Shëndet

Ushqimet që ndihmojnë lëkurën të rigjenerohet gjatë ndryshimit të stinëve

Published

4 years ago

September 15, 2021

UBT news

Lëkura cilësohet si organi më i madh i trupit dhe nga më të ndjeshmit ndaj ndryshimeve që ndodhin papritmas.

Këtu futen ndryshimet në rutinën tuaj të përditëshme apo ato atmosferiket.

Dihet tashmë që ndryshimi i stinëve sjell edhe ndryshim të madh në flokë e lëkurë.

Për të parandaluar këtë proces që të ndodhë dhe për të bërë ndryshimin nga i ngrohti në të ftohtë për lëkurën tuaj vijnë në ndihmë disa ushqime të caktuara.

Frutat tropikale gjatë verës

Për një lëkurë që shkëlqen gjatë verës kujdesuni të konsumoni sa më shumë fruta tropikale.
Me përmbajtje të lartë uji dhe vitaminash, këto fruta do ta ndihmojnë lëkurën tuaj të luftojnë efektet e çdo dehidratimi që mubd t’ju ndodhë gjatë verës.

Për shembull, mango është e pasur me mikronutrientë por gjithashtu përmban antinflamatorë që mbrojnë lëkurën tuaj nga çdo dëmtim i ADN-së nëse jeni djegur nga dielli i fortë i verës.

Shalqiri siç edhe e dini është jashtëzakonisht i pasur me ujë.

Gjithashtu ndihmon edhe ne çdo sjqetësim që mund të keni me aknet apo puçrrat.

Kjo për shkak të aftësisë së tij për të nxjerrë jashtë trupit toksinat.
Përmban gjithashtu likopen, i cili ju ndihmon të keni lëkurë më të butë dhe të shkëlqyeshme.

Kunguj në vjeshtë

Vjeshta është koha kur trupat tanë fillojnë të përshtaten me ndryshimet e stinës së ftohtë dhe kjo është lehtësisjt e dukshme në lëkurën tonë.

Gjatë këtyre muajve, ashtu si ne fillojmëtë përgatitemi për dimrin kështu bën edhe lëkura jonë kështu që shfrytëzoni ushqimet sezonale për të ndihmuar në këtë tranzicion.

Farat e kungullit dhe kungulli i vjeshtës veçanërisht, janë një nga burimet kryesore të beta karotenit, të cilin trupi e shndërron në Vitaminë A që është thelbësore për rigjenerimin e qelizave të lëkurës.

Kungulli mbron gjithashtu lëkurën nga dëmtimi i rrezatimit ultraviolet, i cili është i ashpër mbi lëkurë edhe në ditët më të ftohta të vitit.

Filloni gjithashtuntë përfshini në dietën tuaj arra, kokrra dhe bishtajore për të marrë sa më shumë acide yndyrore dhe hidratim të lëkurës gjatë vjeshtës.

Yndyrna të shëndetshme gjatë gjithë dimrit

Ata që jetojnë në vende shumë të ftohta do të dëshmojnë se ekstremitetet e motit janë më të dëmshmet për lëkurën.

Nëse jetoni në një zonë me erëra të forta ose ku bie shumë dëborë gjatë dimrit duhet të kërkoni për çdo hidratues natyral që vjen nga ushqimet.

Yndyrnat e shëndetshme si avokado, peshku vajor dhe arrat dhe farat veprojnë si një hidratues natyral për lëkurën duke ndihmuar në rregullomin e yndyrës në trup.

Gjithashtu ushqimet e pasura me omega-3 veprojnë si antinflamatorë të fuqishëm për sëmundje të lëkurës si ekzema dhe psoriaza.

Ushqime të pasura me vitaminë C në pranverë

Kjo vitaminë e tretshme në ujë është një nga antioksidantët më të fuqishëm që mund të përfshijmë në dietat tona.
Një vitaminë e cila është jetike për detoksifikimin dhe luftimin e radikalëve të lirë, duke ngadalësuar përfundimisht procesin e plakjes.

Ashtu sikurse mund të përdorni ndonjë serum vitamine C për të pasur një lëkurë rrezatuese e të ndritshme edhe të konsumosh ushqime të pasura me vitaminë C është e njejta gjë.

Pranvera është periudha kur trupat tanë fillojnë të shkëputen nga gjumi letargjik i dimrit dhe kërkojnë më shumë energji e kujdes.

Kshtu konsumoni sa më shumë luleshtrydhe, portokallë, limonë e speca.

Një këshillë përgjatë gjithë vitit do të ishte të mos harroni të konsumoni shumë ujë pasi kjo do të ndihmojë shumë në mbajtjen e një lëkure të shëndetëshme e të re./AgroWeb.org

Shëndet

Mos e bëj më! Rreziku i madh që fshihet në shishet plastike të ujit

Published

22 minutes ago

November 10, 2025

UBT News

Shishet plastike përdoren shpesh për javë apo edhe muaj të tërë, duke u mbushur e rimbushur vazhdimisht me ujë apo produkte të tjera.

Megjithatë, ekspertët paralajmërojnë se kjo praktikë është e rrezikshme për shëndetin.

Shishet plastike përmbajnë Bisfenol A (BPA), një substancë kimike që lëshohet në ujë, sidomos kur ekspozohen në diell, dhe krijon terren për baktere të rrezikshme, veçanërisht në grykën e shishes, ku pastrimi i plotë është i pamundur.

Studiuesit theksojnë se ripërdorimi i shisheve plastike ndikon negativisht në sistemin hormonal dhe rrit rrezikun e infeksioneve bakteriale.

Ekspertët rekomandojnë që shishet plastike të përdoren vetëm një herë dhe të zëvendësohen me shishe qelqi për të mbrojtur shëndetin dhe mjedisin. /A.Z/UBT News/

Shëndet

Si ta vlerësosh shëndetin e zemrës përmes një testi 30-sekondësh?

Published

1 hour ago

November 10, 2025

UBT News

Zemra e njeriut është aq e fortë, sa mund të rrahë edhe kur është e shkëputur nga trupi ynë. Për këtë arsye dhe shumë të tjera, është e rëndësishme të kujdesemi për shëndetin e saj.

E dini se brenda 30 sekondave mund të kuptoni nëse keni ose jo një problem me zemrën? Ndiqni hapat më poshtë për të mësuar si.

Në një pjatë të thellë hidhni ujë të ftohtë dhe sigurohuni që hapësira i nxë të dyja duart.

Brenda në ujë, hidhni disa copa akulli.

Fusni duart brenda në pjatën bashkë me akujt dhe mbajini 30 sekonda.

Kjo do t’ju bëjë të kuptoni si përgjigjet gjaku juaj në kontakt me të ftohtin.

Rezultatet e mundshme janë këto:

1. Gishtat tuaj mund të jenë skuqur dhe ky është lajm i mirë. Skuqja e duarve tregon se nuk ka asnjë problem me oksigjenin në gjak.

Nuk ka asgjë që s’shkon me qarkullimin tuaj të gjakut.

2. Nëse gishtat dalin të zbehtë prej aty (madje marrin ngjyrë mavi), duhet të shqetësoheni. Mund të keni probleme me qarkullimin e gjakut.

Niveli i oksigjenit në qelizat e gjakut s’është i mjaftueshëm, ose mund të keni probleme me furnizimin e oksigjenit në gjak.

Nëse përballeni me rastin e dytë, përpiquni t’i ngrohni duart dhe t’i masazhoni derisa t’i kthehen gjendjes normale. Në rast se kjo nuk ndodh, e mira është të lini takim me një mjek. /A.Z/UBT News/

Shëndet

Kur është koha më e mirë për të pirë qumësht?

Published

5 hours ago

November 10, 2025

UBT News

Qumështi është një nga produktet më të konsumuar të bulmetit dhe një burim i rëndësishëm proteinash, kalciumi dhe vitaminash.

Megjithatë, koha kur e pini luan një rol të madh në mënyrën se si trupi përthith ushqyesit dhe përfitimet që merr prej tij.

Për më shumë proteina – pini qumësht në mëngjes

Nëse doni të merrni më shumë proteina, mëngjesi është momenti ideal. Gjatë këtij vakti, trupi ka nevojë për energji dhe ushqyes për të nisur ditën. Përveç proteinave, qumështi ofron edhe magnez, fosfor dhe vitamina që ndihmojnë metabolizmin dhe forcimin e kockave.

Para ose pas aktivitetit fizik

Nëse ushtroheni në mëngjes, pini qumësht për të furnizuar organizmin me proteina dhe kalcium. Këto elemente ndihmojnë në zhvillimin e muskujve dhe forcimin e kockave, duke përmirësuar rikuperimin pas stërvitjes.

Për ndjenjë ngopjeje më të gjatë

Nëse doni të ndiheni të ngopur më gjatë, pini qumësht në mëngjes. Ai ngadalëson urinë e ndihmon në mbajtjen e nivelit të qëndrueshëm të energjisë gjatë ditës. Nëse megjithatë qumështi ju shkakton fryrje ose parehati, pini në mbrëmje, kur sistemi tretës është më i qetë.

Për pagjumësinë dhe çlodhjen

Nëse keni vështirësi me gjumin, një gotë në mbrëmje është një zgjidhje natyrale. Ai përmban aminoacide që nxisin prodhimin e serotoninës, hormonit të qetësisë, duke ju ndihmuar të flini lehtë. Nëse ndiheni të lodhur, qumështi në mbrëmje ndihmon trupin dhe trurin të çlodhen.

Për tretje më të mirë

Për një tretje të shëndetshme, pini qumësht të ngrohtë, jo të ftohtë. Nxehtësia e lehtë ndihmon stomakun të përthithë ushqyesit. Megjithatë, mos e teproni me sasinë, 150 deri në 200 ml në ditë janë të mjaftueshme për të përfituar nga vlerat e tij pa e ngarkuar sistemin tretës.

Këshilla të vlefshme për përdorimin e qumështit

Mos e zieni apo ngrohni qumështin shpesh, sepse temperaturat e larta shkatërrojnë vlerat ushqyese.

Gjatë zierjes, përziejeni me lugë druri për të shmangur ngjitjen.

Përdorni temperaturë të ulët kur e ngrohni.

Pas ftohjes, ruajeni në frigorifer deri në përdorimin e radhës.

Ngrohja e qumështit duhet bërë në sobë, jo në mikrovalë, për të ruajtur cilësinë dhe shijen e tij.

Qumështi është aleat i rëndësishëm për shëndetin, por mënyra e koha e konsumimit ndikojnë në përfitimet që merrni. Duke e pirë në momentin e duhur, mund të përfitoni maksimalisht nga ky ushqim i vlefshëm për trupin dhe mendjen. /A.Z/UBT News/

Shëndet

Dëgjimi me vetëm një kufje, një zakon i rrezikshëm për shëndetin e veshëve

Published

6 hours ago

November 10, 2025

UBT News

Shumë njerëz zgjedhin të vendosin vetëm një kufje për të dëgjuar muzikë apo biseda, në mënyrë që me veshin tjetër të ndjekin çfarë ndodh përreth.

Por sipas ekspertëve, ky zakon mund të ketë pasoja serioze për dëgjimin dhe shëndetin e trurit.

Dëgjimi njëanësor prish ekuilibrin natyral të trurit

Studime të kryera në Universitetin e Harvardit dhe në Institutin Kombëtar të Shëndetit të SHBA tregojnë se veshët funksionojnë në sinkron.

Kur dëgjojmë vetëm me një vesh, ky balanc pritet, e truri duhet të punojë më shumë për të përpunuar tingujt. Si pasojë, shfaqen lodhje mendore, ulje e ndjeshmërisë dëgjimore dhe vështirësi në përcaktimin e drejtimit të zërit.

Grupet më të rrezikuara

Më të ekspozuar ndaj këtij problemi janë ata që përdorin kufje çdo ditë, si operatorët e qendrave të thirrjeve apo personat që dëgjojnë gjatë në një anë për shkak të vozitjes ose zakoneve të punës. Përdorimi i vetëm një kufjeje, e detyron trurin të kompensojë mungesën e informacionit auditiv nga ana tjetër – gjë që me kalimin e kohës mund të dëmtojë sistemin dëgjimor.

Truri është projektuar për dëgjim “stereofonik”

Sipas Organizatës Botërore të Shëndetësisë, truri ynë është ndërtuar për të perceptuar tingujt me të dy veshët njëkohësisht. Ky perceptim ndihmon në vlerësimin e distancës, drejtimit dhe intensitetit të zërit. Kur një vesh mbingarkohet, krijohet gjendje jo natyrale për sistemin nervor, e cila çon në simptoma si zhurmë konstante në vesh. ndjesi presioni, mjegullim dëgjimi apo edhe shurdhim të pjesshëm.

Veshët nuk funksionojnë si dy njësi të ndara, nëse njëri dëmtohet, edhe tjetri ndikohet automatikisht. Një raport i National Institute on Deafness and Other Communication Disorders tregon se dëgjimi i njëanshëm për 9-12 muaj mund të çojë në asimetri dëgjimore.

Efekte edhe mbi lëkurën e kokës

Dermatologët paralajmërojnë se kufjet e mëdha me jastëkë të ngushtë ose plastike mund të shkaktojnë irritim të lëkurës dhe rrallim lokal të flokëve për shkak të presionit dhe mungesës së ajrosjes. Rekomandohet ndryshimi periodik i pozicionit të kufjeve dhe kontrolli i lëkurës për shenja skuqjeje apo djegieje.

Të rinjtë – më të ndjeshëm ndaj dëmtimit

Fëmijët janë më të rrezikuar nga dëmtimi i dëgjimit për shkak të përdorimit të tepërt të kufjeve. OBSH vlerëson se mbi 1 miliard të rinj në botë rrezikojnë humbje të dëgjimit. Sipas CDC, 1 në 8 fëmijë të moshës 6–19 vjeç ka dëmtime të lehta nga ekspozimi i tepërt ndaj zërit.

Sa është niveli i sigurt i zërit?

OBSH dhe Agjencia Evropiane për Sigurinë e Punës rekomandojnë që volumi të mos kalojë 80 decibel (dB) për dëgjim afatgjatë. Tingujt mbi 100 dB mund të dëmtojnë qelizat e veshit të brendshëm brenda pak minutash.

Si të mbroni dëgjimin tuaj?

Përdorni gjithmonë të dy kufjet, për të ruajtur balancën natyrale të dëgjimit.

Mbajeni volumin nën 60% të kapacitetit të pajisjes.

Bëni pushime çdo 60 minuta dëgjimi.

Zgjidhni kufje që izolojnë zhurmën e jashtme, për të shmangur ngritjen e volumit.

Aktivizoni opsionin e kufizimit automatik të volumit, kur është i disponueshëm.

OBSH propozon rregullin “60/60” – maksimum 60 minuta dëgjim në ditë me 60% të volumit.

Dëgjimi është dhuratë e çmuar, por edhe delikate. Dëmtimet e tij janë shpesh të pakthyeshme. Kujdesi i përditshëm e shmangia e dëgjimit me vetëm një kufje janë hapa të thjeshtë, për të ruajtur shëndetin e veshëve dhe ekuilibrin e trurit për një kohë të gjatë. /A.Z/UBT News/