Kronika e zezë

Vdekja e pjesëtares së policisë në Gjilan, dalin detajet e para

Pranë trupit të pajetë, ekipet hetuese kanë gjetur edhe një armë zjarri.

Published

3 years ago

November 14, 2021

Betim Gashi

Një zyrtare policore rreth moshës 50-vjeçare është gjetur e vdekur pasditen e sotme në varrezat e qytetit në Gjilan.

Pranë trupit të pajetë, ekipet hetuese kanë gjetur edhe një armë zjarri. Ky rast është cilësuar si vdekje e dyshimtë, ku trupi i së ndjerës është dërguar për obduksion në Institutin e Mjekësisë Ligjore.

Nga vendi i ngjarjes, zëdhënësi i Policisë në Rajonin e Gjilanit, Ismet Hashani tha se ky rast ka ndodhur rreth orës 16:00.

“Diku rreth orës 16:00, Policia e Kosovës në Gjilan është njoftuar për këtë rast. Njësitet Policore me urgjencë kanë dalë në vendin e ngjarjes. Është thirrur mjeku kujdestar që fatkeqësisht vetëm e ka konstatuar vdekjen e një personi femër që më vonë u vërtetua se është pjesëtare e Policisë së Kosovës. Dhe është thirrur prokurori i shtetit”, ka thënë Hashani.

Shefi i hetimeve rajonale, nënkolonel Remzi Azemi theksoi se kanë njoftuar familjarët e të ndjerës, ku edhe Policia do të qëndrojë pranë tyre.

“Mund ta konfirmoj që zyrtarja në fjalë ka qenë në marrëdhënie të rregullta pune dhe ka punuar pranë Drejtorisë Regjionale në Gjilan… Ende ne jemi në vendin e ngjarjes, jemi në fazën e parë të hetimeve. Trupi është gjetur i pajetë dhe mund të konfirmojmë se në afërsi të saj është gjetur një armë zjarr. Prokurori për Krime të Rënda në bashkëpunim me Policinë e Kosovës, njësitë e Hetimeve Rajonale rastin jemi duke e trajtuar si vdekje e dyshuar. Të gjitha veprimet hetimore nga ana e prokurorit, forensikës janë marrë në vendi e ngjarjes. Dhe trupi i pajetë me urdhër të prokurorit është transportuar në Institutin e Mjekësisë Ligjore ku do të kryhet obduksioni me trupin e saj”, ka thënë ai.

Derisa është pyetur se a ka qenë e ndjera në orar të punës, Azemi theksoi se ka qenë në marrëdhënie të rregullta të punës në Policinë e Kosovës.

Kronika e zezë

Arrestohen tre persona për fajde në Prizren

Published

2 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

2 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

2 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

2 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.