Lajmet

Ukraina, Rusia dhe Turqia bien dakord për eksportin e grurit

Rreth 80% e eksporteve të grurit të Ukrainës u dërguan nga portet e vendit të Detit të Zi.

Published

on

Bisedimet midis Ukrainës, Rusisë, Turqisë dhe Kombeve të Bashkuara të mbajtura në Stamboll rezultuan që palët të binin dakord për të formuar një qendër të përbashkët koordinuese nën kujdesin e OKB-së. Sipas CNN, kreu i zyrës së presidentit të Ukrainës, Andriz Yermak theksoi se kjo gjë do të sigurojë eksportet ukrainase të grurit përmes Detit të Zi.

Qendra do të vendoset në Stamboll dhe detyra do të kryejë monitorimin e përgjithshëm dhe koordinimin e lundrimit të sigurt në Detin e Zi. Më shumë se 20 milionë ton drithë mbetën të bllokuara në Ukrainë për shkak të bllokadës ruse ndaj porteve të Detit të Zi.

Para luftës, furnizimet me grurë nga Rusia dhe Ukraina përbënin pothuajse 30% të tregtisë globale dhe Ukraina është eksportuesi i katërt më i madh në botë i misrit dhe eksportuesi i pestë më i madh i grurit. Rreth 80% e eksporteve të grurit të Ukrainës u dërguan nga portet e vendit të Detit të Zi përpara pushtimit të Rusisë.

Qendra do të vendoset në Stamboll dhe detyra do të kryejë monitorimin e përgjithshëm dhe koordinimin e lundrimit të sigurt në Detin e Zi. Më shumë se 20 milionë ton drithë mbetën të bllokuara në Ukrainë për shkak të bllokadës ruse ndaj porteve të Detit të Zi.

Para luftës, furnizimet me grurë nga Rusia dhe Ukraina përbënin pothuajse 30% të tregtisë globale dhe Ukraina është eksportuesi i katërt më i madh në botë i misrit dhe eksportuesi i pestë më i madh i grurit. Rreth 80% e eksporteve të grurit të Ukrainës u dërguan nga portet e vendit të Detit të Zi përpara pushtimit të Rusisë.

Me këto rrugë të bllokuara, Ukraina shpreson të përshpejtojë eksportet e grurit përmes rrugëve të rihapura të lumit Danub, të mundësuara pasi trupat ukrainase rimorën ishullin e gjarpërinjve në qershor./Top Channel

Lajmet

Më 11 tetor përfundon afati i votimit me postë nga jashtë Kosovës

Published

on

By

Komisioni Qendror i Zgjedhjeve (KQZ) ka bërë të ditur përmes një komunikate për media se më 11 tetor përfundon periudha e votimit jashtë Kosovës për shtetasit e Kosovës, të cilët janë regjistruar për të votuar përmes postës në Zgjedhjet Lokale për Kryetarë të Komunave dhe për Kuvende Komunale.

Kjo periudhë, e cila ka filluar më 17 shtator, vlenë vetëm për 43,933 shtetasit që janë regjistruar suksesshëm si votues jashtë Kosovës.

Deri më 11 tetor 2025, votuesit e regjistruar jashtë Kosovës duhet të dërgojnë pakon e tyre me fletëvotime në ndonjërën nga kutitë postare të KQZ-së.

KQZ njofton se me qëllim të ofrimit të mundësisë për votim për shtetasit që janë regjistruar për të votuar përmes postës, kutitë postare janë funksionale në këto shtete: Australi, Austri, Belgjikë, Çeki, Danimarkë, Francë, Gjermani, Holandë, Hungari, Itali, Kanadë, Kosovë, Kroaci, Mali i Zi, Maqedoni e Veriut, Mbretëri e Bashkuar, Norvegji, ShBA, Shqipëri, Slloveni, Suedi, Turqi dhe Zvicër./D.B/EO

Continue Reading

Lajmet

​Dështon të mbahet seanca ndaj Faruk Mujkës dhe Hysen Muzliukajt

Published

on

By

Në mungesë të të akuzuarve dhe mbrojtësve të tyre ka dështuar të mbahet seanca e shqyrtimit fillestar ndaj Faruk Mujkës dhe Hysen Muzliukajt lidhur me akuzat për korrupsion, të ngritura nga Prokuroria Speciale e Republikës së Kosovës.

Kryetarja e trupit gjykues, Violeta Namani Hajra tha se për sigurimin e prezencës së të akuzuarve gjatë ditëve në vijim do të veprohet në përputhje legjislacionet në fuqi, përfshirë edhe lëshimin e urdhër arrestit nëse ka nevojë.

Deri më tani nuk kemi ndonjë dëshmi, që i njëjti [Faruk Mujka] e ka pranuar ftesën në mënyrë të rregullt. Nuk prezanton mbrojtësi i tij, avokati Xhafer Tahiri, i njëjti ka njoftuar se për shkaqe familjare, sot në të njëjtën kohë do të realizojë një vizitë mjekësore jashtë vendit. I pandehuri Hysen Muzliukaj nuk prezanton në gjykatë, por deri më tani gjykata nuk ka pranuar asnjë shërbim postor qe i njëjti e ka pranuar ftesën në mënyrë të rregullt. Ne sallë po ashtu nuk prezanton avokati i tij, i njëjti ka njoftuar se në të njëjtën kohë, në të njëjtën gjykatë ka një seancë tjetër“, tha ajo.

Seanca tjetër do të mbahet më 20 tetor në orën 09:00. Mujka dhe Muzliukaj akuzohen për keqpërdorim të detyrës zyrtare./D.B/KP

Continue Reading

Lajmet

Policia shqipton mbi 2 mijë e 500 gjoba trafiku brenda 24 orëve të fundit

Published

on

By

Policia e Kosovës ka shqiptuar 2564 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 48 aksidente trafiku me dëme materiale, 16 aksidente trafiku kanë përfunduar me të lënduar.

Policia e Kosovës ka arrestuar 25 persona, 13 janë dërguar në mbajtje, kurse një person është në vuajtje të dënimit./D.B/KP

Continue Reading

Lajmet

Përleshen tetë të mitur në Prizren, tre në spital, dy në mbajtje

Published

on

By

Një përleshje mes tetë të miturve ka ndodhur në Prizren të mërkurën, ndërkaq raportohet se dy prej tyre janë dërguar në mbajtje.

Policia rastin e ka cilësuar si lëndim i rëndë trupor. Sipas raportit 24-orësh, rasti ka ndodhur pas një mosmarrëveshje mes të dyshuarve.

Tre prej tyre kanë pranuar tretman mjekësor.

Raportohet se pas një mosmarrëveshje janë rrahur mes veti tetë të dyshuar të mitur dhe si pasojë, tre prej tyre kanë pësuar lëndime trupore dhe kanë pranuar tretman mjekësor. Të dyshuarit janë intervistuar dhe me vendim të prokurorit dy prej tyre janë arrestuar dhe dërguar në mbajtje ndërsa të tjerët janë liruar”, thuhet në njoftim./D.B/EO

Continue Reading

Të kërkuara