Sport

Vazhdon pasiguria rreth gjendjes shëndetësore të Sergio Agüeros

Aguero, në Spanjë janë të sigurtë: së shpejti do të njoftojë tërheqjen, por Xavi e mohon.

Published

3 years ago

November 22, 2021

Betim Gashi

Pasiguria vazhdon të mbretërojë rreth gjendjes shëndetësore të Sergio Agüeros. Të shtunën gazetari dhe miku i Kun, Gerard Romero, i kishte befasuar të gjithë duke bërë të ditur se argjentinasi së shpejti do të komunikonte vendimin e tij për t’u tërhequr nga futbolli për shkak të aritmisë malinje që ishte konstatuar javët e fundit. Romero madje kishte folur për një konferencë lamtumire për shtyp të planifikuar për javën e ardhshme. Por më pas ka ardhur mohimi i trajnerit të Barcelonës, Xavi: “Kam folur me të, ky informacion nuk është i vërtetë”.

Nëse nga njëra anë disa të dhëna e japin me siguri fundin e karrierës së Agüeros, nga ana tjetër burime zyrtare sigurojnë se ish-sulmuesi i Manchester City do të bëjë gjithçka për të vazhduar të luajë: “Do të përpiqemi ta bëjmë atë të kapërcejë problemin që kishte, në mënyrë që ai të mund të vazhdojë të luajë futboll – ishin fjalët e trajnerit të tij pas fitores kundër Espanyol – Ai është i qetë. I thashë se mund të kthehet kur të ndihet më mirë, por është një çështje mjekësore”.

Për të konfirmuar se sulmuesi nuk ka marrë ende ndonjë vendim për të ardhmen e tij, ka menduar zëvendëspresidenti i Barcelonës, Rafa Yuste: “Atij do t’i duhen tre muaj për të parë se si do të evoluojë anomalia”. Argjentinasit iu desh të ndalonte gjatë ndeshjes së kampionatit me Alaves pasi pësoi dhimbje gjoksi dhe vështirësi në frymëmarrje. Pas disa ditësh vëzhgimi në spital, lojtari më pas u diagnostikua me një aritmi dhe klubi njoftoi se ai do të ishte jashtë për të paktën tre muaj për të vlerësuar evoluimin e shëndetit të tij dhe, për rrjedhojë, një rikthim të mundshëm në fushë.

Lajmet

Superliga e Kosovës: Ballkani barazon 1-1 me Feronikelin

Published

23 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

1 day ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

1 day ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.