Lajmet

Ushqimet që duhet t’i evitoni në mëngjes

Disa prej këtyre ushqimeve mund t’iu bëjnë të ndiheni më të përgjumur.

Published

on

Mëngjesi është vakti më i rëndësishëm i ditës dhe nuk duhet të shmanget asnjëherë. Megjithatë ju duhet të jeni shumë të kujdesshëm për ushqimet që zgjedhni për t’i konsumuar në mëngjes.

Disa prej këtyre ushqimeve mund t’iu bëjnë të ndiheni më të përgjumur dhe të mos e keni energjinë e duhur për të vazhduar ditën.

Bananet

Bananet janë të pasura me magnez që relakson muskujt – fantastike nëse konsumohen para se të pini alkool por jo për mëngjes ose si zamër.

Buka e bardhë

Karbohidratet, përbërësit kryesor të bukës së bardhë, treten shpejt kështu që alternativa më e mirë është të hahet bukë me kokërr.

Mishi i kuq

Yndyrnat që gjenden në mishin e kuq janë shumë të vështira për tu tretur në trup, kështu që trupi do të shpenzojë më shumë energji për të tretur këto ushqime.

Qershitë

Ky frut është i pasur me melatoninë që rregullon procesin e gjumit kështu që do të ishte mirë t’i shmangni qershitë kur doni të rrini zgjuar.

Ëmbëlsirat

Sasia e madhe e sheqerit stimulon sekretimin e triptofanit, aminoacideve që ju bëjnë të ndiheni të përgjumur.

Kafeja

Megjithëse kafeja mund të furnizojë trupin me energji për një kohë të kufizuar, do të ndiheni shumë të lodhur kur ndikimi i kafesë të ndalet.

Lajmet

Prishtina eliminohet nga kupat evropiane

Published

on

Skuadra nga kryeqyteti nuk e ka siguruar raundin e tretë të kualifikimeve për në Ligën e Konferencës. Ndeshja në kohën e rregullt dhe pas vazhdimeve dy herë nga pesëmbëdhjetë minuta kundër Larne nga Irlanda Veriore përfundoi me rezultatin 1:1.

Golin e epërsisë për Prishtinën në stadiumin “Fadil Vokrri” e shënoi Gjelbrim Taipi në minutën e dhjetë të pjesës së parë.

Leotrim Kryeziu kishte një rast të mirë për të thelluar epërsinë në minutën e 42-të, por portieri mysafir Rohan Ferguson nuk lejoi të befasohej.

Ekipi mysafir erdhi deri te barazimi me golin e Dan Bent në minutën e 56-të, pas një reagimi të vonuar të mbrojtjes vendëse.

Në ekzekutimin e penalltive ekipi nga Irlanda Veriore ishte më e saktë duke fituar me rezultatin 5:4. Ndeshja e parë para një jave në Ballymena Showgrounds të Irlandës Veriore kishte përfunduar pa gola – 0:0.

Kujtojmë, Prishtina u eliminua nga Liga Evropa pas humbjes nga Sheriff Tiraspol me rezultat të përgjithshëm 2:5 (0:4-2:1).

Continue Reading

Lajmet

Grabitet një poligon i shenjëtarisë, hajnat marrin armë me vlerë të konsiderueshme

Published

on

By

Një poligon i shenjëtarisë është grabitur nga hajnat në Gllogoc.

Raportohet se persona me maskë kanë hyrë me forcë brenda poligonit të shenjëtarisë ku kanë arritur të marrin 30 armë zjarri të kalibrave të ndryshëm dhe me vlerë të konsiderushme monetare.

Rasti është nën hetim nga Policia e Kosovës.

Ankuesi mashkull kosovar ka raportuar se persona të dyshuar të maskuar kanë depërtuar me forcë brenda poligonit të shenjëtarisë dhe nga aty kanë arritur të marrin rreth 30 armë zjarri të vogla të kalibrave të ndryshëm në vlerë të konsiderueshme. Rasti po hetohet nga ekipet relevante“, thuhet në raportin e Policisë së Kosovës.

Continue Reading

Lajmet

Policia shqipton mbi 2 mijë e 500 gjoba për kundërvajtësit e trafikut brenda 24 orëve të fundit, një aksident me fatalitet

Published

on

By

Policia e Kosovës ka shqiptuar 2779 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 91 aksidente trafiku me dëme materiale kurse 33 aksidente trafiku me të lënduar.

Policia e Kosovës ka arrestuar 17 persona teksa 9 janë dërguar në mbajtje, kurse 3 persona janë në vuajtje të dënimit.

Continue Reading

Lajmet

Ballkani shkon në raundin e tretë të Ligës së Konferencës

Published

on

Skuadra nga Suhareka, Ballkani ka siguruar raundin e tretë të Ligës së Konferencës.

Futbollistët e ekipit kanë luajtur si mysafirë ndaj skuadrës Floriana me rezultat 1:1. Vella solli maltezët në epërsi në minutën e 38-të, ndër sa Adetunji barazoi për Ballkanin në minutën e parë të kohës shtesë.

Në këtë mënyrë suharekasit siguruan pjesëmarrjen e në raundin e radhës, pasi në ndeshjen e parë në “Fadil Vokrri” shënuan fitore me rezultat 4:2.

Continue Reading

Të kërkuara