Lajmet

Urdhër evakuimi për 1 milion banorë në Gaza brenda 24 orëve

Kështu tha Stephane Dujarric, zëdhënës i sekretarit të përgjithshëm të organizatës duke kërkuar që ky urdhër të anulohet.

Publikuar

9 muaj më parë

më

OKB-ja është informuar nga ushtria izraelite për një urdhër për evakuimin e rreth 1,1 milionë banorëve nga veriu i Gazës drejt jugut brenda 24 orëve, tha Stephane Dujarric, zëdhënës i sekretarit të përgjithshëm të organizatës duke kërkuar që ky urdhër të anulohet.

”Mbrëmë, zyrtarët e OKB-së në Gaza u informuan nga oficerët e tyre ndërlidhës ushtarakë izraelitë se e gjithë popullata në veri të Gazës duhej të zhvendosej drejt jug brenda 24 orëve. Një evakuim i këtyre përmasave është i pamundur pa shkaktuar pasoja shkatërruese humanitare”, tha ai.

OKB-ja ka nisur një apel urgjent për donacione me vlerë 294 milionë dollarë për të përmbushur nevojat urgjente të banorëve më të rrezikuar të Bregut Perëndimor dhe Rripit të Gazës, ku më shumë se 400 mijë palestinezë janë larguar nga shtëpitë e tyre ditët e fundit dhe rreth 50 mijë gra shtatzëna nuk kanë më akses në kujdes.

Sipas Zyrës së Kombeve të Bashkuara për Koordinimin e Çështjeve Humanitare (OCHA), më shumë se 423 mijë persona janë detyruar të braktisin shtëpitë e tyre në Rripin e Gazës nën rrethimin dhe bombardimet e ushtrisë izraelite.

Sipas një deklarate nga zyra e Kombeve të Bashkuara, numri i personave të zhvendosur në këtë territor me popullsi të dendur prej 2.3 milionë banorësh u rrit nga 84 mijë e 444 në 423 mijë e 378.

Një video e së mërkurës e një prej sulmeve të Izraelit në Gaza duket se tregon përdorimin e fosforit të bardhë, një municioni të diskutueshëm që mund të shkaktojë dëm serioz nëse përdoret kundër civilëve, sipas ”Washington Post”.

Izraeli thotë se ka hedhur rreth 6 mijë bomba, me peshë 4 mijë ton, në objektivat e Hamasit në Gaza në gjashtë ditë duke goditur më shumë se 3 mijë e 600 objektiva./ANSA/ 

Etiketa
Vazhdo të lexosh

Lajmet

Vazhdon edhe sot dëshmia e Bislim Zyrapi në Speciale

Publikuar

13 minuta më parë

më

3 Korrik, 2024

nga

Në Dhomat e Specializuara të Kosovës në Hagë sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit.

Sot është dita e tretë e dëshmisë së Bislim Zyrapit në Speciale.

Dëshmitari Bislim Zyrapi pohoi se Jakup Kransiqi ka qenë zëvendëskomandant i Shtabit të Përgjithshëm të UÇK-së gjatë periudhës së 1998-së.Dëshmitari tha se Shtabi i Përgjithshëm ka pasur takime të vazhdueshme për shkak të situatës së luftës, mirëpo ato me komandantët e zonave ishin më të rralla.

Dëshmitari Bislim Zyrapi gjatë dëshmisë së tij ka treguar se ka pasur nofkën “Bisi” në kohën e luftës dhe se me këtë emër i është drejtuar Rexhep Selimi.

Vazhdo të lexosh

Lajmet

Në Tiranë po mbahen homazhet për Ismail Kadarenë

Publikuar

24 minuta më parë

më

3 Korrik, 2024

nga

Po mbahen homazhe për shkrimtarin e madh shqiptar, Ismail Kadare në Teatrin Kombëtar të Operas, Baletit dhe Ansamblit Popullor në Tiranë.

Kadare varroset sot dhe në ceremoninë e varrimit pritet të marrin pjesë edhe liderë nga Kosova.

Poeti shqiptar vdiq të hënën në mëngjes në Urgjencën e Tiranës, në moshën 88-vjeçare.

Vazhdo të lexosh

Lajmet

Një vajzë në Suharekë raporton se dy persona e sulmuan dhe dhunuan

Publikuar

27 minuta më parë

më

3 Korrik, 2024

nga

Dy persona janë dërguar në mbajtje nën dyshimin se e kanë sulmuar dhe dhunuar një vajzë në Suharekë.

Në raportin 24 orësh të Policisë, thuhet se rasti ka ndodhur të martën rreth orës 09:00, ndërsa fillimisht ishin arrestuar tre të dyshuar, por njëri prej tyre u lirua në procedurë të rregullt.

“Viktima femër kosovare ka raportuar se është sulmuar fizikisht dhe dhunuar nga dy persona të panjohur. Viktima është dërguar për ekzaminim mjekësor, ndërsa lidhur me rastin janë arrestuar tre të dyshuar meshkuj kosovarë dhe me vendim të prokurorit, pas intervistimit dy prej tyre janë dërguar në mbajtje ndërsa i dyshuari tjetër është liruar”, thuhet në njoftim.

Vazhdo të lexosh

Lajmet

Sot fillon ekzekutimi i pagesave për subvencione

Publikuar

1 orë më parë

më

3 Korrik, 2024

nga

Ministri i Bujqësisë, Pylltarisë dhe Zhvillimit Rural, Faton Peci, ka njoftuar se sot ka filluar ekzekutimi i pagesave të subvencioneve për fermerët kosovarë.

3 mijë e 906 fermerë do të përfitojnë nga pagesat e sotme që ka filluar Ministria e Bujqësisë.

Vlera e përgjithshme e pagesave kap shifrën e 3.8 milionë eurove.

“3,8 milionë euro për 3906 fermerë përfitues. Fillon ekzekutimi i pagesave për fermerët përfitues të Programit për Pagesa Direkte / Subvencione 2024”, ka shkruar Peci.

Vazhdo të lexosh

Të kërkuara