Lajmet

​Varadkar: BE duhet t’i heq masat Kosovës, Asociacioni të mos ketë një mikro-shtet brenda

Varadkar po ashtu tha se Irlanda do ta përkrah Kosovën për anëtarësimin në Këshillin e Evropës.

Published

2 years ago

on

Kryeministri i Irlandës, Leo Varadkar ka deklaruar se vendi tij është për heqjen e masave që Bashkimi Evropian i ka vendosur Kosovës. Ai në konferencën e përbashkët me kryeministrin e vendit, Albin Kurti derisa theksoi mbështetjen e shtetit të tij ndaj Kosovës, tha se themelimi i asociacioni duhet të jetë me koordinim, porse u shpreh se nuk duhet të krijohet një mikro-shtet brenda Kosovës.

Varadkar po ashtu tha se Irlanda do ta përkrah Kosovën për anëtarësimin në Këshillin e Evropës. Ai shtoi se dialogu ndërmjet Prishtinës dhe Beogradit është jetik për të pas një zhvillim të mëtejmë edhe në Kosovë dhe Shqipëri.

“Kishim një takim shumë konstruktiv dhe ishte mundësi e mirë të kuptojmë për zhvillimet rajonale e ndërkombëtare…Pajtohemi që e ardhmja e Kosovës është në BE dhe në Këshillin e Evropës dhe do ta përkrah Kosovën që të behet anëtare e Këshillit të Evropës sivjet dhe të fillojmë edhe procesin e negociatave me BE-në për anëtarësi. Kosova po tregon zotimin ndaj vlerave evropiane… Dialogu ndërmjet Prishtinës dhe Beogradit është jetik për të arritur një harmoni dhe për të pas një zhvillim të mëtejmë edhe në Kosovë dhe Shqipëri. Sivjet është viti që ky stabilitet të konsolidohet në Kosovë dhe nuk dua të shoh kthim të skenave të dhunshme që pamë në shtator dhe në maj”, tha Varadkar.

Ndërsa potencoi se masat kufizuese që Bashkimi Evropian i ka vënë Kosovës, duhet të hiqen.

“Masat kufizuese qe janë vërë mbi Kosovën duhet të hiqen dhe ky është një pozicion që e kam bërë zyrtarisht. Dhe është shumë me rëndësi që komunat i zgjedhin kryetarët e komunave, që ata të zgjidhen në mënyrë demokratike dhe të përfaqësojnë njerëzit që jetojnë ën ato zona. Dua të shoh edhe asociacionin që po themelohet, mirëpo kjo duhet të bëhet me koordinim të atyre zonave, mirëpo nuk dua të shoh që të kemi që një mikro-shtet brenda Kosovës, kjo nuk do të jetë diçka që do të jetë e dobishme për të ardhmen”, shtoi Varadkar.

Kryeministri i Kosovës, Albin Kurti ka insistuar që të ketë nënshkrim dhe zbatim të marrëveshjes nga ana e Serbisë.

Shefi i Qeverisë ka kërkuar ka kërkuar nga BE të reagojë ndaj shkeljeve që po bënë Serbia ndaj marrëveshjes bazike.

“Ne dëshirojmë marrëdhënie normale me fqinjin tonë verior, Serbinë dhe ato normale për neve janë marrëdheniet evropiane e të fqinjësisë së mirë sepse kjo është e rëndësishme për paqe e siguri e poashtu edhe për rrugëtimin evropian qe paraqet edhe fatin tonë por edhe synimin…Problemi është që nga 11 nenet e marrëveshjes bazike së paku 8 janë shkelur nga Serbia, ne kërkojmë siguri ligjore, jo vetëm për zbatim të marrëveshjes por edhe për respektim e mosshkelje të saj. Kjo është arsyeja kryesore pse kemi kërkuar që të ketë nënshkrim të marrëveshjes. Ne insistojmë në nënshkrim të marrëveshjes dhe kërkojmë nga BE që si një arbitër gjithmonë të reagojë ndaj shkeljeve më të vogla që mund të bëhen, e fatkeqësisht ato janë edhe të shumta s’janë të vogla”, shtoi Kurti.

Kurti shtoi tha se Milan Radojiçiq duhet të dorëzohet dhe jo të ngelet i lirë në Serbi. I pyetur për ndalimin e futjes së mallrave serbe, Kurti tha se të gjitha këto janë në përputhje me situatën e sigurisë. Ai tha se kushtet e sigurisë në Kosovë dhe kufiri me Serbinë nuk janë akoma të mira.

“Dëshirojmë që implementimi dhe kryerja e projekteve tona të jetë në përputhje me ligjin dhe Kushtetutën e Kosovës, kur kemi dilema poashtu edhe Gjykatat janë prezentë…Sa i përket kushteve të sigurisë në Kosovës, sa i përket kufirit tonë me Serbinë, nuk janë akoma të mira. Sa i përket asaj se çfarë malli lejohet të importohet apo çfarë vetura, Ministria e Punëve të Brendshme dhe Dogana është adresa e duhur për çështje të imta apo më konkrete. Nuk dëshirojmë të ketë diskriminim dhe nuk ekziston asnjë masë tregtare me Serbinë, por të gjitha këto janë në përputhje me situatën e sigurisë, e cila ne dëshirojmë që të përmirësohet dhe normalizohet”, tha Kurti.

Ai po ashtu tha se Irlanda është mbështetëse e Kosovës si në Këshillin e Evropës, por edhe për anëtarësimin në BE. Kurti po ashtu tha se Kosova dhe Irlanda kanë shumë ngjashmëri, duke filluar nga lidhjet e ngushta që kemi me ShBA-të.

“Në një kohë kur demokracia kërcënohet kaq fuqishëm, Irlanda është një kampione e saj dhe një shembull për vendet që synojnë dhe luftojnë për t’i mbrojtur ato ideale. Andaj, mes pasigurive globale, kërcënimeve për kontinentin evropian, Irlanda qëndron si një testament i forcës së unitetit, aleancës dhe angazhimit të qëndrueshëm për përparim. Zhvillimi ekonomik dhe progresi social në dekadat e fundit e ka bërë Irlandën burim te frymëzimit për shumë shtete. Irlanda është veçanërisht frymëzuese për ne sepse me të kemi ngjashmëri. Nga pikëpamja shoqërore populli ynë shquhet për mikpritjen e tij pavarësisht vështirësive që ka përjetuar, për sa i përket aleancave ndërkombëtare të dy shtetet gëzojmë një aleancë të palëkundur dhe lidhje të ngushta me Shtetet e Bashkuara të Amerikës… Presim qe të thellojmë miqësinë mes dy vendeve tona. Irlanda është mbështetëse e Kosovës për anëtarësimin si në Këshillin e Evropës, si dhe për anëtarësim në BE”, tha Kurti.

Related Topics:
Continue Reading

Lajmet

Liga e Kampionëve 2025-2026, 29 klube të kualifikuara

Published

17 minutes ago

on

August 1, 2025

By

Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.

UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.

Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.

Liga e Kampionëve 2025/26: Cilat klube janë gati për shortin?

Anglia : Liverpool , Arsenal , Manchester City, Chelsea, Tottenham, Newcastle

Spanjë : Barcelona , Real Madrid , Atlético Madrid, Athletic Club, Villarreal

Italia : Napoli, Inter, Atalanta, Juventus

Gjermani : Bayern Munich, Bayer Leverkusen, Eintracht Frankfurt , Dortmund

Francë : Paris Saint-Germain, Marseille, Monaco

Holanda : PSV, Ajax

Portugalia : Sporting CP

Belgjikë : Union Saint-Gilloise

Turqi : Galatasaray

Republika Çeke : Slavia Pragë

Greqi : Olimpiakosi

29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.

Liga e Kampionëve 2025/26: Si do të luhen vendet e mbetura?

Vendet e mbetura do të përcaktohen përmes fazës kualifikuese dhe eliminatoreve.

Raundi i 1-rë kualifikues: 8/9 dhe 15/16 korrik 2025

Raundi i dytë kualifikues: 22/23 dhe 29/30 korrik 2025

Raundi i 3-të kualifikues: 5/6 dhe 12 gusht 2025

Playoff-et: 19/20 dhe 26/27. Gusht 2025

Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.

Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.

Continue Reading

Lajmet

​Laporta për Yamalin: Ka personalitet të fortë si Messi, është i rrallë

Published

1 hour ago

on

August 1, 2025

By

Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.

Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”

Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:

“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”

Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Continue Reading

Lajmet

​Drita prezanton përforcimin e ri

Published

2 hours ago

on

August 1, 2025

By

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.

Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.

Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.

 

Continue Reading

Lajmet

​Interi pret përgjigje nga Atalanta për Lookman

Published

2 hours ago

on

August 1, 2025

By

E ardhmja e Ademola Lookman mbetet pezull në aksin Inter–Atalanta. Atalanta vazhdon të kërkojë 50 milionë euro, kurse Interi mbetet destinacioni i preferuar i lojtarit, që ka refuzuar oferta të tjera dhe pret që premtimi i bërë nga Atalanta për transferimin të mbahet.

Aktualisht i dëmtuar lehtë, Lookman nuk do të udhëtojë në Gjermani me skuadrën, por mund të bashkohet më vonë për miqësoren ndaj Këlnit më 9 gusht. Pavarësisht dëshirës për transferim, ai po tregohet profesional dhe nuk ka bërë presion publik për largim  një qëndrim që vlerësohet nga klubi bergamask.

Interi nuk ka ndërmend të ngrejë ofertën prej 42 milionë euro plus 3 milionë në formë të bonuseve në mënyrë të konsiderueshme, ndërsa Atalanta po shqyrton alternativat e zëvendësimit, si Federico Chiesa apo Roëe i Marsejës.

 

Continue Reading

Të kërkuara