Lajmet

Vazhdon të rritet numri i refugjatëve dhe azilkërkuesve në Evropë

Publikuar

2 javë më parë

më

Në vitin 2023 është rritur sërish numri i refugjatëve dhe azilërkuesve, kjo për shkak të lufta dhe krizave në vende të tjera të Evropës, konfirmoi Agjencia e OKB-së për refugjatë. Ndërkaq në vende të ndryshme rreth botës po shtrëngohen masat e sigurisë pas shqetësimeve mbi rritjen e emigracionit të paligjshëm.

Koalicioni qeveritar në Gjermani javën e kaluar u pajtua për të shtrënguar masat e sigurisë pas një sulmi me thikë nga i ashtuquajturi Shteti Islamik. Sulmi në Solingen, ku tre persona u vranë dhe tetë të tjerë u plagosën gjatë përvjetorit të 650-të të festivalit, ka nxitur tensione politike mbi azilin dhe politikat e dëbimit.

Partia e ekstremit të djathtë kundër imigracionit Alternativa për Gjermaninë (AfD), e cila e ka kthyer incidentin në një shtyllë të fushatës së saj, fitoi një të tretën e votave në Turingia dhe Saksoni, dy shtete gjermane lindore, të dielën e kaluar.

Sulmet e fundit kanë shtyrë Gjermaninë të ndryshojë politikën e saj të azilit dhe të dëbojë emigrantët nga Afganistani për herë të parë.

Vitet e fundit, Evropa pati rritje të numrit të refugjatëve të cilët erdhën nga Ukraina, Siria dhe Afganistani.

Pushtimi i plotë i Rusisë në Ukrainë në fillim të vitit 2022 nxiti zhvendosje masive në Evropë. Të dhënat e agjencisë së refugjatëve të UNHCR-së tregojnë se deri në fund të vitit të kaluar, si pasojë e luftës janë zhvendosur 3.7 milionë njerëz brenda vendit dhe 6.3 milionë refugjatë dhe azilkërkues u detyruan të kërkojnë mbrojtje jashtë vendit, gati 6 milionë prej tyre në Evropë.

Sirianët dhe afganët vazhdojnë të jenë dy grupet më të mëdha të azilkërkuesve, siç kanë qenë prej disa vitesh, sipas të dhënave, duke paraqitur përkatësisht 209,000 dhe 155,000 kërkesa deri në fund të vitit 2023.

Vetëm Gjermania ka pasur një numër të konsiderueshëm kërkesash për azil, me 117,363 nga sirianë dhe 61,000 nga afganët deri në fund të vitit të kaluar.

Vndet bregdetare të zonës Shengen që kufizohen me shtetet joanëtare të BE-së kanë qenë porti kryesor i hyrjes për refugjatët dhe migrantët – një tendencë e vazhdueshme që nga kriza e migrantëve e vitit 2015 në Evropë.

Raportet për kundërvajtje të dhunshme dhe shkelje të tjera të të drejtave të njeriut kundër policisë kufitare dhe agjencisë së kontrollit kufitar të BE-së, Frontex, kanë ngjallur kritika nga OJQ-të në të gjithë Evropën. Megjithatë disa vende anëtare të Bashkimit Evropian kanë shtuar kontrollin, derisa të tjerat po mendojnë për transferimin e disa prej azilkërkuesve në vende të treta./UBTNews/

Etiketa
Vazhdo të lexosh

Lajmet

Kompania “Lidl” regjistron një përfaqësi në Kosovë

Publikuar

6 orë më parë

më

18 Shtator, 2024

nga

Në ditët e fundit, Kosova është përfshirë nga një valë spekulimesh lidhur me praninë e rrjetit të marketeve “Lidl” në vend. Pas paralajmërimeve të bëra në prill të këtij viti për hapjen e dyqanit të parë në Kosovë, situata ka krijuar konfuzion, duke sjellë edhe raporte të pavërteta për tërheqjen e kompanisë nga plani i saj për të investuar në tregun kosovar.

Megjithatë, “Lidl” ka reaguar ndaj këtyre spekulimeve në një përgjigje për Zëri.info, duke konfirmuar se janë të vetëdijshëm për informatat që qarkullojnë rreth tyre dhe se po vazhdojnë të analizojnë kushtet e tregut. Ajo që është e rëndësishme është se kompania ka regjistruar një përfaqësi në Kosovë, e cila është një hap i rëndësishëm drejt hapjes së dyqaneve në të ardhmen.

“Është e saktë që aktualisht jemi duke analizuar tregun në Kosovë dhe se është regjistruar një përfaqësi. Ju lutemi kuptoni se ne nuk mund të bëjmë deklarata konkrete në lidhje me vendndodhjet e mundshme të dyqaneve ose datat e hapjes në këtë moment,” citohet nga përgjigja e “Lidl”.

Kujtojmë se gjatë vitit 2022, një delegacion i “Lidl” vizitoi Kosovën, ku ministrja e Tregtisë dhe Industrisë propozoi tri lokacione si të përshtatshme për investim. Megjithatë, deri tani nuk ka pasur asnjë hapje dyqani, duke sugjeruar se analiza e tregut vazhdon.

“Lidl” GmbH & Co KG është një zinxhir ndërkombëtar gjerman i shitjeve me pakicë që operon mbi 11,000 dyqane në të gjithë Evropën dhe Shtetet e Bashkuara. Prania e saj në Kosovë pritet të sjellë konkurrencë dhe mundësi të reja për konsumatorët, si dhe përmirësim në ofertën e produkteve dhe shërbimeve.

Tani më shumë se kurrë, të gjithë sytë janë kthyer nga “Lidl”, duke pritur me padurim zhvillimet e ardhshme që do të sjellin në tregun kosovar./UBTNews/

Vazhdo të lexosh

Lajmet

Dështon votimi i buxhetit të Komunës së Prishtinës për vitin 2025, Rama: PDK-ja e VV-ja e bojkotuan vullnetin e qytetarëve

Publikuar

6 orë më parë

më

18 Shtator, 2024

nga

Sot është mbajtur mbledhja e Kuvendi Komunal të Prishtinës ku nuk u miratua buxheti për vitin 2025, për shkak të mungesës së kuorumit.

Asamblistët e Lëvizjes Vetëvendosje dhe Partisë Demokratike të Kosovës janë larguar nga seanca, dhe për këtë ka reaguar kryetari i Komunës së Prishtinës, Përparim Rama, duke thënë se PDK-ja e VV-ja po bojkotojnë vullnetin e qytetarëve.

Përmes një reagimi në Facebook, Rama ka thënë se ky buxhetit është hartuar në bazë të nevojave e kërkesave të qytetarëve.

“Sot mbajtëm seancën për miratimin e buxhetit të Kryeqytetit për vitin 2025. Buxheti nuk u miratua në mungesë të kuorumit për shkak të lëshimit të sallës nga asamblistët e PDK-së dhe më pas atyre të Vetëvendosjes. Buxheti i vitit 2025 është i hartuar me profesionalizëm dhe në bazë të nevojave e kërkesave të qytetarëve tanë. Prandaj, lëshimi i sallës në seancën e buxhetit nga PDK dhe VV është bojkotim i vullnetit të qytetarëve. Përkundër përpjekjeve të njëpasnjëshme për bllokim të punëve të mira në Kryeqytet ne nuk do të ndalemi së punuari për të mirën e të gjithë qytetarëve pa dallim”, ka shkruar Rama në Facebook.

Vazhdo të lexosh

Lajmet

Gashi për takimin në Bruksel: U kuptua që Serbia kërkoi ndryshimin e kufijve në veri, kjo është e papranueshme

Publikuar

6 orë më parë

më

18 Shtator, 2024

nga

Deputeti i Lidhjes Demokratike të Kosovës, Arben Gashi, ka komentuar takimin e djeshëm në Bruksel të zëvendëskryeministrit Besnik Bislimi me emisarin e BE-së për dialog, Miroslav Lajçak, duke thënë se u bë e qartë që gjatë takimit Serbia ka kërkuar ndryshimin e kufijve të Mitrovicës.

Përmes një postimi në Facebook, Gashi ka thënë se e një gjë e tillë është e papranueshme.

“Nga takimi i zëvendëskryeministrit Besnik Bislimi me përfaqësuesin e Serbisë në Bruksel, u kuptua se Serbia, ndër të tjera, po kërkon ndryshimin e kufijve të Mitrovicës Veriore. Kjo kërkesë është e papranueshme, pasi kufijtë e komunave janë tashmë të vendosur dhe ndryshimi i tyre paraqet rrezik për sigurinë dhe stabilitetin”, ka shkruar Gashi.

Tutje, deputeti ka thënë se çdo ndryshim i kufijve komunal, do të shkelte propozimin gjithëpërfshirës të Pakos së Ahtisaarit.

Vazhdo të lexosh

Lajmet

Jep dorëheqje drejtori ekzekutiv i AKP-së

Publikuar

6 orë më parë

më

18 Shtator, 2024

nga

AKP njofton se në mbledhjen e Bordit të kësaj Agjencie, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare.

Në mbledhjen e sotme Bordi i Drejtorëve të Agjencisë Kosovare të Privatizimit diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit.

“Bordi i Drejtorëve të Agjencisë Kosovare të Privatizimit mbajti mbledhjen e rregullt me ç‘rast diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit. Gjatë kësaj mbledhje, Bordi i Drejtorëve i shqyrtoi dhe i miratoi 31 rastet rekomanduese nga Divizioni i Shitjes Direkte (17 aprovime dhe 14 refuzime). Gjatë kësaj mbledhje, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare”, thuhet në njoftim.

Në qershor të vitit 2022, Arben Limani ishte zgjedhur drejtor menaxhues i Agjencisë Kosovare të Privatizimit (AKP).

Vazhdo të lexosh

Të kërkuara