Pastrimi i tepërt në shtëpi rrezikon shëndetin tuaj. Hulumtimi i ri paralajmëron për rreziqet e higjienës, sepse ekspozimi i ekuilibruar ndaj mikrobeve dhe baktereve trajnon mbrojtjen tonë për të shmangur alergjitë dhe sëmundjet autoimune.

Ekologët mikrobikë Jack Gilbert dhe Erica Hartmann kanë zbuluar një lidhje të ngushtë mes”mikrobiomës” së vendeve ku jetojmë dhe shëndetit. Në një studim matën se sa material gjenetik lëshojmë në mjedis: 31 miligramë masë mikrobike dhe 37 milionë kopje të gjenomave bakteriale në orë.

Nga kjo del se shtëpitë kanë mikrobiomën e tyre të përbërë nga baktere, arkea, viruse dhe kërpudha që vijnë nga ne dhe nga kafshët me të cilat jetojmë, kafshë shtëpiake, por edhe kacabu ose minj, nëse ka -, nga ajri, nga uji dhe nga toka.

Ndikimi i hapësirave të ndërtuara në shëndet është temë që ka tërhequr vëmendjen e studiuesve e kanë përdorur hipotezë higjienike: ekspozimi adekuat ndaj mikrobeve në mjedis stërvit sistemin imunitar të mos reagojë kundër stimujve të padëmshëm, si në alergji – ose kundër trupit tonë, si në sëmundjet autoimune.

Sipas Gilbertit, «mungesa e ekspozimit ndaj antigjeneve të ndryshëm, veçanërisht atyre mikrobikë, mund të çojë në çrregullim imunitar dhe sëmundje kronike». Për momentin, ka pak studime, por lidhja midis mikrobiomës shtëpiake dhe sëmundjeve të frymëmarrjes, funksionit të sistemit imunitar, çrregullimeve metabolike dhe madje edhe mendore duket e sigurt.

Për këtë arsye, ekspertët paralajmërojnë se është gabim i zakonshëm të mendosh se një shtëpi e shëndetshme është plotësisht pa mikrobe. /UBT News/

Sheqeri i lartë në gjak mund të shkaktojë një mori efektesh anësore dhe me kalimin e kohës, çon edhe në diabet. Por, ka disa mënyra për të menaxhuar nivelet e sheqerit në gjak, dhe shmangia e disa ushqimeve është pikënisje e shëndetshme.

Një dietë që përbëhet nga ushqime të pasura me fibra, karbohidrate të pa përpunuara, peshk e yndyrna të shëndetshme, këshillohet për ata me sheqer të lartë.

Për sa i përket ushqimeve që duhen shmangur,  përfshihen ushqimet e pasura me sheqer të shtuar dhe karbohidrate të rafinuara.

Ja lista e ushqimeve më të këqija që këshillohet të shmangni.

Embëlsuesit natyral – Disa njerëz përpiqen të shmangin sheqerin e bardhë e kërkojnë diçka më natyrale si mjalti. Fatkeqësisht, edhe pse këto burime të sheqerit janë më të natyrshme se ai i bardhë i rafinuar, mund të shkaktojnë rritje të sheqerit. Në vend që të kërkoni mjaltë, provoni një ëmbëlsues me zero kalori.

Ushqimet e skuqura – Ngrënia e ushqimeve të skuqura shkakton rritje në nivelet e glukozës në gjak. Këto ushqime të mbushura me yndyrna, për shkak të vajit që përdoret çon në një tepricë të sheqerit në gjak. Ushqimi i skuqur mund të rrisë rrezikun e kolesterolit të lartë, shtimit në peshë e zhvillimit të diabetit të tipit 2.

Patatet – Mund të mos jenë ushqimi më i mirë për sheqerin në gjak. Megjithatë, nuk duhet ta shmangni këtë ushqimi, por preferohet kombinimi me disa ushqime të pasura me fibra ose proteina, të cilat mund të ndihmojë në balancimin e sheqerit.

Ushqimet e larta në yndyrna të pashëndetshme – Ato mund të ndikojnë në nivelet e sheqerit se insulina është një nga hormonet më të rëndësishme në rregullimin e niveleve të glukozës në gjak.

Kosi i frutave – Këto produkte që mund t’i gjeni në raftet e marketeve, edhe pse në dukje të shëndetshme, në të vërtetë përmbajnë sheqer dhe nuk kanë të njëjta vlera sa një kos shtëpie, të cilit mund t’i shtoni frutat tuaja të preferuara të stinës.

Lëngjet e frutave – Fibrat dietike ashtu edhe proteinat, që ndihmojnë në balancimin e sheqerit në gjak, nuk mund të gjenden me shumicë në lëgjet e frutave.

Shumë nga këto lëngje të shiten në ushqimore janë të pasura me karbohidrate, që rrisin edhe më shumë sheqerin e lartë në gjak. Në vend të kësaj, përdorni qumësht, kos apo edhe kefir, e shtoni një burim fibrash si fruta të freskëta ose të ngrira. Plus, disa arrorë dhe farat si ato chia ose të lirit.

Ju mund të shtoni edhe një lugë gjalpë kikiriku, ose pluhur proteinash për ta mbajtur sheqerin në gjak më të qëndrueshëm.

Karbohidratet e përpunuara – Përfshihen buka e bardhë, orizi i bardhë, patatet dhe ushqime të lehta si patatina etj. Nuk keni nevojë t’i përjashtoni ato. Për të ulur ndikimin e tyre, kombinoni me ushqime të pasura me proteina dhe fibra.

Drithërat me sheqer – Disa drithëra mund të jenë të larta në karbohidrate dhe u mungojnë fibrat dietike dhe proteinat, dy lëndë ushqyese që mbajnë sheqerin në gjak të qëndrueshëm dhe në kontroll.

Karamelet dhe ëmbëlsirat – Fatkeqësisht, nëse sheqeri në gjak është i lartë, gjëja e fundit që duhet të bëni është të konsumoni grushta me karamele. Pavarësisht se çfarë lloj karamelesh apo ëmbëlsirash  zgjidhni, mirë që t’i shmangni. /UBT News/

Shkencëtarët kanë një përgjigje për të gjithë personat që vazhdimisht kërcasin gishtat dhe që shumë e konsiderojnë si një veprim të dëmshëm.

Ajo që ndodh në të vërtetë kur ju kërcisni gishtat është përthyerja e vendit ku dy kockat e gishtave bashkohen, të cilat janë të mbështjella nga një kapsulë e përbashkët e mbushur me lëng.

Në momentin e kërcitjes hapësira mes kockave zgjerohet dhe lëngu i përbashkët bëhet i pamjaftueshëm për të mbushur boshllëkun. Presioni brenda bie dhe shfaqet një flluskë e mbushur me gaz. Tingulli që ne dëgjojmë është plasja e kësaj flluske. Në bazë të një testi të realizuar nga studiuesit personat që kërcasin gishtat nuk vuajnë nga enjtja e duarve dhe artriti.

Nëse deri më tani keni menduar se vesi i të kërciturit të gishtërinjve është në dëm të shëndetit tuaj, në bazë të këtij studimi vërtetohet se jeni gabuar.

Megjithatë duhet të dini se ky veprim juaji është shenjë e nervozizmit të shpeshtë.

Studimet në Singapor, të zhvilluara në më shumë se 60 500 persona brenda 14 viteve, kanë zbuluar se konsumimi i dy ose më shumë e pijeve të gazuara në ditë, rrit rrezikun e prekjes nga kanceri deri në 87%

Studiuesit rekrutuan më shumë se 60,500 njerëzish, si pjesë e studimit të Singapore Chinese Health study. Karcinoma e pankreasit është një prej llojeve malinje të karcinomës, duke marrë parasysh se gjasat e mbijetesës pesë vite nga momenti i diagnostifikimit janë vetëm 5%.

Incidenca e kancerit të pankreasit lidhet edhe me një varg faktorësh, si jeta e parregullt, konsumimi i kalorive të mëdha, pirja e duhanit dhe ulja e aktivitetit trupor, të cilat po ashtu janë në të njëjtin grup me konsumimin e pijeve të gazuara.

Një prej mekanizmave që llogariten si përgjegjës për kancerogjenezën është edhe stimulimi i qelizave të pankreasit me vlera të larta të sheqerit në gjak, ndërsa fakti se pijet e gazuara stërmbushin organizmin me sheqerna të dëmshëm, është i pamohueshëm.

Pijet e gazuara, edhe nëse premtojnë pak sheqer, përmbajnë kimikate që shkatërrojnë organizmin. Problemi me to është që janë vatër shqetësimesh për organizmin se gjenden sasi e madhe përbërësish të dyshimtë dhe kimikate, si aspartami, BPA (bisfenol A), ngjyrues kimik.

Aspartami – Substancë 200 herë më e ëmbël se sheqeri. Është i rrezikshëm se shkakton marramendje, humbje kujtese, diarre, migrenë, dhimbje të rregullta koke dhe luhatje humori. Bisfenoli A është krijuar për të imituar strukturën dhe funksionin e hormonit estrogjen.

Për shkak të formës si estrogjen, BPA lidhet me receptorët e estrogjenit ndikon në proceset trupore, si rritja, riparimi i qelizave, zhvillimi i fetusit, niveli i energjisë e riprodhimi. Ngjyruesi artificial është kancerogjen, prodhohet nga ngrohja e sheqerit me amoniak. Brenda këtij ngjyruesi gjendet një kimikat me emrin 4 Mel që është në listën e përbërësve që duhen shmangur. /UBT News/