Lajmet

Vajzat afgane i kthehen mësimit online, por përballen me internet të dobët

Sofia është njëra nga gratë afgane që shfrytëzon internetin për të studiuar pas kufizimeve të talibanëve.

Published

2 years ago

on

Sofia kyçet në një kurs të gjuhës angleze online, që po mbahet nga një prej disa institucioneve arsimore të cilat po përpiqen të kontaktojnë vajzat dhe gratë afgane në mënyrë digjitale në shtëpitë e tyre. Por kur mësuesja i kërkon asaj të lexojë një fragment, ekrani i kompjuterit të saj ngrihet.

“A po më dëgjoni?”, pyet ajo vazhdimisht, teksa e kontrollon internetin.

Pas pak kohësh, kompjuteri i saj ‘kthehet në jetë’.

“Si zakonisht”, psherëtin një kolege e frustruar si pasojë e internetit të dobët.

22-vjeçarja Sofia është njëra nga gratë afgane që shfrytëzon internetin për të studiuar pas kufizimeve të talibanëve.

Zyrtarët talibanë, duke përmendur ato që ata i quajnë probleme që lidhen me veshjen islame, kanë mbyllur shkollat e mesme të vajzave, kanë ndaluar hyrjen e tyre në universitete dhe ua kanë ndaluar punën në organizata joqeveritare shumicës së grave.

Një nga ndryshimet më të habitshme qëkur talibanët morën pushtetin nga viti 1996 deri në vitin 2001, ndodhi me shpërthimin e internetit. Praktikisht askush nuk kishte qasje në internet kur talibanët u rrëzuan nga pushteti vetëm disa javë pas sulmeve të 11 shtatorit të vitit 2001 në Shtetet e Bashkuara.

Administrata e talibanëve ua ka mundësuar vajzave të studiojnë individualisht në shtëpi si dhe nuk ka ndërmarrë hapa për ta ndaluar përdorimin e internetit, meqë zyrtarët e përdorin atë për të dhënë njoftime përmes rrjeteve sociale. Por vajzat dhe gratë përballen me një sërë problemesh nga ndërprerjet e energjisë elektrike, deri te shpejtësitë e ngadalta të internetit, e lëre më koston e kompjuterëve dhe Wi-Fi në një vend ku 97% e njerëzve jetojnë në varfëri.

Sakina Nazari filloi mësimin online të gjuhës nga shtëpia e saj në perëndim të Kabulit për një javë pasiqë u detyrua të largohej nga universiteti gjatë muajit dhjetor. Megjithatë ajo është e zhgënjyer meqë përballet me probleme.

Disa afganë kanë filluar t’i bëjnë thirrje shefit ekzekutiv të SpaceX, Elon Musk, që të prezantojë shërbimin e internetit satelitor Starlink në Afganistan, siç ka bërë në Ukrainë dhe Iran, përmes Twitterit.

Daniel Kalmanson, zëdhënës i faqes së Universitetit të Popullit, që ka pasur mbi 15 mijë aplikime nga vajza dhe gra afgane qëkur talibanët morën pushtetin, tha se studentët mund të mësojnë në çdo kohë, si dhe profesorët u dhanë afate shtesë për detyra dhe provime kur studentet përballeshin me probleme të internetit./UBTNews/

Related Topics:
Continue Reading

Aktualitet

Parashikimi i motit

Published

1 minute ago

on

July 30, 2025

By

Në nivel vendi parashikohet të mbajë mot me vranësira të shpeshta dhe intervale me diell gjatë ditës.

Reshjet e shiut mund të përfshijnë pjesët malore të vendit, njofton IHMK.

Temperaturat minimale do të lëvizin prej 14 deri në 17 gradë Celcius, ndërsa ato maksimale prej 23 deri në 27 gradë Celcius.

Continue Reading

Lajmet

Zyrtare: Felix transferohet nga Chelsea në Al-Nassr

Published

14 hours ago

on

July 29, 2025

By

Joao Felix është larguar nga Chelsea dhe ka nënshkruar një kontratë të përhershme me Al-Nassr.

Portugezi bëri 20 paraqitje në të gjitha garat për Blues sezonin e kaluar, duke shënuar shtatë gola pas transferimit të tij të verës në Stamford Bridge nga Atletico Madrid.

Ai e kaloi gjysmën e dytë të sezonit 2024/25 si huazim te AC Milan dhe tani është larguar nga “Blutë” në mënyrë të përhershme, duke u bashkuar me skuadrën e Ligës Profesionale Saudite, Al-Nassr.

Continue Reading

Lajmet

Rastet e para të sëmundjes “Gjuha e Kaltër” konfirmohen në Kosovë, AUV merr masa parandaluese

Published

15 hours ago

on

July 29, 2025

By

Agjencia e Ushqimit dhe Veterinarisë (AUV) ka konfirmuar sot, më 29 korrik 2025, rastet e para të sëmundjes virale “Gjuha e Kaltër” në dy ferma: në fshatin Marec (Prishtinë) dhe në fshatin Brus (Lipjan).

Sëmundja, e cila transmetohet nga mushkonjat e llojit Culicoides, prek ruminantët si delet, dhitë dhe gjedhët, por nuk transmetohet te njerëzit.

Për të parandaluar përhapjen e saj, AUV ka ndaluar lëvizjen e kafshëve në të gjithë territorin e Kosovës dhe ka vendosur masa të rrepta biosigurie.

Fermat e prekura janë vendosur në karantinë të plotë, ndërsa fermerët janë urdhëruar të përdorin masa të dezinfektimit dhe të shmangin kontaktin ndërmjet tufave. Po ashtu, është pezulluar puna në të gjitha tregjet e kafshëve, dhe Policia e Kosovës, bashkë me autoritetet komunale, do të mbikëqyrin zbatimin e vendimit.

Continue Reading

Lajmet

FSK konfirmon gjetjen e trupit të pajetë të 33-vjeçarit të zhdukur në liqenin e Ujmanit

Published

15 hours ago

on

July 29, 2025

By

Forca e Sigurisë së Kosovës (FSK) ka konfirmuar gjetjen e trupit të pajetë të 33-vjeçarit që ishte zhdukur ditë më parë në liqenin e Ujmanit.

Në një njoftim zyrtar, FSK bëri të ditur se pas kërkimeve intensive, është lokalizuar trupi i viktimës, i cili më pas i është dorëzuar Policisë së Kosovës dhe ekipit të forenzikës për procedurat e mëtejme ligjore.

Njoftimi:

FSK-ja gjen trupin e pajetë të personit të zhdukur

Pas ftesës së Qendrës së Situatave të Qeverisë së Republikës së Kosovës, dhe koordinimeve me partnerët për angazhimin e Ekipeve të FSK-së, Komandanti i FSK-së Gjenerallejtënant Bashkim Jashari ka urdhëruar ekipet e Kërkim Shpëtimit në Ujëra, për realizimin e operacionit humanitar në kërkim të personit të raportuar si i zhdukur. Me pranimin e urdhërit, ekipet e FSK kanë marrë të gjitha masat dhe në koordinim me partnerët ndërkombëtarë dhe qëndror janë angazhuar në operacion e kërkimit të personit të zhdukur.

Falë intesitetit të lartë të kërkimit dhe profesionalizmit të ekipeve tona në terren, pas disa orësh kërkimi në bashkëpunim me Policinë e Kosovës, AME dhe KFOR, kanë arritur të gjejnë trupin e pajetë në zonën e liqenit të Ujmanit.

Pas evakuimit, trupi i pajetë i viktimës i është dorëzuar Policisë së Kosovës dhe ekipit të forenzikës për procedurat e mëtejme.

Continue Reading

Të kërkuara