Sport

Van de Beek gati valixhet, niset për në Spanjë

Van de Beek mund të jetë i hapur për largim në vitin e ri.

Published

5 years ago

November 1, 2021

Betim Gashi

Doni van de Bek është i pakënaqur me situatën aktuale të Mançester Junajtedit dhe kërkon që të ndrrojë mjedisin në afatin e parë kalimtar. Skuadra e Barcelona planifikon një blerje në janar për mesfushorin e Man. Junajtedin, Doni van de Beek. Sipas të përditshmes spanjolle “Sport”, gjigantët spanjollë kanë vëzhguar situatën e 24-vjeçarit pasi ai vazhdon të luajë një rol të vogël në planet e Ole Gunnar Solskjaer në “Old Trafford”.

Van de Beek mund të jetë i hapur për largim në vitin e ri, por Barcelona mund të përballojë vetëm një marrëveshje huazimi, për shkak të problemeve aktuale financiare. Holandezi ka luajtur vetëm 141 minuta këtë sezon me “Djajtë e Kuq” në të gjitha kompeticionet, kurse është paraqitur vetëm një herë pas 10 xhirove të para këtë sezon në Premier Ligë, duke kompletuar vetëm 6 minuta.

Gazetari i famshëm italian, Fabrizio Romano disa ditë më parë ka theksuar së tashmë është e sigurt se Van de Beek, do të largohet në janar nga klubi

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/