Lajmet

Ursula Von der Leyen viziton Ballkanin Perëndimor në fund të shtatorit

Von der Leyen: BE do të investojë në të gjithë rajonin dhe Mesdheun.

Published

5 years ago

on

Kryetarja e Komisionit Europian Ursula Von der Leyen do të vizitojë Ballkanin Perëndimor para fundit të muajit, për të dërguar një sinjal të fortë të angazhimit tonë në procesin e anëtarësimit në BE.

“Para fundit të muajit, unë do të udhëtoj në rajon për të dërguar një sinjal të fortë të angazhimit tonë në procesin e pranimit. Ne ua kemi borxh të gjithë atyre të rinjve që besojnë në një të ardhme evropiane”. Kështu u shpreh shefja e KE në fjalimin e saj vjetor mbi gjendjen e Bashkimit Evropian të mërkurën, duke bërë një bilanc të 12 muajve të fundit dhe përvijon planet për vitin e ardhshëm.

“BE po rrit mbështetjen për rajonin përmes planit të ri Ekonomik dhe Investues, me vlerë rreth një të tretën e PBB -së së rajonit. Sepse investimi në të ardhmen e Ballkanit Perëndimor është një investim në të ardhmen e Bashkimit Evropian”, u shpreh ajo.

Më tej Von der Leyen shtoi se BE do të investojë në të gjithë rajonin dhe Mesdheun, si edhe do të vazhdojë të bashkëpunojë me Turqinë.  

“Ne gjithashtu do të vazhdojmë të investojmë në partneritetet tona me të gjithë fqinjët tanë, nga rritja e angazhimit tonë në Partneritetin Lindor në zbatimin e Agjendës së re për Mesdheun dhe vazhdimi i punës në aspekte të ndryshme të marrëdhënies sonë me Turqinë”.

Related Topics:
Continue Reading

Lajmet

Rreth 23 mijë semimaturantë i nënshtrohen Testit të Arritshmërisë më 26 qershor

Published

5 seconds ago

on

June 11, 2026

By

Rreth 23 mijë nxënës të klasave të nënta do t’i nënshtrohen Testit të Arritshmërisë më 26 qershor, i cili edhe këtë vit do të organizohet në një ditë të vetme.

Nga Ministria e Arsimit është bërë e ditur se testi do të përfshijë katër grupe lëndësh, duke përfshirë gjuhën shqipe, gjuhën angleze, matematikën, informatikën, si dhe shkencat shoqërore e natyrore.

Qëllimi i testit është vlerësimi i njohurive dhe shkathtësive të nxënësve, ndërsa rezultatet do të shërbejnë për orientimin dhe regjistrimin e tyre në shkollat e mesme të larta.

Njohës të arsimit vlerësojnë se testi ka rol të rëndësishëm në orientimin e nxënësve, por theksojnë se duhet të përmirësohet mënyra e administrimit dhe analizës së rezultateve për të rritur efikasitetin e tij./A.K/

Continue Reading

Lajmet

Tri raste të dhunës në familje në Malishevë, Gjakovë dhe Graçanicë

Published

4 minutes ago

on

June 11, 2026

By

Tri raste të ndara të dhunës në familje janë raportuar në Malishevë, Gjakovë dhe Graçanicë, ku si pasojë janë arrestuar tre persona të dyshuar.

Në Malishevë, më 10.06.2026 rreth orës 16:30, është arrestuar një i dyshuar kosovar nën dyshimin se ka ushtruar dhunë psikike ndaj viktimës mashkull kosovar. Pas inicimit të rastit, me vendim të prokurorit i dyshuari është dërguar në mbajtje.

Në Gjakovë, në të njëjtën kohë, është arrestuar një i dyshuar mashkull kosovar pasi pas një mosmarrëveshjeje ka kanosur verbalisht viktimën mashkull kosovar. Pas intervistimit, me vendim të prokurorit, i dyshuari është dërguar në mbajtje.

Ndërsa në Graçanicë, më 10.06.2026 rreth orës 02:00, ankuesja kosovare ka njoftuar se i dyshuari kosovar ka ushtruar dhunë psikike ndaj saj. I dyshuari është arrestuar dhe pas inicimit të rastit, me vendim të prokurorit është dërguar në mbajtje./A.K/

Continue Reading

Lajmet

Aksident trafiku me fatalitet në Prizren, humb jetën biçiklisti

Published

8 minutes ago

on

June 11, 2026

By

Ka ndodhur një aksident trafiku mes një veture, të cilën e drejtonte një i dyshuar mashkull kosovar, dhe një biçiklete në rrugën “Faik Konica” në Prizren më 10.06.2026 rreth orës 09:58.

Si pasojë e aksidentit, drejtuesi i biçikletës, viktimë mashkull kosovar, ka pësuar lëndime të rënda trupore dhe është dërguar për trajtim mjekësor në QKUK, ku gjatë trajtimit ka ndërruar jetë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe dërguar në mbajtje.

Continue Reading

Lajmet

Tentim vrasje ndaj një gruaje, arrestohet i dyshuari

Published

14 minutes ago

on

June 11, 2026

By

Sipas raportit policor, një grua ka pësuar lëndime trupore pasi është sulmuar me mjet të mprehtë nga një i dyshuar mashkull kosovar në Prishtinë.

Ngjarja ka ndodhur më 10 qershor 2026, rreth orës 11:20. Në vendin e ngjarjes është sekuestruar një mjet i mprehtë, i cili dyshohet se është përdorur gjatë sulmit.

Sipas policisë, i dyshuari është arrestuar dhe ka pranuar trajtim mjekësor psikiatrik. Me vendim të prokurorit, pas intervistimit, ai është dërguar në mbajtje.

Rasti është iniciuar si “Vrasje në tentativë” dhe po hetohet nga organet kompetente./A.K/

Continue Reading

Të kërkuara