Sport

Usyk para meçit të madh të së shtunës: As që po mendoj për Joshuan

Published

5 years ago

on

Oleksandr Usyk do të përballet me Anthony Joshuan për titujt e botës në kategorinë e rëndë të shtunën në Londër, por sfiduesi ukrainas pretendon se ende nuk ka filluar të mendojë për kampionin.

Joshua do t’i rrezikojë titujt e vet të botës në WBA, IBF, WBO dhe IBO në Stadiumin e Tottenham Hotspur, në atë që po vlerësohet si testi më ndërlikuar për boksierin britanik deri tani në karrierën e tij.

Usyk, i njohur me nofkën macja, i ka zhvilluar vetëm dy luftëra në kategorinë e rëndë deri tani, por ai e ka fituar çdo titull të botës në kategorinë gjysmë të rëndë, para se të ngrihej në kategorinë më të lartë.

Ai do ta ketë mundësinë e parë për të luftuar për tituj të botës në kategorinë e rëndë ndaj kampionit Joshua dhe një shans për të vulosur emrin e vet në mesin e të mirëve të të gjitha kohëve.

Ukrainasi, i cili e fitoi medaljen e artë olimpike në kategorinë e rëndë në të njëjtin vit që Joshua e fitoi të artën në kategorinë super të rëndë, thotë se ende nuk e ka vëmendjen kah rivali i tij dhe meçi i së shtunës.

Usyk thotë më shumë është i shqetësuar për atë se si djali i vet po kalon në ditët e tij të para në shkollë, sesa për atë se çfarë do të bëjë Joshua në ring.

“Tani për tani, nuk po mendoj për Anthony Joshuan. Nuk po mendoj se çfarë do të bëjë ai, çfarë do të përdorë apo si do të boksojë”, tha Usyk për Sun.

“Tani kam paksa kohë për ta përfunduar kampion tim stërvitor dhe pastaj ka mundësi që mendoj për meçin”, nënvizoi ai.

“Në këtë kohë po mendoj më shumë se si po ndihet biri im në shkollë, sepse ai sapo e ka nisur klasën e parë dhe nuk donte të shkonte në shkollë. Ai më thoshte: ‘Nuk dua të shkoj në shkollë baba. Po mërzitem në shkollë dhe ti nuk je aty’. Por çdo gjë është në rregull tani, duket se ai është qetësuar. Prandaj, mbase do të mendoj më shumë për atë që mund ta bëjë Anthony Joshua në ring”, shtoi ai.

Related Topics:
Continue Reading

Sport

Sot nis edicioni i ri i Superligës së Kosovës në Futboll

Published

2 days ago

on

August 14, 2026

By

Sot fillon zyrtarisht edicioni i ri i Superligës së Kosovës 2026/27, përballja do të jetë mes Feronikelit ’74 dhe Gjilanit në stadiumin “Rexhep Rexhepi” në Drenas të cilët do të hapin kampionatin.

Drenicasit do t’i presin gjilanasit në sfidën që do të filloj nga ora 16;30, kjo do të jetë ndeshja e parë dhe e vetme që do të zhvillohet sot.

Më pas java e parë do të vazhdojë të shtunën dhe të dielën.  /A.M/

Continue Reading

Lajmet

Dominim i plotë i Dritës: Përmbushjes së objektivit evropian i mbetet vetëm edhe një hap

Published

2 days ago

on

August 14, 2026

By

Kampionia e Kosovës në futboll, Drita, ka siguruar me sukses kalimin në fazën play-off të UEFA Conference League, pasi mposhti thellë me rezultat 5:0 ekipin nga San Marino, Tre Fiori, në ndeshjen e kthimit të zhvilluar në stadiumin “Fadil Vokrri” në Prishtinë.

Me këtë triumf bindës dhe me rezultatin e përgjithshëm 9:1 nga të dyja ndeshjet, gjilanasit bëjnë një tjetër hap të madh drejt përsëritjes së suksesit për kualifikim në fazën e ligës. Në raundin e ardhshëm play-off, Drita do të përballet me skuadrën nga Andorra, Inter Club d’Escaldes, një kundërshtar që e ka mposhtur edhe në edicionin 2020/21.

Ndeshja e zhvilluar në kryeqytet u dominua tërësisht nga vendasit që nga minuta e parë, ku pjesa e parë u mbyll me avantazhin 3:0 falë dy golave të mesfushorit francez Kemehlo Nguena dhe një penalltie të realizuar nga Arb Manaj.

Me të nisur pjesa e dytë, zëvendësuesi Mike Arthur çoi shifrat në 4:0, ndërsa sulmuesi Arb Manaj vulosi fitoren e thellë me golin e tij të dytë personal në minutën e 60-të. Kjo sfidë shënoi edhe rikthimin fitues në stol të trajnerit Ardian Nuhiu, i cili u shpreh i kënaqur me karakterin e ekipit, por nëgjiroman theksoi se fokusi i menjëhershëm i skuadrës do të jetë ndeshja e së dielës në Superligë kundër Llapit, përpara se të mendojnë për përballjen evropiane ndaj ekipit nga Andorra. /E.A/

Continue Reading

Lajmet

Kapitull i ri për Lakers: Shitje rekord prej 12.5 miliardë dollarësh

Published

3 days ago

on

August 13, 2026

By

Klubi i njohur i basketbollit, Los Angeles Lakers, pritet të shitet për shumën rekord prej 12.5 miliardë dollarësh, në një marrëveshje historike që do të ndryshojë pronësinë e një prej skuadrave më ikonike të NBA-së.

Blerësit e rinj pritet të jenë Josh Kushner, themelues i kompanisë së investimeve “Thrive Capital”, dhe Bob Iger, ish-drejtori ekzekutiv i “Disney”. Ata janë në proces të marrjes së aksioneve kontrolluese të klubit.

Më parë, Mark Walter, i cili mori shumicën e aksioneve të Lakers nga familja Buss, kishte investuar rreth 10 miliardë dollarë në klub. Marrëveshja e tij u miratua nga Bordi i Guvernatorëve të NBA-së në tetor të vitit 2025.

Kushner dhe Iger kanë shprehur kënaqësinë për mundësinë e drejtimit të Lakers, duke theksuar synimin për të ruajtur traditën e klubit dhe për ta rikthyer atë në majat e basketbollit amerikan. /A.M/

 

Continue Reading

Sport

E ardhmja e Maignan: Mes Milanit dhe Arabisë Saudite

Published

3 days ago

on

August 13, 2026

By

Klubi i futbollit Al Nassr ka shfaqur interesim konkret për portierin e Milanit, Mike Maignan, teksa gjiganti saudit është në kërkim të një portieri të ri për ta vendosur titullar në përbërjen e tij.

Ndërkohë, situata e gardianit francez pritet të qartësohet shumë shpejt. Maignan dhe drejtuesit e klubit italian do të zhvillojnë një takim kokë më kokë, ku pritet të diskohet hapur e ardhmja e tij dhe qëndrimet e të dyja palëve.

Megjithatë, ende mbetet e paqartë nëse 30-vjeçari do të jetë i gatshëm të transferohet në Arabinë Saudite apo dëshiron të vazhdojë aventurën e tij në “San Siro”. /A.M/

Continue Reading

Të kërkuara