Kulturë

Vanessa Bryant mësoi për vdekjen e bashkëshortit dhe vajzës së tyre nga rrjetet sociale

Ylli i basketbollit dhe vajza e tij vdiqën në janar të vitit 2020.

Published

3 years ago

on

Vanessa Bryant, e veja e Kobe Bryant, thotë se mësoi për vdekjen e bashkëshortit të saj nga rrjetet sociale.

Ylli i basketbollit vdiq në janar të vitit 2020 pas përplasjes së helikopterit në të cilin ndodheshin ai dhe vajza e tij 13-vjeçare Gianna, dhe shtatë persona të tjerë në bord.

Bryant po padit Departamentin e Sherifit të Qarkut të Los Anxhelosit për neglizhencë dhe cenim të privatësisë. Ajo pretendon se oficerët shpërndanë grafika nga skena e përplasjes, madje edhe fotografi të trupave të pajetë të Kobe dhe Gianna.

Vanessa u pyet se a ishte në dijeni rreth përplasjes, ajo tha se një asistent i familjes e kishte njoftuar se bashkëshorti dhe vajza e saj ishin në këtë helikopter, por pesë njerëz shpëtuan. Ajo mendonte se ata ishin në mesin e personave që shpëtuan. Por pastaj filluan mesazhet në telefonin e saj.

“Isha në telefon sepse po provoja ta thërrisja bashkëshortin tim, dhe papritmas u shfaqën njoftime në telefonin tim, ku thuhej “Prehu në paqe Kobe Bryant”. Jeta ime s’do të jetë e njëjtë më pa bashkëshortin dhe vajzën time”, deklaroi ajo.

Ajo pretendon se një nga oficerët ndau me një banakier fotografitë e trupit të pajetë të Kobe Bryant, dhe më pas edhe të tjerët filluan t’i shpërndanin ato fotografi.

Gazeta Los Angeles Times raportoi në shkurt të vitit të kaluar se nga një hetim i brendshëm i policisë rezultoi se oficerët ndanin foto të trupave të pajetë të viktimave.

“Unë nuk mendoj se është e drejtë që unë jam këtu sot për të luftuar për përgjegjësi. Sepse askush nuk duhet t’i bëjë të përjetojnë këtë lloj dhimbje dhe frike familjarët e viktimave. Publikimi i fotografive s’është në rregull”, tha Bryant.

Bryant tha se ajo i kishte kërkuar sherifit Alex Villanueva të sigurohej që askush të mos merrte fotografi nga vendi i ngjarjes.

Gruaja e të ndjerit Kobe Bryant tha se po i mban rrobat që bashkëshorti dhe vajza e tij i kishin veshur ditën që vdiqën./UBTNews

Related Topics:
Continue Reading

Kulturë

Ikona e teatrit dhe kinematografisë shqiptare, Margarita Xhepa, ndërron jetë në moshën 91 vjeçare

Published

15 minutes ago

on

April 3, 2025

By

U nda nga jeta aktorja e njohur, ikona e kinematografisë shqiptare, Margarita Xhepa. Vetëm një ditë më parë, Margarita Xhepa mbushi 91 vjeç. Me një karrierë që mbulon dekada të tëra dhe një trashëgimi të paharruar në botën e teatrit dhe kinemasë, ajo ka lënë një shenjë të thellë në historinë e artit shqiptar.

Nderi i Kombit, Margarita Xhepa ishte një artiste që i dha jetë dhe përjetësoi një sërë personazhesh, të cilat janë skalitur në kujtesën e miliona shqiptarëve, duke u bërë një simbol i vlerave artistike dhe shprehës i thellësisë emocionale të dramës shqiptare.

Margarita Xhepa, një nga zonjat më të mëdha të teatrit dhe filmit shqiptar, ka krijuar mbi 150 role në teatër dhe 32 role në kinematografi gjatë karrierës së saj të shkëlqyer. Karriera e saj ishte një udhëtim i pasur me sukses, ku ajo spikati jo vetëm për talentin e saj të jashtëzakonshëm, por edhe për pasionin dhe përkushtimin ndaj artit.

Aktorja lindi më 2 prill 1934 dhe filloi karrierën e saj artistike në Estradën e Shtetit, për të kaluar më pas në Teatrin Popullor, ku do të niste shpalosjen e aftësive të saj të jashtëzakonshme. Një prej roleve të saj më të njohura ishte ai i Ofelisë në tragjedinë shekspiriane “Hamleti”, e cila u vënën në skenë në vitin 1960 nga regjisori rus Bortko. Ky rol ishte një ndër më të spikaturit dhe e ngjiti aktoren në majat e suksesit.

Në vitin 2007, për rolin e saj të paharrueshëm si Nadjezhnë në monodramën “Kënga e mjellmës” të Çehovit, Margarita Xhepa u nderua me “Çmimin e Karrierës”, një vlerësim që pasqyronte nivelin e saj të lartë artistik dhe dedikimin e saj ndaj teatrit. Disa prej personazheve që ajo interpretoi me mjeshtri dhe profesionalizëm janë Zyraka te “Vitet e para” (1965), Shano te “Dimri i fundit” (1976), pianistja te “Koncert në vitin 1936” (1978) dhe Lena te “Tokë e përgjakur” (1976), secili prej tyre i paharruar për gjithë ata që e ndjekin teatrin dhe kinemanë shqiptare.

Në karrierën e saj, Margarita Xhepa ka marrë gjithashtu titullin “Artiste e Popullit”, një çmim që pasqyron kontributin e saj të jashtëzakonshëm në zhvillimin e artit teatral dhe kinematografik në Shqipëri.

Lamtumira e Margarita Xhepës është një humbje e madhe për artin shqiptar, por ajo do të mbetet përjetësisht e pranishme në kujtesën e publikut dhe në çdo shfaqje të pashlyeshme që ajo ka krijuar. Ikona e teatrit dhe kinemasë shqiptare, me talentin dhe pasionin e saj, do të jetë gjithmonë një shembull frymëzues për brezat që do të vijnë./UBTNews/

 

Continue Reading

Magazinë

“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet

Published

2 hours ago

on

April 3, 2025

By

Këngëtarja shqiptare me famë botërore, Bebe Rexha, ka publikuar së fundmi disa fotografi në llogarinë e saj në Instagram, ku shfaqet elegante e veshur në të zeza, teksa festonte Bajramin me familjarët e saj në New York.

E ndodhur në shtëpinë e prindërve, artistja ka vendosur të shfletojë arkivat e fëmijërisë, duke zbuluar një ese të shkruar nga vetë ajo kur ishte vetëm nëntë vjeçe.

Me nostalgji, Bebe e ndau këtë dokument të veçantë me ndjekësit e saj, duke treguar sesi e shihte veten dhe pasionet e saj në atë kohë.

Në esenë e saj shkruhet:

“Emri im është Bleta Rexha. Jam nëntë vjeçe. Më pëlqejnë sportet. Sportet që më pëlqejnë janë hokej, bejsboll, basketboll, patinazh, futboll, volejboll, gjimnastikë. Më pëlqen të këndoj opera dhe këngë pop. Hobet e mia janë këndimi, pikturimi, vizatimi, leximi dhe luajtja e lojërave me letra. Sezoni im i preferuar është dimri. Më pëlqen Halloween-i, por jo shumë, sepse nëse ha shumë karamele, ndihesh keq. Ushqimet e mia të preferuara janë pizza, tacos, pure patatesh, patate të skuqura, copëza pule, makarona, veçanërisht mishi, orizi, lazanja dhe pierogit. Pija ime e preferuar është uji. Më pëlqen të dëgjoj muzikë nga radioja kudo që të jem! Kaq për mua”.

Continue Reading

Magazinë

James Bond i “rikthehet origjinës” me një “yll shumë të ri”

Published

16 hours ago

on

April 2, 2025

By

Aktori Daniel Mayers ka thënë se filmi i njohur “James Bond” po i rikthehet “origjinës” duke marrë një yll të ri për të luajtur rolin e agjentit të famshëm 007.

Kërkimet për aktorin e ri janë rikthyer pas largimit të krijuesve të deritanishëm të filmit, producentëve Barbara Broccoli dhe Michael G.Wilson. Kompania e re që ka marrë drejtimin e filmit, “Amazon MGM Studios”, ka sugjeruar se po bën rinovim masiv, duke e kthyer karakterin në kohëra më të vjetra, ka raportuar FemaleFirst.

“Thashethemin” e ka shpërndarë Mayers, i cili ka thënë se ka dëgjuar disa detaje rreth planeve që ka “Amazon” për Bondin.

“Është mjaft domethënëse puna që Bondi po shkon në Amazon… Kam dëgjuar një thashetheme se janë duke kërkuar një aktor shumë të ri dhe se po duan të rikthehen në origjinë. Po duan të rikthehen diku tek vitet ’60, me veturat e gjërat vjetra në mënyrë që të fillojnë përsëri. Mendoj se kjo ide do të ishe ‘cool’”, ka thënë Mayers në një intervistë për podcastin “We’re Not Getting Any Younger”.

Kërkimi i një aktori të ri ka kohë që është bërë një ndër lajmet kryesore të botës së filmit, që kur aktori Daniel Craig u largua nga franshiza pas lansimit të Bondit të vitit 2021 “No Time To Die”, ku u shfaq vdekja e agjentit.

Së fundmi është bërë e ditur se “Amazon” ka përzgjedhur David Hayman si producent të filmit. Ai është i njohur për punën e tij në filma si “Harry Potter” dhe “Spider Man” si dhe producenten Amy Pascal të marrin drejtimin e 007-it.

“James Bond është një ndër karakteret më ikonike në historinë e kinemasë. Jemi shumë mirënjohës që do të ndjekim hapat e Barbara Broccolit e Michael Wilsonit, të cilët kanë bërë filma të jashtëzakonshëm, dhe jemi të nderuar e të entuziazmuar të mbajmë gjallë shpirtin e Bondit, i cili do të hyjë në aventura të reja”, patën thënë Hayman dhe Pascal në një deklaratë të përbashkët.

Continue Reading

Kulturë

Opera e Hamburgut, Jaho në rolin e Maria Stuarda-s

Published

17 hours ago

on

April 2, 2025

By

Në Operën e Hamburgut (Staatsoper Hamburg) sot luhet “Maria Stuarda” nga Gaetano Donizetti, ku pikërisht rolin e heroinës e interpreton Ermonela Jaho.

Kjo është nata e fundit që Ermonela Jaho interpreton këtë rol, në Hamburg, pas 6 netësh të tjera në fund të marsit.

“Dhe kështu, ne arrijmë performancën tonë përfundimtare. Ky produksion ka qenë më shumë se një seri shfaqjesh. Ka qenë një rrahje zemre e përbashkët, një vend ku muzika dhe arti na kanë lidhur në mënyra që fjalët nuk mund të arrijnë kurrë”, shprehet sopranoja, në një postim në rrjetet sociale.

Maria Stuarda (Mary Stuart) është një opera tragjike në dy akte, nga Gaetano Donizetti dhe libret nga Giuseppe Bardari, bazuar në dramën e Schiller-it.

Opera trajton jetën e Marisë, mbretëreshës së Skocisë (Mary Stuart) dhe kushërirës së saj mbretëresha Elizabeth I. Schiller kishte shpikur përballjen e dy mbretëreshave, të cilat në fakt nuk u takuan kurrë.

Sopranoja Jaho, e vlerësuar ndërkombëtarisht, ndau me ndjekësit e rrjeteve sociale edhe një galeri të pasur fotografike nga shfaqjet e tjera të “Maria Stuarda-s”, ku ajo shfaqet me një “look” goditës e mbresëlënës.

Continue Reading

Të kërkuara