Një gjykatë federale ka hedhur poshtë shumicën e akuzave në padinë për ngacmim seksual që Blake Lively ngriti kundër Justin Baldonit, duke lënë në fuqi vetëm tre akuza: shkelje kontrate, hakmarrje dhe ndihmë në hakmarrje. Këto çështje do të shkojnë në gjyq civil më 18 maj në Nju Jork.

Lively kishte paditur Baldonin dhe studio-n e tij, Wayfarer, duke e akuzuar për ngacmim në set dhe një fushatë për të dëmtuar reputacionin e saj, ndërsa Baldoni mohoi akuzat dhe ngriti kundërpadinë e tij. Gjykatësi Liman hodhi poshtë padinë për ngacmim dhe shpifje, duke përmendur teknikalitete ligjore dhe faktin se disa veprime ndodhën jashtë juridiksionit të Kalifornisë, ndërsa disa akuza për hakmarrje u konsideruan të denja për gjyq.

Rasti ka të bëjë me xhirimet e filmit It Ends With Us, ku Lively luan rolin kryesor, dhe ka përfshirë akuza për manipulim në media dhe sulme ndaj reputacionit. Baldoni kishte ngritur gjithashtu çështje për shpifje ndaj Lively dhe bashkëpunëtorëve të saj, por gjykatësi i hodhi poshtë këto akuza vitin e kaluar.

Michael Jackson vazhdon të mbetet një nga figurat më fitimprurëse të industrisë muzikore, edhe më shumë se një dekadë pas ndarjes nga jeta në vitin 2009.

Trashëgimia e tij jo vetëm që nuk është zbehur, por përkundrazi vijon të gjenerojë të ardhura të jashtëzakonshme në tregun global të argëtimit. Sipas të dhënave të fundit, pasuria e tij ka sjellë mbi 3.5 miliardë dollarë që nga vdekja.

Vetëm gjatë vitit 2025, ai është renditur sërish si personazhi i ndjerë me të ardhurat më të larta në botë, duke gjeneruar rreth 105 milionë dollarë.

Një pjesë e madhe e këtyre të ardhurave vjen nga dëgjimet në platformat e streaming, ku këngët e tij vazhdojnë të dëgjohen nga miliona fansa në mbarë botën. Albumet dhe hitet e tij ikonike mbeten të pranishme në listat më të dëgjuara, duke dëshmuar ndikimin e tij të pandryshueshëm në muzikë.

Në të njëjtën kohë, një rol të rëndësishëm luan edhe katalogu i tij muzikor, i konsideruar ndër më të vlefshmit në histori. Projekte si “MJ: The Musical” kanë rikthyer në vëmendje jetën dhe karrierën e tij, duke tërhequr interes të madh nga publiku dhe duke gjeneruar të ardhura të konsiderueshme.

Edhe pas shumë vitesh, “Mbreti i Pop-it” vazhdon të dominojë industrinë dhe të mbetet një ikonë globale e padiskutueshme.

Aktorja e njohur Zendaya ka deklaruar se ajo dhe partneri i saj, Tom Holland, nuk kanë ndërmend të konfirmojnë apo të mohojnë spekulimet për martesë, pavarësisht interesimit të vazhdueshëm publik.

Thashethemet për një martesë të mundshme nisën muajin e kaluar, pasi stilisti Law Roach pretendoi se çifti ishte martuar në fshehtësi. Megjithatë, dy yjet e filmit “Spider-Man” nuk kanë dhënë asnjë reagim të drejtpërdrejtë lidhur me këto pretendime.

Në një intervistë për podcastin “Modern Love” të The New York Times, Zendaya ka theksuar se zgjedh të mbajë disa aspekte të jetës personale larg vëmendjes publike.

“Ndjej që publiku ka krijuar një lloj afërsie emocionale me jetën time personale. E di që jam figurë publike dhe ai gjithashtu, dhe jemi rritur para syve të publikut, madje kemi luajtur në filma ku dashurohemi. E kuptoj këtë dhe nuk dua ta mohoj me qëndrime si ‘qëndroni larg jetës sime’”, është shprehur ajo.

Aktorja ka shtuar se, pavarësisht famës, mbetet një person mjaft privat.

“Në shumë mënyra jam shumë private dhe përpiqem të kem disa gjëra vetëm për veten dhe për të”, ka thënë ajo.

Ylli i serialit “Euphoria” ka nënvizuar se qëllimi i tyre nuk është të fshihen nga publiku, por të ruajnë intimitetin e marrëdhënies.

“Nuk po përpiqemi të fshihemi nga bota, por të ruajmë disa gjëra për veten tonë, që të mbajmë atë lumturi brenda rrethit tonë, me familjen dhe njerëzit e afërt”, ka deklaruar ajo.

Zendaya ka pranuar gjithashtu se vendos kufij të qartë për atë që zgjedh të ndajë me publikun.

“I dëgjoj këto gjëra, por kam edhe kufijtë e mi për atë që dua të flas dhe çfarë jam e gatshme të ndaj”, ka shtuar ajo.

Së fundmi, ajo iu shmang sërish pyetjeve për martesë në një intervistë tjetër, duke u përgjigjur me humor: “Nuk e di, kjo është puna e sekreteve, apo jo?”.

Sipas raportimeve, çifti është fejuar në fund të vitit 2024, pas disa vitesh lidhjeje. Ishte pikërisht Law Roach ai që rindezi debatet, duke deklaruar për Access Hollywood se “dasma ka ndodhur tashmë”.

Nga ana tjetër, Holland ka theksuar më herët se marrëdhënia e tyre është diçka që e mbrojnë me kujdes.

“Marrëdhënia jonë është diçka që e mbrojmë shumë dhe duam ta mbajmë sa më të shenjtë. Nuk i detyrohemi askujt shpjegime; është çështja jonë dhe nuk ka lidhje me karrierat tona”, ka thënë ai.

Action Bronson sfidon kryebashkiakun e New Yorkut të flasë shqip në episodin e ri të “F*ck, That’s Delicious”

Reperi me origjinë shqiptare dhe me famë botërore, Action Bronson, solli një moment të veçantë në episodin më të fundit të serisë së tij në YouTube, “F*ck, That’s Delicious”, ku i ftuar ishte kryebashkiaku i New Yorkut, Zohran Mamdani.

Gjatë bisedës, Bronson e sfidon Mamdani-n të thotë një frazë në shqip, duke krijuar një nga momentet më të komentuar të episodit. Në videon që po qarkullon gjerësisht në rrjetet sociale, kryebashkiaku dëgjohet duke thënë: “Ju bëftë mirë”, sipas udhëzimeve të reperit shqiptar.

Episodi është vlerësuar si një ndër më të veçantët e serisë, duke kombinuar ushqimin, kulturën dhe humorin. Momenti në gjuhën shqipe ka tërhequr vëmendje të veçantë nga publiku shqiptar online, duke krijuar reagime pozitive dhe diskutime të shumta në rrjetet sociale.