Lajmet

Ukraina thotë se tanket gjermane janë thelbësore për mbijetesë

“Armët gjermane, tanket gjermane janë thelbësore për mbijetesë”, tha ai për agjencinë gjermane të lajmeve dpa.

Published

4 years ago

on

Ambasadori i Ukrainës në Berlin, Oleksii Makeiev, i kërkoi qeverisë gjermane që t’i sigurojë vendit të tij tanket luftarake Leopard 2 sa më shpejt të jetë e mundur.

“Armët gjermane, tanket gjermane janë thelbësore për mbijetesë”, tha ai për agjencinë gjermane të lajmeve dpa.

“Ne kemi shumë pak kohë për diskutime. Dhe ne presim që aleatët tanë ta kuptojnë këtë dhe të veprojnë siç duhet”, shtoi ai.

Gjermania po përballet me presion për t’i dhënë Ukrainës disa nga tanket e saj Leopard 2 pasi Mbretëria e Bashkuar njoftoi të shtunën se do të dërgojë tanke Challenger 2 për ta ndihmuar Ukrainën.

Thirrja e Makeiev vjen vetëm disa ditë para takimit të ministrave të mbrojtjes nga aleatët perëndimorë të Ukrainës në bazën ajrore amerikane Ramstein në Gjermaninë perëndimore për të diskutuar rreth mbështetjes së mëtejshme ushtarake në luftën kundër Rusisë./UBTNews/

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

1 hour ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

1 hour ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

1 hour ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

1 hour ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara