Sport

Vaksinimi kundër Covid-19 nuk do të jetë obligativ për tifozët e Kupës së Botës, Katari kërkon vetëm një test negativ

Turneu 29-ditor do të jetë ngjarja e parë e madhe sportive me tifozë që nga shpërthimi i pandemisë.

Published

on

Tifozët që marrin pjesë në Kupën e Botës në Katar duhet të tregojnë prova të një testi negativ COVID-19 pavarësisht nga statusi i tyre i vaksinimit, thanë organizatorët në një deklaratë të enjten.

Të gjithë vizitorët e moshës 6 vjeç e lart duhet të paraqesin një rezultat negativ nga një test PCR i marrë brenda 48 orëve para nisjes së tyre ose nga një test të shpejtë antigjen të marrë 24 orë para mbërritjes, tha Komiteti Suprem për Dorëzimin dhe Trashëgiminë.

Rezultatet e testeve të shpejta do të pranohen vetëm nëse janë nga qendrat mjekësore zyrtare dhe jo të vetë-administruara. Nuk do të kërkohen teste të mëtejshme në Katar nëse vizitorët nuk shfaqin simptoma të COVID-19.

Vizitorëve të moshës 18 vjeç e lart do t’u kërkohet gjithashtu të shkarkojnë një aplikacion në telefon – i quajtur Ehteraz- për gjurmimin e kontakteve, aplikacion ky i drejtuar nga qeveria.

Tifozët do të duhet të mbajnë maska ​​në transportin publik, por vaksinimi nuk është i detyrueshëm.

Katari ka regjistruar më shumë se 440,000 raste të konfirmuara të COVID-19 dhe 692 vdekje nga virusi, sipas të dhënave nga Ministria e Shëndetit Publik./UBTNews/

Lajmet

FINALISTËT E KUPËS SË KOSOVËS PËRCAKTOHEN PAS NDESHJEVE DRAMATIKE

Published

on

Dukagjini dhe Ferizaj kanë siguruar kualifikimin në finalen e Kupës së Kosovës, pas dy përballjeve të forta gjysmëfinale që u karakterizuan me tension dhe rivalitet deri në minutat e fundit.

Dukagjini triumfoi ndaj Ballkanit me rezultat 3-2, duke e mbyllur këtë duel me rezultat të përgjithshëm 6-2 dhe duke konfirmuar formën e mirë në fazën vendimtare të garës. Në anën tjetër, Ferizaj arriti të sigurojë finalen pas një ndeshjeje shumë të luftuar ndaj Llapit, e cila përfundoi 0-0 në kohën e rregullt. Ferizaj doli më i suksesshëm me rezultat të përgjithshëm 2-1.

Finalja e madhe e Kupës së Kosovës pritet të zhvillohet në stadiumin “Fadil Vokrri”, në një përballje që premton emocione dhe spektakël për trofeun e çmuar të garës.

Continue Reading

Sport

Rexhbecaj rikthehet te Wolfsburgu pas katër vitesh

Published

on

Skuadra e Wolfsburgut ka siguruar përforcimin e parë për sezonin e ardhshëm, duke rikthyer mesfushorin kosovar Elvis Rexhbecaj si transferim të lirë pas katër vitesh te Augsburg.

Drejtori sportiv Pirmin Schwegler theksoi se rikthimi i tij është i rëndësishëm jo vetëm për cilësitë në fushë, por edhe për karakterin dhe lidhjen e fortë me klubin. Rexhbecaj, i cili u rrit në akademinë e Wolfsburgut dhe debutoi në Bundesligë në vitin 2018, ka mbi 200 ndeshje në elitën gjermane dhe 16 paraqitje për Kosovën. Ai u shpreh i lumtur për rikthimin, duke theksuar se Wolfsburgu është vendi ku nisi karrierën e tij, ndërsa deri në fund të sezonit do të japë maksimumin për Augsburgun.

Continue Reading

Sport

Sot përcaktohen finalistët e Kupës së Kosovës

Published

on

By

Sot me fillim nga ora 15:00 do të zhvillohen dy ndeshjet kthyese të gjysmëfinaleve të Kupës së Kosovës në futboll, ku do të mësohen emrat e dy skuadrave që do të luftojn për trofeun e madh.

Dukagjini – Ballkani (Ndeshja e parë: 3-0) Në Klinë, Dukagjini pret kampionët në fuqi me një komoditet të madh pas fitores bindëse 3-0 në sfidën e parë. Ndonëse klinasit llogariten me një këmbë në finale, Ballkani udhëton me shpresën e fundit për një përmbysje historike, duke tentuar të shpëtojë sezonin përmes këtij trofeu.

Ferizaj – Llapi (Ndeshja e parë: 1-2) Dramë pritet të ketë në Ferizaj, ku vendasit presin Llapin e Tahir Batatinës në një duel plotësisht të hapur. Fitorja e ngushtë e llapjanëve 2-1 në Podujevë nuk garanton asgjë, pasi ferizajasit synojnë të shfrytëzojnë terrenin vendas për të siguruar biletën drejt finales së madhe.

Gjithçka mbetet për t’u vendosur brenda 90 minutave të sotme, ku emocionet janë në kulm dhe çdo detaj i vogël mund të përcaktojë fatin e katër skuadrave pretendente.

Continue Reading

Sport

Kritika të ashpra për Edon Zhegrovën pas ndeshjes me Bolognan

Published

on

By

Paraqitja e Edon Zhegrovës në sfidën kundër Bolognas ka ngjallur pakënaqësi te stafi teknik i Juventusit.

Sipas gazetarit Romeo Agresti, trajneri i “Zonjës së Vjetër” ka kritikuar ashpër anësorin e Kosovës për mungesë të disiplinës taktike, lëvizje të paqëndrueshme në fushë dhe vendimmarrje të gabuara në momente kyçe të lojës.

Ky reagim vjen në një kohë kur hapësira për Zhegrovën ka qenë mjaft e kufizuar. Para aktivizimit në ndeshjen ndaj Bolognas, ai ishte paraqitur me fanellën bardhezi vetëm tre minuta në pesë ndeshjet e fundit, përfshirë edhe inkuadrimin e tij në sfidën ndaj Sassuolos.

Kritikat e fundit mund të vështirësojnë më tej pozitën e tij në formacion, duke vënë në pah vështirësitë e përshtatjes me kërkesat taktike të skuadrës torineze.

Continue Reading

Të kërkuara