar trajtim mjekësor, ndërsa pas intervistimit të palëve dhe në konsultim me prokurorin, e dyshuara është liruar dhe rasti vazhdon në procedurë të rregullt.

Ndërkaq, në Mitrovicën e Jugut është arrestuar një burrë nën dyshimin se kishte ushtruar dhunë psikike ndaj një burri. Edhe në këtë rast, pas intervistimit dhe me vendim të prokurorit, palët janë liruar, ndërsa rasti do të trajtohet në procedurë të rregullt.

Policia e Kosovës njoftoi se të gjitha rastet janë duke u hetuar në koordinim me prokuroritë kompetente.

D.L