Teknologji

Vazhdojnë të bien aksionet e Tesla-s

Aksionet e prodhuesit të automjeteve elektrike dhe paneleve diellore ranë më shumë se 12%.

Publikuar

Aksionet e Tesla ranë të martën në ditën e parë të plotë të tregtimit qëkur kompania njoftoi numrat e dorëzimit të vitit 2022 që nuk arritën objektivat.

Aksionet e prodhuesit të automjeteve elektrike dhe paneleve diellore ranë më shumë se 12% për t’u mbyllur në 108,10 dollarë – niveli më i ulët që nga gushti i vitit 2020. Aksionet kanë rënë nën 70% që nga fillimi i vitit të kaluar, duke ulur afërsisht 700 miliardë dollarë nga vlera e Teslës si kompani publike.

Tesla njoftoi të hënën se vitin e kaluar shiti një rekord prej 1.3 milion automjetesh. Megjithatë shifra është më e ulët sesa premtimi i CEO-s, Elon Musk për të rritur dërgesat me 50% pothuajse çdo vit./UBTNews/

Lajmet

Diskutim në UBT me Minstrin e Mbrojtjes, Maqedonci: Përafrimi i Kosovës me NATO-n, Nisma për Sigurinë dhe Zhvillimi i Industrisë së Mbrojtjes

Publikuar

nga

Ministri i Mbrojtjes së Republikës së Kosovës, Ejup Maqedonci, u përball me një diskutim të hapur me studentët e UBT-së. Organizuar nga Fakulteti i Studimeve të Sigurisë dhe Fakulteti i Shkencave Politike në UBT, ky event solli një platformë të rëndësishme për të diskutuar çështje të rëndësishme të sigurisë dhe politikës.

Maqedonci prezantoi vizionin dhe strategjinë e Ministrisë së Mbrojtjes, duke adresuar sfidat aktuale dhe objektivat për të ardhmen. Diskutimi u fokusua në çështje të ndryshme, duke përfshirë sigurinë kombëtare, bashkëpunimin rajonal dhe ndërkomunikimin me institucionet e tjera vendore dhe ndërkombëtare.

Studentët kishin mundësinë të bënin pyetje dhe të shprehnin shqetësime në lidhje me politikat dhe strategjitë e qeverisë në fushën e mbrojtjes.

Ejup Maqedonci, Ministri i Mbrojtjes së Republikës së Kosovës, ka paraqitur një serë deklaratash të rëndësishme në diskutimin e tij me studentët e UBT-së. Ai nënvizoi thellësisht rrezikun dhe kërcënimet aktuale, duke theksuar nevojën për të zhvilluar kapacitetet dhe baza të reja për të përballuar sfidat.

Në një deklaratë, ai bëri të ditur se janë miratuar kërkesat të tyre në qeveri për baza të reja në Kosovë, si baza e Dumoshit dhe baza e Llukarit, duke ndërthurur qëllimet e tyre strategjike me arritjen e këtyre objektivave të sigurisë kombëtare.

“Bazuar në rreziqet e kërcënimeve ne i zhvillojmë edhe kapacitetet edhe ndërtimin e bazave. Së  fundmi besoj se keni pasë rast të dëgjoni se në Qeverinë e Kosovës është miratuar kërkesa jonë për baza, për dy baza të reja, që është baza e Dumoshit, 7 km nga kufiri me Republikën e Serbisë në regjionin e Podujevës dhe baza e Llukarit që është në afërsi të Prishtinës, që mund të ndërlidhet me pjesën e Kamenicës dhe Gjilanit” – vuri në theks të veçantë Maqedonci.

Ministri gjithashtu u ndal në përpjekjet e vazhdueshme për të afruar Kosovën me NATO-n, duke theksuar se përafrimi i vendit me standarde të NATO-s është bërë prioritet për ta. Ai paraqiti punën e vazhdueshme për të përparuar në këtë drejtim, duke sjellë standarde të NATO-s në çdo aspekt të Forcës së Sigurisë së Kosovës.

Në lidhje me këtë, ai përmendi ndihmën që është dhënë nga ekipi ndërlidhës dhe këshillues i NATO-s, duke rritur përpjekjet për të përmbushur kriteret dhe standardet e NATO-s.

“Ne realisht, si Ministri e Mbrojtjes në vazhdimësi kemi bërë hapa jashtëzakonisht të rëndësishëm në përafrimin e Kosovës me NATO-n, ne kemi tentuar që t’i paraprijmë shumë gjërave. Shembull  jo gjithëherë ka qenë kërkesë të kemi standard të NATO-s në doktrinë, ne kur e kemi ndërtuar çdo gjë brenda Forcës së Sigurisë së Kosovës me këto standarde në mënyrë që mos të kemi nevojë të bëjmë reformë të dytë kur të përafrohemi me NATO-n”- shprehet ministri.

Edhe pse mund të ishte më e lehtë të mos përputheshin me standardet e NATO-s, Maqedonci theksoi se qeveria është e vendosur për të ndjekur rrugën drejt anëtarësimit, duke e ndërtuar çdo aspekt të FSK-së sipas këtyre standardeve. Ky paraplanifikim do të lehtësonte procesin e përafërsimit me NATO-n, duke shmangur nevojën për reforma të mëtejshme. Ai gjithashtu vlerësoi ndihmën e ekipit ndërlidhës dhe këshillues të NATO-s, që kanë për qëllim të ndihmojnë në zhvillimin e kapaciteteve të FSK-së. Prezencën e NATO-s brenda Ministrisë së Mbrojtjes dhe raportet e vazhdueshme me strukturat e NATO-s e bëjnë Kosovën të gatshme për të qenë pjesë e kësaj organizate ndërkombëtare.

Maqedonci shprehu qartë qëllimin e qeverisë për të qenë pjesë e NATO-s dhe theksoi se ata kanë zhvilluar kapacitetet e nevojshme për të përmbushur standardet e kësaj organizate. Kjo gatishmëri shihet si një hap i rëndësishëm drejt integrimit të plotë në strukturën e NATO-s.

“Në këtë aspekt ndihmë të veçantë Ministrisë së Mbrojtjes i ka dhënë  Forca e Sigurisë së Kosovës, ekipi ndërlidhës dhe këshillues i NATO-s të cilin e kemi prezent në Ministrinë e Mbrojtjes. Një  ekip i NATO-s që drejtohet nga një gjeneral gjerman dhe që në përbërje ka oficerë nga vende të ndryshme të NATO-s dhe që detyrë kryesore ka mbështetjen në zhvillimin e kapaciteteve të FSK-së. Ne kemi pasë NATO-n prezente brenda ministrisë gjatë gjithë kohës prej vitit 2009-të, kur FSK- ja është krijuar dhe kjo prezencë vazhdon. Ne kemi edhe raporte edhe takime me struktura të NATO-s, gjatë vitit të kaluar kemi pasë edhe një raportim në NATO, më saktë në Këshillin e NATO-s dhe mund të them lirisht që nga aspekti i mbrojtjes dhe sigurisë ne jemi të gatshëm që të jemi pjesë e NATO-s. Ne tanimë jemi të gatshëm të jemi pjesë e NATO-s, kemi ndërtuar kapacitetet që janë të mundshme për të qenë kapacitete fillestare të NATO-s”- tha Maqedonci.

Maqedonci gjithashtu u ndal në nevojën për të zhvilluar industrinë e mbrojtjes në Kosovë, duke theksuar se ky është një hap i rëndësishëm drejt pavarësisë në aspektin e mbrojtjes dhe sigurisë. Ai gjithashtu theksoi punën e nisur për krijimin e një agjencie të industrisë së mbrojtjes në nivel shteti.

Ejup Maqedonci shprehu bindjen se Forca e Sigurisë së Kosovës (FSK) është në nivel shumë më të lartë se vendet e tjera të Ballkanit në procesin e parapranimit në NATO. Ai theksoi se pothuajse të gjithë oficerët e FSK-së janë trajnuar në ndonjë shkollë të NATO-s, një fakt që i jep atyre një avantazh të shquar në krahasim me vendet e tjera.

Në lidhje me nevojën e prodhimit të sistemeve të armatimit, Ministri u shpreh se ka një nevojë urgjente për të zhvilluar industrinë e mbrojtjes në Kosovë. Ai bëri të ditur se deri vonë nuk kanë qenë në gjendje të blejnë pajisje nga vendet e NATO-s, por kanë filluar të bëjnë blerje shtet me shtet, duke kontaktuar ministrinë e mbrojtjes së shtetit përkatës për të siguruar pajisjet nga prodhuesit vendorë.

Maqedonci shpreh besimin e tij në raportet e mira që Kosova ka me vendet e NATO-s në zhvillimin e forcës së saj. Megjithatë, ai vuri në dukje se ende nuk është punuar mjaftueshëm në zhvillimin e industrisë së mbrojtjes në vend, dhe shtoi se është duke ndjekur personalisht iniciativën për krijimin e një agjencie të industrisë së mbrojtjes në nivel shteti.

Përfundimisht, Maqedonci identifikoi mospajtimin nga disa vende në Asamblenë e NATO-s si një pengesë për integrimin e Kosovës në këtë strukturë, por gjithashtu theksoi hapin e fundit drejt një roli më të madh si vendi i asociuar në NATO, duke hapur rrugën për një pjesëmarrje më të thellë në vendimarrjen e asamblesë.

Dionesa Ebibi

 

 

Vazhdo të lexosh

Arkitekturë

Projektimi i së ardhmes: Zhvillimi dhe suksesi i Fakultetit të Arkitekturës të UBT-së

Publikuar

nga

Në rrugën e zhvillimit të një fakulteti, historia dhe sukseset e tij janë ngjarje që ndriçojnë rrugën drejt përparimit e zhvillimit. Fakulteti i Arkitekturës në UBT është një prej shembujve më frymëzues të këtij rrugëtimi. Duke filluar nga modestia e një grupi studentësh në vitin 2005, deri në rritjen e tij në numër dhe shtrirjen e influencës së tij në rajonin e Ballkanit, ky fakultet ka shkëlqyer në të gjitha fushat e tij. Në këtë reportazh kronologjik, prezantohet rruga e suksesit të Fakultetit të Arkitekturës në UBT, duke ndriçuar zhvillimin, dhe kontributin në botën e arkitekturës dhe planifikimit hapësinor.

“Fakulteti i Arkitekturës në UBT, gjenerata e parë ka filluar në vitin akademik 2005/ 2006 për të vazhduar më tutje deri në ditët e sotme. Gjenerata e parë me 12 studentë ndërsa tani i kemi mbi 1200 studentë që domethënë që jemi fakulteti më i madh në regjionin e Ballkanit në fushën e Arkitekturës dhe Planifikimit Hapësinor. Kjo rritje ka ndodhur si rezultat i zhvillimit, angazhimit serioz institucional në kuadër të UBT-së, strukturave udhëheqëse, në krye me rektorin dhe po ashtu angazhimit serioz të stafit akademik, udhëheqësisë së fakultetit dhe studentëve. Të gjithë këta faktorë kanë ndikuar në promovimin e sukseseve të këtij fakulteti deri në ditët e sotme dhe trendi i zhvillimit po ashtu është pozitiv”, theksoi Binak Beqaj, Dekan i Fakultetit të Arkitekturës.

Fokusi te kurrikula dhe internacionalizimi i programit studimor janë dy aspekte që bëjnë Fakultetin e Arkitekturës në UBT të shkëlqejë. Siç e shpalos Dekani, Binak Beqaj, angazhimi i strukturave menaxhuese të institucionit dhe fakultetit, së bashku me përkushtimin e stafit akademik dhe studentëve, ka qenë një element kyç për përparimin dhe suksesin e programit.

“Programi studimor i Arkitekturës dhe Planifikimit Hapësinor në UBT e bën të veçantë në radhë të parë vetë kurrikula, e cila me kujdes është e harmonizuar me përvojat më të mira të universiteteve të ndryshme ndërkombëtare, veçanërisht atyre të Bashkimit Evropian. Si rezultat i kësaj studentët tanë nuk kanë probleme që t’iu pranohet diploma diku jashtë, qoftë nëse vazhdojnë me studime të masterit apo edhe që të punësohen. Janë shumë mirë të pranueshëm në secilin shtet dhe kjo na bën të ndihemi mirë sepse shohim një ekuivalencë ose një nivel të kënaqshëm të dijes së studentëve tanë, krahasuar me kolegët e tyre nëpër universitete të ndryshme të Bashkimit Evropian. E dyta është internacionalizimi ose politikat e bashkëpunimit intenziv ndërkombëtar, edhe ky është një faktor shumë i rëndësishëm për arsye se ka mundësuar që të zhvillojmë projekte te përbashkëta me universitete të ndryshme të shkëmbejmë ide dhe përvoja edhe si staf, por edhe me studentët bashkë. Kështu që si rezultat i kësaj kemi shumë fusha të bashkëpunimit me shumë universitete të ndryshme nga Austria, Gjermania, Italia, Turqia dhe nga vende të tjera. Elementi i tretë që e bën të suksesshëm këtë program është angazhimi serioz i strukturave menaxhuese institucionale edhe të UBT-së edhe të fakultetit, angazhimi profesional i stafit akademik me kompetencë dhe angazhimi serioz i studentëve të secilës gjeneratë sepse secila gjeneratë kanë krijuar një shkallë drejt ngjitjes së suksesit”, thekson Binak Beqaj, Dekan i Fakultetit të Arkitekturës.

Kur flitet për cilësinë e mësimdhënies dhe ndihmën që u ofrohet studentëve në zhvillimin e tyre në arkitekturë, profesori Banush Shyqeriu ndan disa përspektiva thelbësore. Profesori thekson se cilësia është e siguruar në nivelet institucionale dhe të fakultetit dhe se ekzistojnë nënkomisionet për sigurimin e cilësisë. Po ashtu, fakulteti dhe institucioni mbajnë nën kontroll arritjen e objektivave të përcaktuara në kurrikulë.

“Cilësia fillimisht në mësimdhënie dhe mësimnxënie sigurohet nga kurrikula dhe pastaj përmes sillabuseve të lëndës, lëndëve specifike të cilat praktikisht kanë korniza me të cilat krijojnë ambientin i cili vlerëson punën e studentëve, mirëpo vlerësohet edhe puna e pedagogëve. Ne kemi sigurim të cilësisë edhe në nivel institucional dhe pastaj kemi edhe nivelin e sigurimit të cilësisë në nivelin e fakulteteve dhe pastaj secila lëndë e kontrollon cilësinë vet. Cilësia lidhet me Feedbackun të cilën e marim nga studentët, që është puna e studentëve në baza semestrale, e cila praktikisht tregon arritjen e targeteve që janë vendosur përmes sillabuseve të lëndës. Pastaj më korniza tjera të cilat padyshim janë të rregulluara në nivelin institucional dhe të fakultetit. Fakulteti i Arkitekturës ka edhe nënkomisionet, njëri prej nënkomisioneve eshtë Nënkomisioni për Sigurimin e Cilësisë me të cilën realisht jepen rekomandime dhe mbahen në kontroll arritja e targeteve të cilën e ka lënda, fakulteti dhe institucioni në përgjithësi”, shprehet Banush Shyqeriu, Profesor i Arkitekturës.

Fakulteti i Arkitekturës dhe Planifikimit Hapësinor në UBT po prodhon arkitektë të ardhshëm, të cilët janë të përgatitur për sfidat dhe detyrat e profesionit të tyre, thekson profesori Shyqeriu dhe se sukseset e tyre tashmë janë të dokumentuara, duke treguar se ata janë të aftë për t’u punësuar në tregun e punës, brenda dhe jashtë vendit.

“Nuk ka dyshim që me përgatitjet synohet që studentëve t’u jipen informata, njohuri, shkathtësi, kompetenca për profesionin e ardhshëm dhe kështu studentët tanë të jenë të sukseshëm dhe kështu storia e suksesit tashmë veç është e diktuar, për faktin se studentët tanë janë të punësuar në vend dhe jashtë vendit dhe janë mjaft të suksesshëm. Kjo nënkupton që Fakulteti i Arkitekturës dhe Planifikimit Hapësinor prodhon arkitektë të ardhshëm si individ me etikë, të përgjegjshëm ndaj shoqërisë, ndaj profesionit ska dyshim, ndaj ambientit dhe ndaj kulturës të vendit”, thekson Shyqeriu.

Studentët e Fakultetit të Arkitekturës në UBT shprehin ndjenjën e bashkëpunimit dhe motivimit të lartë nga ana e profesorëve në zhvillimin e tyre profesional. Ata vlerësojnë rolin kritik të arkitektit në shoqëri dhe ndihmën që ofrohet për të konceptuar ide të reja dhe për të përballuar sfidat e procesit të studimit të arkitekturës. Këto perspektiva tregojnë për një ambient të frytshëm studimor dhe përkrahjen e vazhdueshme nga fakulteti në udhën e tyre drejt suksesit.

“Duke marrë parasysh se një arkitekt ka një rol kritik sa i përket projektimit të ndërtesave dhe hapësirave publike, ne kemi arritur në këtë lëndë me profesorin së bashku të konceptojmë disa terme dhe koncepte të ndryshme që në të ardhmen shpresojmë se do t’i elaborojmë edhe në kohën reale”, shprehet Elona Ramadani, studente e Arkitekturës.

“Po ashtu vlen të ceket që mundin të cilin e bëjmë gjatë gjithë semestrit në lëndën e Banimit, profesori mundohet që me çdo kusht të na shpërblejë dhe kjo na motivon, është një motivim shtesë, që ne mos të ndalemi dhe të punojmë me shumë përkushtim”, tha Bardh Tafili, student i Arkitekturës.

Hasan Canolli, një alumn i Fakultetit të Arkitekturës, rrëfen rolin e rëndësishëm që institucioni ka luajtur në udhën e tij drejt suksesit. Si pjesë e gjeneratës së parë që ka kryer studimet në këtë fakultet, Canolli shpreh krenarinë që UBT është një udhërrëfyes dhe një shembull i arritjeve të mundshme në botën e biznesit dhe arkitekturës.

“Unë jam gjenerata e parë që ka kryer Arkitekturën në UBT, kjo shkollë ka qenë një udhërrëfyes i imi, një rrugë për të arritur diçka më shumë në biznes. Edhe shtëpitë që janë të ndërtuara në Washington Residence, janë pjesë e plane të UBT-së, që ne kemi marrë ide se si duhet të funksionojë arkitektura në zhvillim e sipër. Si UBT më ka ndihmuar mjaft shumë si sukses në biznes edhe në pjesën e arkitekturës njëkohësisht. Kemi arritur me bë një ndërrmarje të fuqishme në tregun kosovar për pjesën e ndërtimit, por duke ju falënderuar vazhdimisht UBT, për të arritë këtu ku jemi”, theksoi Hasan Canolli, alumni i UBT-së.

Suksesi i Fakultetit të Arkitekturës në UBT nuk është vetëm një histori e përfaqësuar në harta dhe diagrame. Është një histori e shkruar nga studentët, profesorët dhe personeli i angazhuar në çdo hap të rrugës. Nëpërmjet përkushtimit të tyre të palodhur dhe vizionit për një të ardhme më të ndriçuar, ata po bëjnë histori në botën e arkitekturës. Dhe kjo histori vazhdon të shkruhet, një projektim i vazhdueshëm i së ardhmes, ku çdo veprim është një hap drejt ndërtimeve të mëdha./UBTNews/

©️Dionesa Ebibi

Vazhdo të lexosh

Teknologji

Amazon do të investojë 1.2 miliard euro në Francë, do të krijojë 3 mijë vende pune

Publikuar

nga

Amazon do të investojë mbi 1.2 miliard në veprimtaritë e saj në Francë dhe do të krijojë mbi 3 mijë vende të përkohshme pune.

Presidenca franceze ka thënë të dielën se Amazon dhe kompani të tjera, në mesin e tyre edhe GSK (GSK.L), do të hapë një skedë të re dhe Accenture (ACN.N), do të shpallte investime me vlerë miliarda.

Amazon ka investuar më shumë se 20 miliardë euro në operacionet e saj franceze që nga viti 2010 dhe punëson më shumë se 22 mijë punonjës të përhershëm në cloud dhe bizneset e saj të shitjes me pakicë në internet./UBTNews/

Vazhdo të lexosh

Lajmet nga UBT

Në rrugën e sigurisë: UBT i vetmi në Kosovë me programin e përgatitjes profesionale në fushën e sigurisë

Publikuar

nga

Programet e Studimeve të Sigurisë hapin dyert për të ndërtuar rrjetet profesionale. Studentët kanë rastin të bashkëveprojnë me profesorët e tyre, ekspertët e fushës, dhe kolegët e tyre, duke krijuar lidhje të rëndësishme që mund të ndihmojnë në gjetjen e punës dhe zhvillimin e tyre në karrierë.

Fakulteti i Studimeve të Sigurisë në UBT ka një program të specializuar, i cili synon të transformojë studentët në ekspertë të politikave të sigurisë, duke i përgatitur ata për sfidat e shekullit 21. Kjo është një mundësi unike për të zgjeruar kufijtë e njohurive dhe për të kuptuar thellësisht politikat e sigurisë, duke integruar praktikat dhe teoritë në mënyrë të shkëlqyeshme.

Programi i UBT-së ofron një gamë të gjerë lëndësh zgjedhore, duke lejuar studentët të ndjekin interesat e tyre të veçanta studimore dhe të marrin njohuri të thelluara në fusha të ndryshme, nga ligji deri te teknologjia informative. Përveç kësaj, studentët do të zhvillojnë aftësi të analizës së kritike dhe menaxhimit të situatave të sigurisë në nivelet kombëtare dhe ndërkombëtare. Përfundimi me sukses i këtij programi do t’u mundësojë studentëve të kuptojnë dhe të aplikojnë konceptet themelore të politikave të sigurisë në praktikë. Ata do të jenë në gjendje të hartojnë strategji dhe dokumente të ndryshme për Sigurinë Nacionale, Emergjencat Civile dhe Sigurinë Kibernetike, duke demonstruar njohuri të thella dhe aftësi analitike të përputhura me kërkesat e tregut të Kosovës dhe ndërkombëtar.

Për të pasur një përvojë të plotë të mësimit, studentët përfshihen në aktivitete si prezantime nga ekspertë të fushës, konferenca hulumtuese, simulime të situatave politike, dhe praktika në institucione publike dhe private. Kjo qasje e kombinuar e mësimit akademik dhe praktik siguron një përparim të qëndrueshëm të njohurive dhe aftësive të studentëve nëpër vite. Për të mbështetur këtë program, UBT ofron infrastrukturën më moderne për të gjitha kurset, duke përfshirë laboratorët dhe bibliotekat e avancuara. Kjo siguron një mjedis të përshtatshëm për zhvillimin e aftësive të studentëve në analizë kritike dhe hartimin e politikave të sigurisë për të ardhmen.

Programi ka si synim t’i përgjigjet nevojave të tregut për ekspertë të sigurisë të aftë për të përballuar sfidat komplekse të shoqërisë së sotme. Për më tej, programi hedh dritë mbi politikat dhe specifikat e Kosovës nëpërmjet kurseve të tij, duke siguruar që studentët të pajisen me njohuri të përshtatshme për të angazhuar me reformat dhe zhvillimet në fushën e Sigurisë Nacionale. Kjo fletë udhëtimi kujdeset për të shndërruar studentët në agjentë të transformimit dhe zhvillimit të vendit të tyre.

Përmbushja e kësaj flete udhëtimi është e mundur falë një stafi të përkushtuar dhe me përvojë në fushën e studimeve të sigurisë. Ata jo vetëm që janë ekspertë në fushën e tyre, por gjithashtu janë udhëheqës në përgatitjen e gjeneratave të reja të ekspertëve të sigurisë në Kosovë./UBTNews/

©️ Dionesa Ebibi

Vazhdo të lexosh

Të kërkuara