Lajmet

Ukrainasit që u detyruan të jetojnë me të vdekurit disa ditë

Kuleba ka thënë se beteja për rajonin e Donbasit do t’i ngjajë Luftës së Dytë Botërore.

Published

4 years ago

April 8, 2022

Betim Gashi

Ukraina po përgatitet për një operacion të madh rus në lindje të shtetit, tani që trupat ruse janë tërhequr nga zonat rreth kryeqytetit, Kievit.

Ministri i Jashtëm ukrainas, Dmytro Kuleba ka thënë se beteja për rajonin e Donbasit do t’i ngjajë Luftës së Dytë Botërore. Kuleba u ka kërkuar vendeve të NATO-s të ofrojnë më shumë armë për të luftuar rusët.

Sekretari i Përgjithshëm i NATO-s, Jens Stoltenberg, ka thënë se aleanca është e gatshme të rrisë mbështetjen, ndonëse nuk ka ofruar hollësi se për çfarë armë bëhet fjalë.

Teksa janë bërë publike më shumë mizori të kryera në zonat e kontrolluara ditë më parë nga rusët, Asambleja e Përgjithshme e Kombeve të Bashkuara ka pezulluar Moskën nga Këshilli për të Drejta të Njeriut.

Kremlini e ka përshkruar këtë vendim si “joligjor”.

Ndarja e hapësirës me të vdekurit

Fshati verior i Ukrainës, Jahidne ka qenë i pushtuar nga ushtarët rusë për gati një muaj.

Kur rusët kanë hyrë aty, ata besohet se kanë marrë burrat, gratë dhe fëmijët nga shtëpitë e tyre dhe i kanë dërguar në bodrumin e një shkolle për katër javë.

Rreth 130 persona kanë jetuar në një dhomë 65 metra katrorë.

“Unë kam pasur gjysmë metri hapësirë. Kam fjetur në këmbë”, ka thënë Mykola Klymchuk për transmetuesin britanik BBC.

“E kam lidhur veten me një shall që të mos bie. Kam kaluar 25 net ashtu”.

Mykola ka thënë se nuk ka guxuar të lëvizë nga frika se mos po bie mbi njerëz.

Kur njerëzit kanë vdekur, trupat e tyre nuk janë larguar menjëherë.

Ushtarët rusë nuk kanë lejuar një gjë të tillë çdo ditë.

Raportohet se trupat ruse kanë diskutuar për vrasjet në Buça

Trupat ruse janë dëgjuar duke diskutuar për vrasjet e civilëve në qytezën ukrainase Buça në disa mesazhe që ka siguruar inteligjenca gjermane, kanë raportuar mediat e Gjermanisë.

Revista Der Spiegel ka thënë se një pjesë e trafikut të radio-lidhjeve që është incizuar nga agjencia gjermane e inteligjencës, duket se lidhet me lokacionet ku janë gjetur trupat janë Kievit.

Agjencia gjermane e inteligjencës nuk ka komentuar ende këtë çështje publikisht.

Ukraina ka thënë që më shumë se 300 civilë janë vrarë nga rusët në Buça. Moska mohon përfshirjen.

Imazhet e publikuara nga rrugët e Buças kanë shokuar komunitetin ndërkombëtar.

Disa prej viktimave janë qëlluar në shpinë dhe kokë, me duar të lidhura.

A përbëjnë gjenocid vrasjet në Buça?

Vrasjet në Buça janë parë nga shumë zyrtarë si krime lufte. Të tjerë kanë thënë se Moska ka shkuar edhe më larg.

“Ky është gjenocid, ajo që keni parë këtu”, ka thënë presidenti ukrainas, Volodymyr Zelensky pas një vizite në Buça.

Kryeministri polak, Mateusz Morawiecki është pajtuar që vrasjet në Buça dhe qytezat tjera “mund të quhen akte gjenocidi dhe duhet të trajtohen si të tilla”.

Mirëpo Shtetet e Bashkuara dhe aleanca e NATO-s, nuk e kanë përdorur këtë fjalë për të përshkruar atë që po ndodh në Ukrainë.

Laureati i Çmimit Nobel sulmohet me ngjyrë të kuqe

Gazetari rus Dmitry Muratov, i cili ka fituar Çmimin Nobel për Paqe më 2021, ka thënë se është sulmuar me ngjyrë të kuqe, pak para se të hynte në tren.

“Sytë po më djegin tmerrësisht shumë”, ka thënë redaktori i Novaya Gazetës, media liberale, e cila ka ndalur punën pas paralajmërimeve nga Moska për mënyrën si ka mbuluar luftën mes Rusisë dhe Ukrainës.

Sulmuesi ka bërtitur “Muratov, kjo është për djemtë e tu”, ka thënë ai.

Novaya Gazeta njihet për shkrimet kritike ndaj autoriteteve ruse.

Muajin e kaluar, ajo ka bërë të ditur se do të ndalë punën deri në përfundim të luftës.

Presidenti rus, Vladimir Putin ka urdhëruar, më 24 shkurt, “operacion special” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës./REL

Rajoni

Rektori Hajrizi viziton UniMarconi në Romë

Published

1 day ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

2 days ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.