

Shëndeti
Ulçera e stomakut – Plani ushqimor që ju vjen në ndihmë!
Është e rëndësishme të theksohet se këto ushqime nuk japin shqetësime për të gjithë.
Published
3 years agoon
By
UBT newsPara viteve 1980, për ulcerën e stomakut fajësohej zakonisht stresi ose ushqimet pikante, por tani e dimë se ulcera nuk shkaktohet nga këta faktorë.
Shumë nga ulçerat shkaktohen si rezultat i pranisë së bakterit Helicobacter pylori (H. pylori) dhe kjo lidhet me përdorimin afatgjatë të barnave anti-inflamatore si ibuprofeni dhe aspirina.
Edhe pse nuk ka një dietë specifike që trajton ulcerën e stomakut, ka disa ushqime që mund ta përkeqësojnë, përmirësojnë e madje ta kurojnë atë, me të cilat AgroWeb.org ju njeh me to më poshtë.
Simptomat e ulçerës së stomakut:
Nëse keni ndonjë nga këto simptoma, AgroWeb.org ju këshillon të konsultoheni me mjekun tuaj.
- Dhimbje dhe djegësi në stomak
- Fryrje, gromësira ose ndjesi ngopjeje
- Të përziera ose të vjella
- Humbje peshe e pashpjegueshme ose oreks i pakët
Ushqimet më të mira për ulçerën e stomakut
Ushqimet e pasura me fibra mund të parandalojnë sekretimin e tepërt të acidit të stomakut, i cili mund të zvogëlojë dhimbjen dhe të mbrojë mukozën e stomakut ndërsa ulçera shërohet.
Shumë ushqime të pasura me fibra janë gjithashtu burime të mira të polifenoleve, kimikateve bimore që kanë veti antioksiduese, anti-inflamatore dhe mbrojtëse, të cilat përshpejtojnë shërimin.
Ushqimet e pasura me fibra janë:
- Mjedrat
- Dardhët
- Mollët
- Bananet
- Portokallet
- Luleshtrydhet
- Fiqtë
- Rrushtë e thatë
- Angjinarja
- Bizeleet
- Brokoli
- Rrepa
- Lakrat e Brukselit
- Misri i ëmbël
- Patatet
- Pasta e domateve
- Karotat
- Elbi
- Fasulet
- Thjerrëzat
- Arrorët
- Farërat e ndryshme
- Tërshëra me drithëra të plota
- Oriz kaf
- Buka e zezë
Ushqimet më të këqija për ulçerën e stomakut
Nëse keni ulçerë në stomak, mund të zbuloni se disa ushqime dhe pije ju shkaktojnë acarim.
Fajtorët e zakonshëm mund të përfshijnë:
- Alkoolin
- Kafenë
- Pije të tjera me kafeinë
- Ushqimet pikante
Megjithatë organizmi mund t’i tolerojë nëse konsumohen në sasi të vogla ose së bashku me ushqime të tjera.
Është e rëndësishme të theksohet se këto ushqime nuk japin shqetësime për të gjithë.
Kështu që veprimi më i mirë është të kufizoni ose të shmangni ato produkte që ju shkaktojnë shqetësime dhe të shijoni me moderim të tjerat.
Sipas studimeve të ndryshme të cilave AgroWeb.org iu referohet, dietat më të mira që këshillohen për personat me këtë problem shëndetsor janë dieta mediterrane dhe ajo me bazë bimore./AgroWeb.org
You may like
Shëndeti
Çfarë ndodh nëse hani një qershi me krimb të fshehur brenda?
Published
4 hours agoon
July 3, 2025By
UBT News
Qershitë mund të jenë strehë për mysafirë të paftuar, larva të bardha. A mund të dëmtojë shëndetin tuaj ngrënia e qershive me krimba?
Larvat që fshihen në qershi janë larvat e mizës së qershisë, një insekt në familjen e mizave Tephritidae. Femrat e kësaj specie i lëshojnë vezët e tyre në fruta të pjekura, duke krijuar një mjedis në të cilin larvat ushqehen me tulin e frutave derisa të piqen.
Konsumimi i paqëllimshëm i larvave të mizës së qershisë nuk përbën një rrezik serioz për shëndetin. Larvat nuk janë helmuese e nuk transmetojnë sëmundje, megjithëse vetëm mendimi për praninë e tyre mund të shkaktojë neveri.
Njerëzit me sistem tretës të ndjeshëm e alergji, ndaj insekteve ose marimangave, mund të kenë probleme pas konsumimit të qershive.
Simptoma si fryrje, të përziera ose diarre janë të mundshme. Kujdes i veçantë rekomandohet për njerëzit me sistem imunitar të dobësuar, sepse trupi i tyre mund të reagojë më dhunshëm ndaj proteinave nga insektet.
Edhe pse pasojat më serioze janë të rralla, është e rëndësishme të jeni të vetëdijshëm për mundësinë e simptomave të pakëndshme.
Si t’i pastroni qershitë në mënyrë efektive?
Për të shmangur surprizat e pakëndshme, mund të përdorni një metodë të provuar shtëpiake. Është e nevojshme që frutat të zhyten në ujë të ftohtë dhe të shtohet kripë (1 lugë kripë në 1 litër ujë) për të paktën 30 minuta, dhe më së shumti një orë. Një ndryshim në mjedis bën që larvat të notojnë në sipërfaqe.
Pas kësaj, qershitë duhet të filtrohen mirë dhe të shpëlahen me ujë të rrjedhshëm. Zhytja në ujë të kripur është efektive, por nuk i largon të gjitha gjurmët e larvave. Kjo është arsyeja pse ekspertët rekomandojnë një shqyrtim të kujdesshëm të frutave para konsumimit.
Shenjat e dobishme që mund të tregojnë praninë e larvave janë: vrima të vogla në lëvore, ngjyrë e pabarabartë ose njolla të zeza të dukshme.
Shëndeti
Si ndikon në shëndet konsumi i rregullt i pjeshkave?
Published
9 hours agoon
July 3, 2025By
UBT News
Pjeshkat janë një nga frutat e preferuara të verës për shumë njerëz janë të lëngshme, të ëmbla e freskuese. Përveç se janë të shijshme, pjeshkat kanë përfitime shëndetësore. Nutricionistja Jamie Lee McIntyre thekson se pjeshkat ofrojnë një numër përfitimesh shëndetësore që shkojnë përtej shijes.
“Ato përmbajnë lëndë ushqyese të dobishme që mbështesin shëndetin e zemrës, zvogëlojnë inflamacionin e ndihmojnë në rregullimin e sheqerit në gjak”, thekson ajo për portalin Eating Well.
Përmirësojnë tretjen
Janë burim i mirë i fibrave dietike, një pjeshkë përmban rreth dy gramë fibra, si të tretshme dhe të patretshme. “Fibrat e tretshme ushqejnë bakteret e dobishme të zorrëve, ndërsa fibrat e patretshme ndihmojnë në nxitjen e tretjes”, shpjegon McIntyre. Konsumi i rregullt i tyre kontribuon në tretje të mirë.
Zvogëlojnë inflamacionin
I lidhur me shumë sëmundje, pjeshkat përmbajnë lëndë ushqyese si beta-karoten, antocianina dhe luteinë, dhe vitaminë C. “Këto komponime mbrojnë qelizat nga stresi oksidativ, i cili mund të kontribuojë në zhvillimin e sëmundjeve të ndryshme”, shton McIntyre.
Ndihmon në uljen e presionit të gjakut
Janë të pasura me kalium, mineral që ndihmon në neutralizimin e efekteve negative të natriumit e relakson enët e gjakut. “Përveç kaliumit, ato përmbajnë vitaminë C, fibra dhe beta-karoten, një kombinim që mbështet shëndetin e zemrës, ulë presionin e gjakut, përmirëson nivelet e kolesterolit”, tha McIntyre.
Rregullon sheqerin në gjak
Pavarësisht shijes së ëmbël, pjeshka përmban 15 gramë karbohidrate, dukshëm më pak se molla, e cila ka 25 gramë. Për njerëzit me diabet, pjeshkët mund të jenë zgjedhje e shkëlqyer, kur kombinohen me burime proteinash dhe yndyrnash të shëndetshme, të cilat ngadalësojnë më tej rritjen e sheqerit në gjak.
Mbron shikimin
Ngjyra e pjeshkave vjen nga karotenoidet si beta-karoteni, luteina dhe zeaksantina, të cilat janë gjithashtu antioksidantë të fuqishëm. Marrja e lartë e luteinës dhe zeaksantinës është lidhur me rrezik më të ulët të kataraktit e degjenerimit makular, shkaqet kryesore të humbjes së shikimit tek të rriturit.
Shëndeti
Peshë normale, por bark i madh! Çfarë do të thotë për shëndetin?
Published
1 day agoon
July 2, 2025By
UBT News
Pesha e trupit, masa dhjamore, ajo muskulore e një sërë parametrash tjerë përbëjnë atë që quhet trup i shëndetshëm. Këto të dhëna specifikisht janë të ndryshme për çdo njeri, por në panormën e gjerë, ekspertët sugjerojnë të mos kaloni në mbipeshë.
Çfarë ndodh në organizëm kur konsideroheni në peshë normale, por keni bark të madh?
Sipas ekspertëve dhjami i mbledhur rreth belit mund të jetë një problem kryesisht për organet tuaja.
Çfarë do të thotë për shëndetin?
Siç e shpjeguam, edhe nëse keni një peshë normale për trupin, problemi qëndron tek akumulimi i tepërt i dhjamit në disa zona.
Barku i madh apo i dhjamosur rrit rrezikun e zhvillimit të sëmundjeve të zemrës sipas Shoqatës Amerikane të Zemrës, në deklaratë të publikuar në Prill 2021.
Sipas tyre lloji më i rrezikshëm i dhjamit për zemrën është pikërisht ai që qëndron rreth barkut, pasi rrethon organet, ky lloj shëndeti dëmton arteriet dhe të shkaktojë probleme kardiovaskulare të shumta.
Për të qenë të shëndetshëm, diametri i belit nuk duhet të jetë më i madh se gjysma e peshës tuaj trupore, për të mbajtur një trup në formë, ekspertët rekomandojnë të bëni 150 minuta aktivitet fizik në javë me intensitet mesatar. Këtu mund të përfshihet noti, e ecura, vrapi apo palestra e sporte të tjera.
Qëllimi juaj duhet të jetë të largoni sa më shumë dhjamin nga beli dhe të formoni masë muskulare.
Shëndeti
Ja faktorët që ndikojnë në rritjen e kolesterolit të keq
Published
1 day agoon
July 2, 2025By
UBT News
Trupi ka nevojë për kolesterol, në mënyrë që të ndërtojë qelizat e shëndetshme, nivelet e larta të kolesterolit mund të rrisin rrezikun për t’u prekur nga sëmundjet e zemrës.
Duke qenë se kolesteroli i lartë nuk shfaq simptoma, ju mund ta vini veten në rrezik edhe pa e kuptuar.
Regjimi ushqimor – Yndyrat e ngopura, të gjetura në ushqime si mishi i kuq, qumështi, por gjithashtu edhe disa produkte, të tilla si biskotat, rrezikojnë të rrisnin nivelin e kolesterolit të keq në gjak.
Mbipesha – Tashmë dihet se mbipesha është një nga arsyet kryesore që lidhet ngushtë me kolesterolin e keq në gjak.
Mungesa e aktivitetit fizik – Mund të kontribuojë në rritjen e kolesterolit të keq dhe uljen e kolesterolit të mirë.
Duhani – Pirja e saj dëmton muret e enëve të gjakut, duke i bërë ato më të prirura për të grumbulluar depozita yndyrore.
Mosha mund të jetë një tjetër faktor – Për shkak se kimia e trupit tuaj ndryshon kur plakeni, rreziku i kolesterolit të lartë rritet.
Diabeti – Sheqeri i lartë në gjak, kontribuon në rritejn e nivelit të kolesterolit të keq dhe dëmton gjithashtu arteriet tuaja.
Si mund të parandaloni rritjen e nivelet të kolesterolit të keq?
Për të ndihmuar në parandalimin e kolesterolit të lartë, ju mund të:
Reduktoni konsumin e kripës dhe të shtoni konsumin e frutave, perimeve dhe drithërave.
Kufizoni sasinë e yndyrave shtazore dhe përdorni yndyra të mira në mënyrë të moderuar.
Eliminoni kilogramët e tepërt dhe mbani një peshë të shëndetshme.
Hiqni dorë nga duhani.
Kryeni aktivitet fizik gjatë ditëve të javës, për të paktën 30 minuta.
Konsumoni alkooli në mënyrë të moderuar.
Menaxhoni stresin.

Çfarë ndodh nëse hani një qershi me krimb të fshehur brenda?

Jeff Bezos nuk plotëson ‘TEKAT’ e Lady Gaga-s, këngëtarja nuk performoi në dasmën e miliarderit

Trump dhe Putin do të zhvillojnë një bisedë telefonike

Jurgen Klopp me mesazh pikëllues për humbjen e ish-lojtarit të tij, Diogo Jota

Ballkani përballet me thatësirë të madhe dhe kufizime të ujit si pasojë e valës së nxehtësisë

Përplasja ligjore Blake Lively – Justin Baldoni – Aktorja kërkon prova nga emra të famshëm

Klopp i jep lamtumirëm Diogo Jotas: Ishte një mik i shkëlqyer

BE-ja aktivizon mekanizmin e Mbrojtjes Civile për të luftuar zjarret në Evropë

Merz bën thirrje për marrëveshje tarifore të shpejtë dhe të lehtë me SHBA-në
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT4 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës