Lajmet

​Valtonen: Finlanda e gatshme ta mbështes Kosovën në dialog

Publikuar

2 javë më parë

më

Finlanda është e gatshme ta mbështes Kosovën në procesin e normalizimit të marrëdhënieve me Serbinë, ka thënë kryediplomatja finlandeze, Elina Valtonen. Ajo theksoi se në takimin e sotëm me homologen e saj Donika Gërvalla kanë diskutuar edhe për intensifikimin e raporteve tregtare. Ndërkaq Gërvalla deklaroi se temë e diskutimit ka qenë edhe veriu dhe hapja e Urës së Ibrit.

Gërvalla theksoi se kjo vizitë reflekton lidhjet e forta dhe të pandërprera dhe bashkëpunimin e ngusht mes të dyja vendeve.

“Një pjesë e rëndësishme e diskutimeve tona sot u përqendrua në sfidat aktuale të sigurisë së Evropë, agresioni rus kundër Ukrainës dhe sjellja hegjemoniste dhe agresive ndaj fqinjëve dhe aleatëve të Rusisë në Evropë, paraqesin një kërcënim të madh dhe serioz për paqen dhe stabilitetin evropian. Ne në Kosovë e kuptojmë më mirë se kushdo tjetër ndoshta rëndësinë e mbrojtjes së vlerave demokratike dhe të drejtës për vetëvendosje. Kosova qëndron fuqishëm në mbrojtje të Ukrainës në këtë luftë për liri dhe sovranitet. Për më tepër, roli i NATO-s vazhdon të jetë jetik për stabilitetin e rajonit tonë”, deklaroi ajo.

Ministrja Gërvalla shtoi se Kosova është e përkushtuar të forcojë marrëdhëniet me NATO-n dhe ka për synim anëtarësimin në këtë aleancë.

“Kemi diskutuar edhe për zhvillimet në veri të vendit e veçanërisht për situatën e urës kryesore në Mitrovicë. Kjo urë e cila ka simbolizuar ndarje dhe përçarje për shumë vite duhet të hapet, vetëm kështu ajo është shndërrohet në një simbol të pajtimit dhe të bashkimit. Kosova është e përkushtuar të zbatojë sundimin e ligjit në çdo cep të territorit të saj, duke garantuar të drejta të barabarta për gjithë qytetarët, pavarësisht përkatësisë së tyre etnike”, tha Gërvalla.

Ministrja e Punëve të Jashtme të Finlandës, Elina Valtonen tha se vazhdojnë të jenë mik i Kosovës dhe mbështetës për anëtarësim në NATO.

“Finlanda është më se gatshme që të punojë intensivisht për të shtuar raportet tona tregtare dhe për t’i forcuar ato sektorë premtues në mes të vendeve tona, për shembull digjitalizimi, energjia e pastër si dhe ekonomia. Kemi biseduar për agresionin e Rusisë në Ukrainë, për Finlandën kjo është mjaft e qartë, Ukraina ka nevojë për mbështetjen tonë dhe Finlanda do të shndërrojë me Ukrainën për aq kohë sa ka nevojë. Gjithmonë kanë qenë vlerat tona që është sundimi i ligjit, demokracia, liria, të drejtat e njeriut dhe barazia. Këto e udhëheqin punën tonë edhe këtu kuptohet që është një mbështetëse për rendin ndërkombëtar, sigurinë”, theksoi ministrja e Finlandës.

Kryediplomtja finlandeze deklaroi se janë të gatshëm të mbështesin Kosovën në procesin e normalizimit të marrëdhënieve me Serbinë.

“Kemi biseduar për dialogun e Prishtinës dhe Beogradit dhe normalizimin e marrëdhënieve në mes të palëve. Finlanda është përkrahës në kuadër të KFOR-it edhe për veprimet në kuadër të EULEX-it në stabilitetin për Ballkanin Perëndimor. Finlanda siç është pajtuar në marrëveshjen e vitit të kaluar për normalizimin e marrëdhënieve dhe jemi të gatshëm të bëjmë çfarëdo që është e mundur që të ju mbështesim në këtë rrugë”, përfundoi ajo.

Pas konferencës, Gërvalla me homologen nga Finlanda kanë vizituar memorialin “Heroinat” në Prishtinë.

Etiketa
Vazhdo të lexosh

Lajmet

Tërmeti i fortë godet Rumaninë, kjo është epiqendra dhe magnituda

Publikuar

5 orë më parë

më

16 Shtator, 2024

nga

Një tërmet me magnitudë 5.2 ka ndodhur vetëm 5 minuta më parë 62 km në veriperëndim të Buzaut, Rumani, njoftoi Qendra Sizmologjike Evropiane-Mesdhetare (EMSC).

Tërmeti goditi në një thellësi të ndërmjetme prej 137 km nën epiqendrën pranë Buzau, Municipiul Buzău, Rumani, pasdite të së hënës, 16 shtator 2024, në orën 17:40 me orën lokale, shkruan VizionPlus.

Në bazë të të dhënave paraprake sizmike, tërmeti nuk duhet të kishte shkaktuar dëme të konsiderueshme, por me gjasë është ndjerë nga shumë persona si dridhje e lehtë në zonën e epiqendrës.

Vazhdo të lexosh

Lajmet

Ukraina i fton OKB-në dhe Kryqin e Kuq Ndërkombëtar në Kursk të Rusisë

Publikuar

6 orë më parë

më

16 Shtator, 2024

nga

Ukraina tha të hënën se i ka kërkuar Kombeve të Bashkuara dhe Komisionit Ndërkombëtar të Kryqit të Kuq (ICRC) t’u bashkohen përpjekjeve humanitare në rajonin Kursk të Rusisë, në të cilin forcat ukrainase e kryen një inkursion në gusht.

Ushtria ukrainase tani ka nën kontroll rreth 100 vendbanime në rajonin e Kurskit një muaj pasi e nisi inkursionin befasues, sipas presidentit të Ukrainës, Volodymyr Zelensky.Ministria e Mbrojtjes e Rusisë tha se forcat ruse i kanë rimarrë nën kontroll edhe dy fshatra të tjera në këtë rajon.

Ministri i Jashtëm i Ukrainës, Andriy Sybiha, tha se e udhëzoi të dielën Ministrinë e vet t’i ftojë OKB-në dhe ICRC-në të punojnë në rajonin e Kurskut.

“Ukraina është e gatshme ta lehtësojë punën e tyre dhe të sillet në përputhje me ligjin ndërkombëtar humanitar”, tha Sybiha në X gjatë një vizite në Sumi, nga ku forcat ukrainase e nisën sulmin matanë kufirit.

Ai tha se ushtria ukrainase po garanton ndihmë humanitare dhe kalim të sigurt për civilët në rajonin e Kurskut.

Ministria e Jashtme e Ukrainës tha se ftesat u janë dërguar OKB-së dhe ICRC-së “duke marrë parasysh gjendjen humanitare dhe nevojën për të siguruar të drejta themelore njerëzore në territorin e rajonit të Kurskut”.

Ajo tha se i ka kërkuar ICRC-së të vëzhgojë nëse Ukraina po vepron në përputhje me parimet e ligjit ndërkombëtar humanitar.

Nuk është e qartë nëse OKB-ja dhe ICRC-ja janë përgjigjur.

Agjencia shtetërore e lajmeve e Rusisë, TASS, e citoi zëdhënësin e Kremlinit, Dmitry Peskov, duke thënë se deklarata të tilla janë “provokuese”.

Ai e bëri të qartë se Moska, e cila e nisi pushtimin e plotë të Ukrainës më 2022, pret që OKB-ja dhe ICRC-ja të mos i pranojnë ftesat./REL

Vazhdo të lexosh

Lajmet

Dy vjet nga vdekja e Mahsa Aminit

Publikuar

6 orë më parë

më

16 Shtator, 2024

nga

16 shtatori shënon dyvjetorin e vdekjes së 22-vjeçares kurdo-iraniane, Mahsa Amini, e cila vdiq si pasojë e arrestimit nga policia morale e Iranit për shkak të veshjes së “pahijshme”. Vdekja e saj shkaktoi valë të mëdha të protestave në historinë e Republikës Islamike.

Disa ditë pas vdekjes së Mahsa Aminit, dhjetëra mijëra iranianë dolën në rrugë për të shprehur zemërimin e tyre, duke brohoritur, “Grua, jetë, liri”. Këto protesta, të cilat zgjatën për disa muaj, u shtypën me dhunë nga autoritetet iraniane.

“Tani e dimë se gjatë shtypjes së këtyre demonstruesve është përdorur dhunë e paprecedentë. Ishte shumë më keq nga sa mendonim”, tha Chowra Makaremi, një antropologe dhe specialiste e Iranit. “Ne vërtet jemi të vetëdijshëm për shkallën e mizorisë vetëm duke lexuar dëshmitë e mbledhura nga hetimi i OKB-së”.

Në raportin e OKB-së, i cili u publikua në muajin mars, u gjetën prova të vrasjeve jashtëgjyqësore dhe krimeve kundër njerëzimit. Hetuesit gjetën shkelje të rënda të të drejtave të njeriut, sikurse tortura, përdhunimi dhe forma të tjera të dhunës seksuale ndaj protestuesve.

Mbi 30 mijë arrestime u regjistruan dhe të paktën 551 protestues u vranë nga forcat e sigurisë, përfshirë 49 gra dhe 68 fëmijë.

“Shumica e vdekjeve u shkaktuan nga armët e zjarrit, sikurse pushkët”, thuhet në raport./UBTNews/

Vazhdo të lexosh

Lajmet

Putin me dekret për të rritur numrin e trupave ruse

Publikuar

6 orë më parë

më

16 Shtator, 2024

nga

Presidenti rus, Vladimir Putin urdhëroi të hënën ushtrinë ruse të rrisë numrin e trupave  për 180 mijë sosh, për të çuar numrin total të tyre në 1.5 milion. Dekreti presidencial i cili u publikua në faqen zyrtare të qeverisë, do të hyjë në fuqi më 1 dhjetor.

Dekreti përcakton numrin e përgjithshëm të personelit ushtarak rus në afro 2.4 milionë, përfshirë 1.5 milion trupa dhe urdhëron qeverinë të sigurojë fondet e nevojshme.

Në muajin qershor, presidenti rus Putin tha se numri i trupave të përfshirë në luftën e Rusisë në Ukrainë ishte 700 mijë ose më shumë se gjysma e të gjithë ushtarëve aktivë./UBTNews/

Vazhdo të lexosh

Të kërkuara