Lajmet

Ushqimet që ndihmojnë në uljen e kolesterolit

Published

on

Ushqimi ka një ndikim të drejtpërdrejtë në shumë aspekte të jetës, përfshirë shëndetin e zemrës.

Ushqime të caktuara mund të përmirësojnë nivelet e kolesterolit dhe nga ana tjetër të zvogëlojnë rrezikun e sëmundjeve të zemrës.

Mbajtja e kolesterolit tuaj në një nivel normal duke zgjedhur ushqimet e duhura do t’ju ndihmojë të bëni një jetë më të shëndetshme.

Arra

Në një përmbledhje të tri studimeve të mëdha, njerëzit që hëngrën më shumë arra kishin një rrezik më të ulët të sëmundjeve kardiovaskulare dhe koronare të zemrës.

Arrat janë veçanërisht të shkëlqyera për shëndetin e zemrës, sepse ato përmbajnë një acid alfa-linolenik shumë të rëndësishëm omega-3, i cili shoqërohet me një rrezik të zvogëluar të sëmundjeve kardiovaskulare, të tilla si sulmi në zemër ose goditja në tru.

Avokado

Përmban shumë yndyra të shëndetshme të pangopura dhe fibra dietike që ndihmojnë në uljen e niveleve të kolesterolit. Një studim i vitit 2020 zbuloi se njerëzit që ishin mbipeshë dhe që hëngrën një avokado në ditë kishin një profil të përmirësuar të kolesterolit në krahasim me kohën para marrjes së avokados.

Elbi

Është një lloj i fibrave të tretshme që ndihmon në uljen e niveleve të kolesterolit duke bashkëvepruar me yndyrat dhe kripërat biliare në traktin tretës.

Një përmbledhje dhe meta-analizë e provave të kontrolluara të rastësishme nga viti 2016 zbuloi se beta-glukani i elbit ul nivelet e kolesterolit. Prandaj, përfshirja e elbit në dietë mund të zvogëlojë rrezikun e sëmundjes së zemrës.

Çokollatë e zezë

Studimet kanë treguar se flavonoidet e pranishëm në çokollatën e zezë dhe kakaon mund të zvogëlojnë rrezikun e sëmundjes së zemrës.

Sidoqoftë, nuk është mirë të hahet shumë çokollatë, pasi shpesh është e pasur me sheqerna shtesë, të cilat ndikojnë negativisht në shëndetin e zemrës. Është më mirë të kufizoni marrjen tuaj të përditshme të çokollatës së zezë në një pjesë më të vogël dhe të zgjidhni një që përmban të paktën 70 për qind kakao.

Botë

Franca pritet ta njohë sot Palestinën

Published

on

Franca pritet që ta njohë sot shtetin e Palestinës, sipas sekretarit të parë të partisë socialiste, njëherësh deputeti, Oliver Faure, pasi i njëjti kishte përmendur datën e 22 shtatorit.

Ai ka kërkuar që kur Franca më në fund do ta njohë shtetin e Palestinës, të ngritet flamuri palestinez nëpër komunat e Francës.

Por, ngritjen e flamurit nëpër komuna, e ka kundërshtuar Ministria e Brendshme.

Megjithatë, deputeti Faure ka thënë se pavarësisht tendencës që ministri i Brendshëm në largim po përpiqet t’i ndjekë penalisht kryebashkiakët që do të ndërmerrnin nismën për të lyer godinat e komunave me ngjyrat e Shtetit të Palestinës, i bëri thirrje Emmanuel Macronit, që Franca të jetë e qëndrueshme me qëndrimin që do të shpallë sot përpara komunitetit ndërkombëtar./S.K/EO/

Continue Reading

Aktualitet

27 vjet nga rënia e Fehmi dhe Xhevë Lladrovcit

Published

on

Sot bëhen 27 vjet nga rënia heroike e komandantit të Ushtrisë Çlirimtare të Kosovës, Fehmi Lladrovci dhe bashkëshortes së tij, Xhevë Krasniqi-Lladrovci, po ashtu njëra ndër luftëtaret e para të UÇK-së.

Çifti Fehmi e Xhevë Lladrovci, ishin ndër figurat më emblematike të organizimit dhe luftës për liri në Kosovë, të cilët ranë më 22 shtator të vitit 1998, në një betejë të vështirë e të pabarabartë me forcat serbe në Çiçavicë.

Bashkë me ta ra edhe studentja, Fatime Hetemi dhe shumë dëshmorë të tjerë.

Fehmi Lladrovci ishte komandant i Brigadës 114 të UÇK-së, emrin e të cilit do ta mbajë kjo brigadë.

Në sheshin e Drenasit janë vendosur shtatoret e dëshmorëve Fehmi dhe Xhevë Lladrovci./S.K/KP/

Continue Reading

Aktualitet

​Sot Dita Ndërkombëtare pa Makina

Published

on

Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një ditë makinat e tyre, të cilat emetojnë lëndë të dëmshme për organizmin.

Kjo konsiderohet edhe si një përpjekje për të kontribuar në mbrojtje të mjedisit.

Që prej vitit 1988 në Paris ka filluar të festohen kjo ditë dhe brenda katër viteve ka arritur të bëhet Dita Botërore e Lëvizjes pa Makina në të gjithë botën.

Në kuadër Ditës Ndërkombëtare pa Makina, edhe në Kosovë janë mbajtur disa aktivitete, ndërsa sot në veri të Mitrovicës do të vendoset një eko-ulëse me energji solare nga Ministria e Mjedisit dhe Planifikimit Hapësinor. /S.K/KP/BBC

Continue Reading

Lajmet

Derbi Arsenal–Manchester City mbyllet pa fitues

Published

on

Derbi i madh anglez mes Arsenalit dhe Manchester Cityt është mbyllur me barazim 1-1 në “Emirates Stadium”.

Skuadra mysafire kaloi në epërsi herët në ndeshje, kur Erling Haaland realizoi në minutën e 9-të.

Mirëpo, londinezët nuk u dorëzuan dhe arritën të shpëtojnë një pikë falë golit të Gabriel Martinellit në minutën e 93-të, duke ngritur në këmbë tifozët vendas.

Kjo përballje i takonte xhiros së pestë të Premierligës.

Pas këtij barazimi, Arsenali ka grumbulluar 10 pikë dhe renditet në vendin e dytë në tabelë, ndërsa Manchester City me shtatë pikë pozicionohet në vendin e nëntë./S.K/KP/

Continue Reading

Të kërkuara