Lajmet

Vazhdon e rritet interesimi i qytetarëve në Preshevë e Bujanoc për vaksinim kundër COVID-19

Publikuar

Janë bërë tre muaj që prej kur ka filluar vaksinimi i qytetarëve kundër pandemisë COVID-19 në tërë territorin e Republikës së Serbisë, duke përfshirë edhe dy komunat në jug të saj, që përbëhen me shumicë nga popullsia shqiptare, Preshevën dhe Bujanocin.

Fillimisht nga 8 deri me 28 janar, janë vaksinuar personat mbi moshën 65-vjeçare dhe stafi mjekësor, ndërsa nga 28 janari ka filluar vaksinimi masiv. Sipas, drejtorit të Shtëpisë së Shëndetit në Preshevë, Driton Salihu, kjo komunë bënë pjesë në mesin e pesë komunave me numrin më të lartë të të vaksinuarve në Serbi, të personave mbi moshën 65-vjeçare.

“Ecuria dhe numri i të vaksinuarve në Komunën e Preshevës pothuajse është i ngjashëm me Komunën e Bujanocit, derisa në Preshevë janë dhënë 6 mijë e 500 doza, në Bujanoc janë̈ dhënë 5 mijë e 990 doza. Komuna e Preshevës është në top pesë komunat në tërë Serbinë̈ për numrin e të vaksinuarve për persona me moshë mbi 65 vjeç”, ka thënë Salihu.

Nga 6 mijë e 500 dozat e dhëna në Preshevë, 4 mijë e 173 persona kanë marrë vetëm dozën e parë të vaksinës, ndërsa 2 mijë e 312 të tjerë, kanë marrë edhe dozën e dytë. Salihu ka thënë se interesimi i qytetarëve preshevarë ka filluar të rritet, sidomos pas informatave se me vaksinim mund të udhëtohet më lehtë në shtetet e Evropës.

“Jemi optimist që brenda dy muajve do të krijojmë imunitet kolektiv, që do të na lirojë nga kjo situatë e rënduar psikologjike, shëndetësore dhe ekonomike”, është shprehur Salihu.

Sa i përket Komunës së Bujanocit, doktoresha në Shtëpinë e Shëndetit, Afërdita Mustafa ka treguar se qytetarët janë duke iu përgjigjur në numër të madh interesimit për t’u vaksinuar.

“Interesimi i qytetarëve është i madh për t’u vaksinuar. Ne deri më sot, i kemi pasur katër lloje të vaksinave: Pfizer, AstraZeneca, Sinofarm (kineze) dhe Sputnik (ruse). Interesimi i shqiptarëve është më i madh për Pfizer, ndërsa i nacionaliteve tjera për Sinofarm dhe Sputnik”, ka deklaruar Mustafa.

Sipas të dhënave nga Shtëpia e Shëndetit, në këtë komunë janë vaksinuar 5 mijë e 990 persona, 3 mijë e 622 prej tyre kanë marrë vetëm dozën e parë të vaksinës, ndërsa 2 mijë e 368 kanë pranuar edhe dozën e dytë.

Sipas të dhënave nga Ministria e Shëndetësisë, Serbia deri më sot ka arritur të vaksinojë mbi 2 milionë persona me dozën e parë të vaksinës, ndërsa mbi 1 milion kanë marrë edhe dozën e dytë. Është ndër shtetet me më së shumti qytetar të vaksinuar kundër virusit korona në Evropë dhe në botë për kokë banori. Duke iu referuar medieve nga Beogradi, ato bëjnë të ditur se nëpër pika të kryeqytetit të Serbisë, Beograd, ka filluar edhe vaksinimi i qytetarëve të huaj, të cilët vijnë nga Bosnja dhe Hercegovina, Maqedonia e Veriut si dhe Shqipëria. Në javën e kaluar kryeministrja, Ana Bërnabiq, është ndjerë krenare me prezencën e disa stjuardesave të një kompanie shqiptare në Beograd që kishin interesim për t’u vaksinuar.

“Pamja më simpatike ishte kur stjuardesat me uniforma të linjës ajrore shqiptare erdhën në Beograd për vaksinim”, ka deklaruar Bërnabiq, citojnë mediet serbe.

Nga fillimi i pandemisë COVID-19 deri më sot, sipas të dhënave nga Shtëpia e Shëndetit në Preshevë, janë regjistruar 1 mijë e 268 raste pozitive, ndërsa në Bujanoc 2 mijë e 332 raste. Përderisa numri i të vdekurve i personave të prekur edhe me këtë virus nuk dihet në përgjithësi, për shkak që Spitalet rajonale nuk u japin raporte Shtëpive të Shëndetit në Preshevë dhe Bujanoc. Sipas një statistike të dhënë nga Spitali i Vranjës, nga fillimi i pandemisë kanë vdekur 50 persona, 26 nga Bujanoci dhe 24 nga Presheva./UBTNews

(Autor i tekstit është Driton Hyseni, student i Fakultetit Media dhe Komunikim në UBT)

Vazhdo të lexosh

Lajmet

Drama Kurti-Rama, probleme të protagonizmit personal të dy kryeministrave

Publikuar

nga

Ditët e fundit u vërshuan me reagime raportet ‘e ngurta’ mes kryeministrit të Kosovës, Albin Kurti dhe kryeministrit të Shqipërisë, Edi Rama. Ky i fundit qëndroi për vizitë në Kosovë më 10 qershor në shënimin e 25-vjetorit të Çlirimit të Kosovës, porse në agjendën e tij nuk kishte takim të planifikuar me homologun e tij nga Kosova.

Mospajtimet e dy udhëheqësve politikë nisën që nga 7 korriku i vitit të kaluar, kur Rama kishte anuluar pjesëmarrjen e kabinetit të tij në mbledhjem e përbashkët të dy qeverive.

Megjithatë analistja politike, Afërdita Maliqi në një prononcim për UBTNews tha se brishtësia e raporteve mes kryeministrave shqiptarë e ka zanafillën që nga fillimi i qeverisjes së Kurtit.

“Problemet mes dy kryeministrave nuk është që janë sotshme, datojnë pothuajse qëkur ka ardhur kryeministri Kurti në pushtet. Nëse ju kujtohet kryeministri Kurti pati konkuruar në zgjedhjet në Shqipëri dhe kishte shkuar me votu atje dhe prej aty kanë filluar ato ndërstramcat mes të dy kryeministrave. Kryeministri Rama e ka thumbuar ndonjëherë kur ju ka thënë mundësia, ndërkaq kryeministri Kurti ka dëshiruar të jetë ai lideri i të gjithë shqiptarëve në Ballkan për të cilën nuk ka pranuar kryeministri Rama”, deklaroi Maliqi.

Vlerëson se mospajtimet rrjedhin si pasojë e protagonizmit personal të dy kryeministrave.

“Nga ana e kryeministrit Kurti protagonizmin me qenë lider i Ballkanit për shkak se është përzier në zgjedhjet në Shqipëri, ëshët përzier në zgjedhjet në Luginë të Preshevës, është përzier në zgjedhejet në Maqedoninë e Veriut, d.m.th kur në Kosovë vlojnë problemet ne e shohim kryeministrin duke u marr pjesë nëpër fushata dhe duke u mbështetur në parti të caktuara”, shtoi ajo.

“Në këtë pikë problemet mes dy kryeministrave i shoh më shumë probleme personale dhe probleme të protagonizmit personal të tyre”, thotë ajo.

Gjatë vizitës së tij në Kosovë, Rama u takua me të parën e shtetit, Vjosa Osmanin. Ai mori pjesë edhe në një konferencë ndërkombëtare për ish-presidentin Ibrahim Rugova të organizuar nga Lidhja Demokratike e Kosovës./UBTNews/

Teksti: Dea Berisha

Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Të kërkuara