Shëndeti

Vaji esencial i dafinës – Efektet shëruese për të gjitha organet e trupit

Dafina është një bimë që e ka pasur vendin në fronet e nderit në Romën apo Greqinë e lashtë.

Published

on

Vaji esencial i dafinës është shumë efikas kundër simptomave të reumatizmës, dhimbjeve muskulare, problemeve me qarkullimin, të ftohtit, gripit, infeksioneve dentare, diaresë, infeksioneve të lëkurës, problemeve me flokët dhe skalpin.

Dafina është një bimë që e ka pasur vendin në fronet e nderit në Romën apo Greqinë e lashtë.

Shumë qytetërime e kanë pasur dafinën pjesë të pandashme të fesë, kulturës, traditës dhe mjekësisë.

Përfitimet shëndetsore që vijnë nga vaji esencial i dafinës i atribuohen aftësisë së kësaj bime për të luftuar mikrobet, mikroorganizmat që shkaktojnë sëmundje, dhimbjet nervore.

Vaji stimulon nxjerrjen e lëngjeve biliare, ciklin menstrual dhe uljen e temperaturës.

Ai zbraps insektet, ka efekt qetësues sidomos për stomakun, nxit djersitjen dhe shquhet si një tonik i mirë.

Vlerat shëndetsore të vajit të dafinës
Kundër mikroorganizmave të dëmshëm

Ky vaj është antiseptik dhe mbron trupin kundër shumë infeksioneve dhe baktereve pushtuese që ushqehen nga plagët e njeriut.

Antibiotik

Ky vaj shquhet si antibiotik shumë efikas. Kjo do të thotë se parandalon dhe pengon rritjen e mikrobeve, baktereve apo mykut në organizëm duke e mbrojtur atë nga infeksione të ndryshme.

Kontraktimet muskulare

Kolla, dhimbjet, diarea, acarimet nervore janë disa prej simptomave të shkaktuara nga kontraktimet e traktit respirator, muskujve, nervave, enëve të gjakut dhe organeve të tjera të brendshme.

Kundër dhimbjeve

Vaji esencial i dafinës zbut dhimbjen dhe është shumë efikas kundër kollës, të ftohtit, infeksioneve të stinës, gripit dhe ndrydhjeve.

Lëngjet biliare

Vaji i dafinës stimulon prodhimin e lëngjeve biliare në stomak, duke ruajtur balancën e aciditetit dhe duke përshpejtuar shpërbërjen e molekulave komplekse të ushqimit.

Në këtë mënyrë, neutralizohet aciditeti i tepërt të stomak duke mbrojtur kështu shtresat e brendshme të stomakut, lëndimi i të cilave çon në shfaqjen e ulçerës.

Cikli menstrual

Vaji esencial i dafinës është efikas në rregullimin e ciklit menstrual tek femrat. Ky vaj zbut dhimbjet dhe problemet e tjera që shfaqen gjatë ciklit menstrual.

Kundër temperaturës

Disa përbërës të vajit të dafinës luftojnë infeksionet që shkaktojnë kollën, të ftohtin dhe temperaturën. Ky vaj arrin ta ulë atë duke nxitur djersitjen dhe ulur temperaturën e trupit.

Kundër insekteve

Vaji i dafinës është vdekjeprurës për insektet dhe kafshë të ndryshme. Ky vaj mund të përdoret në solucione të ndryshme kundër insekteve që mësyjnë në hapësirat e brendshme.

Qetësues

Vaji esencial i dafinës qetëson nervat dhe zbut shqetësimet nervore. Ai është efikas kundër epilepsisë, histerisë, spazmave, ankthit, stresit, depresionit, zemërimit e të tjerë.

Miku i stomakut

Vaji esencial i dafinës ruan funksionet e stomakut dhe garanton shëndetin e tij duke e mbrojtur nga infeksionet, aciditeti i tepërt dhe ulçera.

Nxit djersitjen

Vaji esencial i dafinës nxit djersitjen dhe lehtëson largimin e toksinave, kripës së tepërt, ujit dhe yndyrnave nga trupi nëpërmjet djersës.

Kështu, trupi është më i lehtë dhe më i mbrojtur nga problemet e shkaktuara nga toksinat, kripa dhe uji i tepërt.

Toniku i mrekullueshëm

Vaji esencial i dafinës është një tonik i mrekullueshëm që përmirëson metabolizmin, shpërbërjen e ushqimit, përthithjen e ushqyesve nga mëlçia, stomaku dhe zorrët dhe ofron forcë dhe shëndet të mirë.

Ky tonik rregullon sekretimin e hormoneve dhe enzimave dhe ushqen sistemin nervor duke ju bërë më aktiv dhe më vigjilentë.

Toniku përmirëson sistemin imunitar dhe mbron organizmin nga infeksionet./AgroWeb.org

Continue Reading

Shëndeti

Katër ushqime që ju bëjnë të humbni peshë

Published

on

Sheqerna të thjeshta, të tilla si sheqeri që konsumojmë në dietën tonë, nëse hahen në sasi të mëdha krijojnë të ashtuquajturat rreth vicioz.

Në fakt, sheqernat e thjeshta vijnë shpejt në gjakun tonë dhe arrijnë një koncentrim të lartë.

Pas rritjes së shpejtë, ka një rënie të shpejtë, andaj trupi dërgon sinjale se dëshiron një dozë të re sheqeri.

Për të thyer këtë rreth vicioz, rekomandohet të merren ushqimet e mëposhtme, të cilat, pavarësisht faktit se përmbajnë sheqerna, kanë lëndë ushqyese të nevojshme për organizmin.

Këto janë 4 ushqimet që ndihmojnë të dobësoheni:

Mollë;
Misër;
Patate;
Domate. /UBT News/

Continue Reading

Shëndeti

Kundër shëndoshjes së fytyrës! Çfarë duhet të bëni?

Published

on

Humbja në peshë mund të jetë sfiduese, sidomos nëse bëhet fjalë për zona specifike të trupit. Humbja e dhjamit në zonën e fytyrës në veçanti bëhet shumë frustruese.

Ushtrime për fytyrën

Përmirësojnë paraqitjen e fytyrës, luftojnë shenjat e plakjes, përmirësojnë muskujt e fytyrës. Ekspertët rekomandojnë fryrjen e brendshme të faqeve dhe kalimin e ajrit nga njëra anë në tjetrën. Mbledhja e buzëve në formën e një puthjeje dhe lëvizja në anë është efikase.

Ata rekomandojnë buzëqeshjen e hapur me dhëmbët shtrënguar për disa sekonda. Ushtrime të tilla duhen bërë dy herë në ditë për 8 javë.

Ushtrimet Kardio

Dhjami i tepërt në fytyrë është rezultat i shëndoshjes së tepërt në pjesët tjera të trupit. Aerobia dhe ushtrimet kardio rrisin ritmin e zemrës dhe përshpejtojnë rënien nga pesha.Ekspertët rekomandojnë 20-40 minuta ushtrime të tillë në ditë.

Uji

Thelbësor për rënien nga pesha. Konsumi i ujit përshpejton metabolizmin me 24 përqind. Hidratimi shmang akumulimin e lëngjeve në organizëm dhe parandalon fryrjen e trupit.

Kufizimi i alkoolit

Nëse e teproni me alkolin do të ndiheni dhe dukeni më të fryrë, sepse ofron shumë kalori e rrit gjasat e shtimit në peshë. Sasia e lejuar e pijeve alkolike është një deri në dy gota në ditë për meshkujt dhe një gotë në ditë për femrat.

Karbohidratet e rafinuara

Biskotat e ëmbla apo të kripura qofshin si dhe makaronat janë ndër fajtorët më të mëdhenj të shtimit në peshë, janë të përpunuara e nuk kanë ushqyes të shëndetshëm apo fibër. Praktikisht këto karbohidrate janë sheqer që nxit rrezikun e teprimit me ushqimin.

Gjumi

Thelbësor për rënien nga pesha, mungesa e tij rrit nivelin e kortizolit, hormoni i stresit që shkakton efekte anësore të shumta ndër të cilat edhe shtimi në peshë. Nivelet e larta të kortizolit rrisin oreksin dhe tjetërsojnë metabolizmin duke shtuar depozitat e dhjamit.

Kujdes me kripën

Konsumi i tepërt nxit fryrjen jo vetëm në fytyrë por trup. Kripa nxit akumulimin e ujit në trup. Ushqimet e përpunuara ofrojnë 77 përqind të kripës që konsumon njeriu në ditë.

Continue Reading

Shëndeti

Pse mpihen duart, kur duhet të shqetësoheni?

Published

on

Duart përmbajnë disa nga nervat më të ndjeshëm në trup. Sikur edhe njëri nga këto nerva ose një pjesë e tyre është e ndrydhur ose disi e dëmtuar, fillojnë problemet.

Truri juaj nuk mund të marrë të gjitha informacionet ndjesore që duart tuaja po e dërgojnë, rezultati është mpirja.

Studimet thonë se një nga shkaqet më të zakonshme të mpirjes së dorës është sindroma e tunelit të kyçit të dorës. Nervi i mesëm, që shkon poshtë parakrahut deri në pëllëmbën tuaj, qëllon të ndrydhet.

Kjo gjendje është e zakonshme për njerëzit që shpenzojnë kohë duke punuar në kompjuter a edhe në telefonat celularë. Simptomat e tunelit të kyçit të dorës përfshijnë ndjesi që një ose më shumë gishtërinj, fryhen dhe japin pickime.

Çfarë tjetër mund të jetë shkak për mpirjen e duarve tuaja? Edhe disa faktorë të tjerë me rëndësi.

Çrregullime të tiroides

Edhe çrregullim i tiroideve çon në mpirjen e dorës. Një gjendër tiroide nën-aktive ose hipotirodizmi rezulton në dëmtimin e nervave që transportojnë informacion midis trurit, palcës kurrizore dhe gjymtyrëve.

Teprimet me alkoolin

Pirja e rëndë çon në neuropati alkoolike ose dëme nervore. Gjysma e gjithë përdoruesve të alkoolit zhvillojnë një formë të kësaj gjendje, thonë studimet. Shenjat përfshijnë mpirje në krahë ose këmbë, ndjesi të çuditshme dhe pickime në gjymtyrët tuaja, dhe dobësi të muskujve.

Kistet dhjamore

janë grumbullime dhjamore jo-kancerogjene që formohen kudo, kanë tendencë të shfaqen edhe rreth kyçeve. Sipas studimeve mjekësore, kistet dhjamore janë të zakonshme. Nëse formohet në dore, mpirja është një simptomë e zakonshme. Këto kiste nganjëherë zhduken vetë.

Skleroza e shumëfishtë

Një sëmundje në të cilën sistemi imunitar sulmon një substancë yndyrore që mbron fibrat nervore të trurit dhe palcës kurrizore. Kjo rezulton në mpirjen e dorës. Sëmundja godet në çdo moshë, ka gjasa të shfaqet gjatë moshave 20 dhe 30 vjeçare. Femrat kanë dy herë më shumë të ngjarë se meshkujt të vuajnë nga skleroza e shumëfishtë.

Goditja në tru

Mpirja e duarve ose ndjesia e shpimeve mund të jetë shenjë se jeni duke marrë një goditje në tru. Rreth 10% e të gjitha viktimave të goditjes janë më të rinj se 45 vjeç. Edhe duke qenë të aftë dhe fizikisht aktivë, nuk do të thotë që nuk jeni në rrezik.

Diabeti

Urinimi i shpeshtë, etja e tepruar e nivelet e larta të sheqerit në gjak janë shenjat e paradiabetit. Shumë njerëz që zhvillojnë diabet të tipit të plotë 2 se kuptojnë. Nëse nuk trajtohet, mpirja e duarve zhvillohet si pasojë e dëmtimit nervor të lidhur me diabetin. /UBT News/

Continue Reading

Shëndeti

Si të ruani funksionet mendore gjatë moshës së shtyrë?

Published

on

Studimet kanë treguar se truri ka nevojë për stimulim të vazhdueshëm për të mbajtur funksionet e tij të shëndetshme.

Aktivitetet si leximi, lojërat që kërkojnë mendim dhe ushtrimet e trurit janë të dobishme për ruajtjen e kujtesës dhe funksioneve mendore.

Një mundësi e shkëlqyer për të mbajtur trurin aktiv është angazhimi në aktivitete sociale dhe intelektuale, siç janë bisedat me miqtë, lojërat e mendjes dhe zgjidhja e problemit.

Këto stimulojnë aktivitetin mendor dhe të ndihmojnë në forcimin e lidhjeve ndërmjet neuroneve.

Përveç stimulimit intelektual, ushtrimet fizike janë të rëndësishme për shëndetin e trurit.

Aktivitetet fizike si ecja, vrapimi dhe joga ndihmojnë në rritjen e qarkullimit të gjakut në tru dhe përmirësojnë funksionet kognitive, duke ndihmuar në ruajtjen e kujtesës dhe shpejtësisë mendore.

Një regjim i shëndetshëm i jetesës që përfshin dietë të balancuar, aktivitet fizik të rregullt dhe stimulim mendor, është thelbësor për ruajtjen e shëndetit të trurit gjatë moshës së shtyrë dhe parandalimin e humbjes së funksioneve mendore.

Continue Reading

Të kërkuara