Sëmundjet kardiovaskulare janë ndër shkaktarët kryesorë të vdekjeve në botë, por shumica e tyre mund të parandalohen përmes stilit të shëndetshëm të jetesës.

Ja disa këshilla të thjeshta për të forcuar zemrën:

Aktivitet fizik i rregullt

Bëni të paktën 30 minuta ushtrime 5 herë në javë – ecje, not, biçikletë – për të përmirësuar qarkullimin dhe ulur tensionin.

Ushqehuni shëndetshëm

Zgjidhni ushqime me fibra, omega-3, fruta e perime. Shmangni yndyrnat e ngopura, ushqimet e përpunuara dhe sheqerin e tepërt.

Hiqni dorë nga duhani

Lënia e duhanit ul ndjeshëm rrezikun e sëmundjeve të zemrës, edhe në një kohë të shkurtër.

Menaxhoni stresin

Përdorni teknika relaksuese si joga, meditimi apo ecja në natyrë për të mbajtur zemrën të qetë dhe presionin e gjakut të qëndrueshëm.

Kontrolloni shëndetin rregullisht

Matni tensionin dhe kolesterolin herë pas here, pasi nuk japin shenja, por dëmtojnë zemrën në heshtje.

Flini mjaftueshëm

Gjumi 7–8 orë në natë ndihmon në ruajtjen e funksioneve të zemrës dhe balancimin e sheqerit në gjak.

Ruani peshën ideale

Mbipesha rrit rrezikun për sëmundje kardiake. Ushqimi i balancuar dhe lëvizja janë çelësi për peshë të qëndrueshme.

Me këto zakone, zemra juaj mund të jetë më e fortë dhe më e shëndetshme për një kohë të gjatë.

Përgatiti: A.Z. /UBT News/

Kërcitja në qafë, e njohur si krepitacion, shpesh është e padëmshme dhe lidhet me shpërthimin e flluskave të gazit në lëngun sinovial ose me fërkimin e tendinave dhe ligamenteve mbi kocka.

Ky fenomen bëhet më i shpeshtë me moshën dhe qëndrimin e keq të trupit.

Sipas kiropraktikut Dr. Andrew Bang nga Cleveland Clinic, kërcitja krijon ndjesi lehtësimi, pasi ul presionin në nyje. Shkaqet kryesore janë: presioni negativ në nyje, lëvizja e tendinave/ligamenteve dhe ndarja e fascias nga lëkura.

Kur duhet të shqetësohemi?

Nëse kërcitja shoqërohet me dhimbje, ënjtje, ngurtësi ose kufizim të lëvizshmërisë, mund të tregojë probleme si artriti, dëmtime të ligamenteve apo shtypje të nervave. Raste të rralla lidhen edhe me dëmtim të enëve të gjakut në qafë.

Ju bëjmë apel të keni kujdes me manipulimet kiropraktike, përdorimi i shpeshtë mund të dëmtojë stabilitetin e nyjeve, rekomandohet jo më shumë se një herë në javë.

Përgatiti: A.Z. /UBT News/

Një studim i publikuar në Physiology & Behavior ka zbuluar se vetëm 60 minuta not në ditë, për shtatë ditë radhazi, sjell përmirësime të ndjeshme si në kujtesën afatshkurtër, ashtu edhe në atë afatgjatë.

Sipas studiuesve, noti ndihmon në:

•Rritjen e qarkullimit të gjakut në tru

•Rritjen e niveleve të proteinës BDNF, e cila lidhet ngushtë me funksionin e kujtesës dhe procesin e të nxënit

•Nxitjen e krijimit të qelizave të reja nervore, veçanërisht në zonat e trurit që lidhen me kujtesën

Lëvizjet e koordinuara të trupit gjatë notit aktivizojnë të dyja hemisferat e trurit, duke përmirësuar fokusin, funksionin njohës dhe orientimin hapësinor.

Përgatiti: A.Z. /UBT News/

Një studim i kohëve të fundit ka treguar se mënyra se si qëndroni gjatë pirjes së ujit ka një ndikim të madh në shëndetin tuaj.

Sipas hulumtimeve, pozita ulur është mënyra më e rekomanduar për ta pirë ujin, që trupi të përfitojë sa më shumë nga kjo pije jetike.

Çdo ditë humbim  sasi të konsiderueshme uji, është e rëndësishme të konsumohet në formën më të përshtatshme për thithje e përpunim nga organizmi.

Nëse pini ujë shumë shpejt, trupi nuk arrin të shfrytëzojë të gjitha përfitimet e tij. Qëndrimi gjatë këtij procesi ka rëndësi të madhe.

Kur pini në këmbë, nervat dhe muskujt janë më të tendosur dhe trupi reagon sikur të ishte nën presion. Për më tepër, qëndrimi në këmbë lidhet me konsumimin më të shpejtë të ujit, gjë që mund të ndikojë negativisht në tretje.

Ngjashëm me ujin dhe pijet tjera, edhe ushqimi duhet konsumuar ngadalë, pasi kjo ndihmon në përmirësimin e procesit të tretjes. Duhet ta kemi parasysh se uji kalon në stomak, dhe kur jemi në këmbë ky proces është edhe më i përshpejtuar.

Studiuesit sugjerojnë të kthehemi tek mënyrat natyrale, të hamë e të pimë ulur, pas mbetet pozita më e shëndetshme dhe më e përshtatshme për organizmin.