Lajmet

Ura më e lartë hekurudhore në botë do të hapet së shpejti në Kashmir

Ura do të lidhë rajonin e largët me rrjetin e gjerë hekurudhor të Indisë.

Published

on

Në mes të Himalajeve në Kashmir shtrihet ura më e lartë hekurudhore në botë. Ura mbi lumin Chenab – 1 mijë e 315 metra e gjatë dhe 359 metra e lartë nga shtrati i lumit – do të lidhë rajonin e largët me rrjetin e gjerë hekurudhor të Indisë.

Gjatë kulmit të dimrit, një pjesë e madhe e rajonit të diskutueshëm është shkëputur nga pjesa tjetër e Indisë.

Kjo urë e cila është më e lartë se Kulla Eifel në Paris, shtrihet midis fshatrave Bakkal dhe Kauri në rrethin Reasi të zonës jugore Jammu të Kashmirit.

Me një kosto prej 168 milionë euro, ura është pjesë e projektit Udhampur-Srinagar-Baramulla Rail Link (USBRL), i cili do të lidhë qytetin kryesor të rajonit të Srinagarit me kontinentin e Indisë nëpërmjet rrjeteve hekurudhore në të cilat filloi puna në vitin 1999.

Ura me hark, e bërë nga 28 mijë ton çelik, konsiderohet një mrekulli inxhinierike pasi është ndërtuar në një zonë të prirur ndaj aktivitetit të lartë sizmik. Terreni i ashpër dhe i pabarabartë gjithashtu sjell rrëshqitje të shpeshta të dheut dhe kushte të vështira atmosferike.

Projekti hekurudhor 119 km i gjatë (73 milje) përfshin 38 tunele dhe 931 ura që kanë një gjatësi të kombinuar prej 13 km (8 milje) për ta mundësuar lidhjen hekurudhore.

Derisa inspektoi përfundimin e urës muajin e kaluar, Ashwini Vaishnaw, ministri i hekurudhave të Indisë, pranoi se kjo ishte sfida më e vështirë inxhinierike për departamentin.

“Kjo urë dhe tunelet tjera ishin të vështira, sepse e gjithë kjo zonë është shumë e prirur ndaj aktiviteteve sizmike. Për ta mbrojtur atë nga çdo aktivitet sizmik është përdorur teknologji e posaçme forcuese”, tha ministri.

Dyshimet për këtë projekt që u shtye u adresuan kur ministri tha se lidhja hekurudhore me Srinagarin do të përfundojë deri në dhjetor të këtij viti ose janar të vitit të ardhshëm.

Sipas dokumenteve zyrtare, ura është ndërtuar për t’u bërë ballë erërave të forta dhe tërmeteve me magnitudë të lartë./UBTNews/

Lajmet

Peci: Të gjithë e shohim Nismën si partner eventual, ka pasur takime me Limajn

Published

on

By

Ministri në detyrë, Faton Peci ka thënë se Vetëvendosje e sheh Nismën si partner eventual.

Për negociatat me Nismën Socialdemokrate negociatat e zhvillon Lëvizja Vetëvendosje ose kryeministri Albin Kurti. Ka pasur takime me Fatmir Limajn, para dy a tri ditësh. Nuk e di se në çfarë niveli është realizuar.  Është konfirmuar edhe nga akterët e Vetëvendosje. Deri në këtë fazë nuk jam në dijeni të ketë lëvizur diçka. Ne të gjithë e shohim Nismën si partner eventual”, deklaroi Peci.

“Çdo herë vijmë me shpresën se ka lëvizur diçka nga kampi opozitar. E vërteta është që qytetarët presin që ne me ju ofru zgjidhje, ne nuk kemi bërë lëvizje në këtë drejtim. Tash, në vazhdimësi kemi komunikim. Unë nuk jam prej atyre që kam zhvilluar bisedime”, theksoi ai.

I pyetur se pse nuk po e ndërrojnë kandidaten për kryetare të Kuvendit, Albulena Haxhiu, Peci tha se “nuk është fundi i botës që opozita ta respektojë vendimin e Kushtetueses dhe të marrë pjesë në votim”.

E kemi dhënë sqarimin, nuk është fundi i botës që deputetët të marrin pjesë në votim dhe ta respektojnë vendimin e Gjykatës Kushtetuese.

Continue Reading

Lajmet

Presidentja Osmani pret delegacionet ndërkombëtare për Forumin Ndërkombëtar për Gratë, Paqen dhe Sigurinë

Published

on

By

Presidentja e Republikës së Kosovës, Vjosa Osmani, ka pritur delegacionet ndërkombëtare të cilat do të marrin pjesë në edicionin e tretë të Forumit Ndërkombëtar për Gratë, Paqen dhe Sigurinë.

Ceremonia zyrtare e hapjes së Forumit do të mbahet nga ora 10:00 dhe do të mirëpresë mbi një mijë pjesëmarrës nga më shumë se 45 shtete të ndryshme të botës.

Ky forum, që tashmë është shndërruar në një platformë ndërkombëtare me ndikim për çështjet e grave dhe sigurisë globale, këtë vit zhvillohet nën temën “Kodi i Sigurisë për Brezin Tonë”.

Continue Reading

Lajmet

​Sot tentimi i radhës për konstituimin e Kuvendit

Published

on

By

Për herë të njëzet e pestë deputetët sot do t’i drejtohen ulëseve të tyre në përpjekje për të konstituuar legjislaturën e nëntë të dalë nga zgjedhjet 9 shkurtit.

Seanca konstituive ka nisur më 15 prill dhe deri tash të gjitha përpjekjet kanë dështuar.

Vazhdimi i radhës sot pritet të mbahet në orën 10:30. Vazhdimet e kaluara kanë qenë të shkurtra, për shkak të mos votimit të komisionit për mbikëqyrjen e votimit të fshehtë për zgjedhjen e Albulena Haxhiut – të cilin po e kërkon Lëvizja Vetëvendosje, Guxo e Alternativa, por që nuk po votohet nga partitë e tjera parlamentare.

Këto të fundit po këmbëngulin që të ndërrohet emri i kandidatit për të parin e Kuvendit, duke thënë se nuk do ta votojnë Albulena Haxhiun.

Grupi parlamentar i Aleancës për Ardhmërinë e Kosovës tashmë e ka dërguar në Kushtetuese për interpretim mënyrën e votimit të fshehtë për zgjedhjen e kreut të ri të Kuvendit./KosovaPress

Continue Reading

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Të kërkuara