Lajmet

Ulet çmimi i naftës

Standardi ndërkombëtar i naftës së papërpunuar Brent, u tregtua me 86,07 dollarë për fuçi.

Published

on

Çmimet e naftës pësuan një rënie të lehtë të hënën nga nivelet e çmimeve maksimale të arritura të premten.

Standardi ndërkombëtar i naftës së papërpunuar Brent, u tregtua me 86,07 dollarë për fuçi, një ulje prej 0,19% nga çmimi i së premtes prej 86,24 dollarë për fuçi.

Standardi amerikan West Texas Intermediate (WTI) tregtohej në të njëjtën kohë me 82,66 dollarë për fuçi, 0,19% më pak nga mbyllja e sesionit të së premtes prej 82,82 dollarë për fuçi, raporton agjencia Anadolu.

Rritja e çmimeve të naftës të premten u nxit nga shqetësimet për mungesën e furnizimit pas njoftimeve për frenim të furnizimit nga Arabia Saudite dhe Rusia.

Faktorët si ritmi i ngadaltë i rimëkëmbjes ekonomike të Kinës dhe pasiguritë lidhur me atë se sa Arabia Saudite dhe Rusia do të reduktonin prodhimin dhe eksportet në përgjigje të kushteve globale të stokut të papërpunuar po ndikojnë në lëvizjen e tregut të naftës.

Investitorët do të monitorojnë raportet e ardhshme nga OPEC (Organizata e Vendeve Eksportuese të Naftës) dhe Agjencia Ndërkombëtare e Energjisë, të cilat do të paraqesin informacion mbi gjendjen e tregut të naftës, statistika mbi ofertën dhe kërkesën dhe parashikimet e tregut.

Lajmet

Çitaku: I bëj thirrje Kurtit që të reflektojë, Kosova është shumë më e vlefshme sesa egoja e tij

Published

on

By

Nënkryetarja e PDK-së, Vlora Çitaku, pas dështimit të 37-të me radhë për konstituimin e Kuvendit, e quajti situatën tërësisht të papranueshme.

Ajo akuzoi Lëvizjen Vetëvendosje dhe Albin Kurtin për kryeneçësi dhe papërgjegjësi.

“Kosova është shumë më e madhe dhe më e vlefshme se egoja e tij,” theksoi Çitaku, duke kërkuar reflektim urgjent nga partia fituese e zgjedhjeve.

“Sërish ishim dëshmitarë të shpërfaqjes politikë të subjektit të parë politik. Kjo gjendje është tërësisht e papranueshne. Në këtë pikë të bllokadës jemi si rezultat i kryeneçësisë dhe papërgjegjesisë së Lëvizjes Vetëvendosje dhe Albin Kurtit.

Madje, i dëgjova disa deklarata qesharake se gjoja i kanë numrat për qeveri, por nuk i paskan numrat për kryeparlamentar. Kjo nuk do koment është papërgjegjësi. I bëj thirrje që të reflektojë. Kosova është shumë më e madhe dhe më e vlefshme se egoja e tij”, shtoi Çitaku.

Continue Reading

Lajmet

Dështoi sërish vazhdimi i seancës konstituive të Kuvendit të Kosovës

Published

on

By

Edhe vazhdimi i 37-të i seancës konstituive të Kuvendit të Kosovës përfundoi pa sukses. Lëvizja Vetëvendosje bëri sërish përpjekje për krijimin e një komisioni ad-hoc që do të mundësonte votimin e fshehtë, por pa arritur konsensus mes partive politike.

Kryesuesi i seancës, Avni Dehari, u bëri thirrje partive opozitare – PDK-së, LDK-së, AAK-së, Nismës dhe Listës Serbe – që të propozojnë kandidatët e tyre për përbërjen e komisionit. Megjithatë, këto subjekte nuk pranuan të marrin pjesë në këtë proces dhe refuzuan të votojnë.

Nga 92 deputetët e pranishëm në sallë, 52 votuan për formimin e komisionit, një ishte kundër dhe nuk pati asnjë abstenim.

Përballë mungesës së përkrahjes së gjerë parlamentare, Dehari vendosi që seanca të ndërpritet. Ai njoftoi se vazhdimi i saj do të mbahet më 22 korrik, në orën 11:00.

Continue Reading

Lajmet

Haradinaj: Situata në Kuvend, shqetësim real

Published

on

By

Kryetari i AAK-së Ramush Haradinaj, pohoi se situata e krijuar në Kuvend është shqetësim real.

Ai deklaratën e bëri para vazhdimit të seancës konstituive.

“Është shqetësim real edhe të gjithë i kanë të drejtat e veta, mundësitë e veta, përgjegjësitë e veta. Unë mirëpres shoqërinë civile që na kujton detyrën tonë”, tha ai.

Continue Reading

Lajmet

”Deputetë, emri juaj është bllokadë”, organizatat e shoqërisë civile me aksion para Kuvendit

Published

on

By

Organizatat e shoqërisë civile kanë zhvilluar sot një performancë simbolike përpara hyrjes së Kuvendit të Kosovës, në shenjë proteste ndaj bllokimit të vazhdueshëm të konstituimit të legjislaturës së re.

Të pajisur me pankarta me mesazhe të drejtpërdrejta si “Kur t’ju bëhet boll, kallxoni”, “Deputetë, emri juaj është bllokadë” dhe “Karriget janë për punë, jo për pushtet”, përfaqësuesit e shoqërisë civile kërkuan t’i japin fund krizës institucionale dhe theksuan përgjegjësinë e deputetëve për të përmbushur mandatin e tyre.

Protesta u zhvillua në prag të vazhdimit të seancës së 37-të të seancës konstituive të Kuvendit të Kosovës.

Continue Reading

Të kërkuara